2 Co 11:26 - Chuj San Sebastian Bible

²⁶ Til wal 'ajtc b'eync in 'eq'ui. 'Ay 'aj 'ay smay yuj a niwc a', yet' pax yuj eb' 'elc'um. 'Ay 'aj 'ay smay yuj eb' wit chon̈ab', yet' pax yuj eb' man̈ wit chon̈b'oc. 'Ay 'aj 'ay smay 'a jun tzo'n̈ chon̈ab', yet' 'a b'esan, yet' pax 'a yib'n̈ a mar. 'Ay pax 'aj 'ay smay 'a scal eb' tzcob' yalch sb'a cu'tacoquec.

Chuj San Mateo Bible

²⁶ Tzijtum b'aj ec'nac in. Ay b'aj ay smay yuj a nivac a' yed' pax yuj eb' elc'um. Ay b'aj ay smay yuj eb' vetchon̈ab' yed' pax yuj eb' man̈ vetchon̈ab'oc. Ay b'aj ay smay d'a juntzan̈ chon̈ab', b'aj cuseltac yed' d'a yib'an̈ a' mar. Ay pax b'aj ay smay d'a scal eb' syaloch sb'a creyenteal.

2 Co 11:26 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 13:45

Palta ax xyiln eb' israel, chajtlto til wal 'anma 'ix syam sb'a. Yuj cha, 'ix chichn 'och eb' 'a Pablo cha. 'Ix cob' yalnc eb' to yes. Ton̈j xb'uchwj eb' 'a 'a.

A Tas Sc'ulejnac Eb' Schecab' Jesús Hechos 13:50

Palta ax eb' israel x'a'n sc'ojloc eb' yajl yaj 'a jun chon̈b' cha. 'Ay pax jun tzo'n̈ eb' x'ochnc 'a scuynb'il eb' israel, checl yaj eb' 'a sat eb' 'anma', 'ix 'ajx pax sc'ojloc eb'. 'Ix syamn 'och eb' ya'n stul 'a Pablo yet' 'a Bernabé. 'Ix spechn 'el eb' 'a jun lugar cha.

A Tas Sc'ulejnac Eb' Schecab' Jesús Hechos 14:19

Palta 'ay jaywn̈ eb' israel 'aj Antioquía xc'ochi, yet' jaywn̈ xo eb' 'aj Iconio. 'Ix ya'n eb' sc'ojloc eb' 'anma cha. Yuj cha, xlaj sjulq'uenan eb' Pablo cha, a snan eb' to xchami. X'at sjucn can 'el eb' 'a sti 'el schon̈ab'.

A Tas Sc'ulejnac Eb' Schecab' Jesús Hechos 14:5

Ax eb' israel cha, yet' jun tzo'n̈ eb' man̈ israeloc, 'ix slajtin sb'a eb' yet' ewin yajl chon̈ab'. 'Ix smol aln eb', chajtlto 'oj sb'aj eb' Pablo yet' Bernabé, ax sjuln cham eb' yet' q'uen q'uen snani.

A Tas Sc'ulejnac Eb' Schecab' Jesús Hechos 15:40

Ax Pablo, 'ix si'n 'elt Silas 'a scal eb' creyente, yic tz'at yet'oc. Ax eb' creyente cha, 'ix sc'an eb' swach'c'ojlal Dios 'a yib'n̈ eb'. Xlajw xoj cha, x'at eb'.

A Tas Sc'ulejnac Eb' Schecab' Jesús Hechos 17:13

Palta ax eb' israel 'aj Tesalónica, xyab'n eb', chajtlto wan yaln 'el Pablo spaxti Dios 'a Berea cha. Yuj cha, x'at pax eb' ta'. Yic xc'och eb', 'ix ya'n pax eb' q'ue somnjoc eb' chon̈b' chi yowxi.

A Tas Sc'ulejnac Eb' Schecab' Jesús Hechos 17:5

Palta 'ay pax eb' israel ma'ix ya'ch 'a sc'ojol. Yic 'ix yiln eb', caw xcot yowl eb'. 'Ix ya'n eb' syam sb'a jun tzo'n̈ ewin maysch'olnil snab'en. A ewin cha, ton̈j tz'ec' ewin sayc' maysch'olnil 'a caye. Xlajw ya'n eb' sc'ojloc ewinac, 'ix ya'n eb' syam sb'a eb' chon̈b' smasnil. 'Ix ya'n eb' q'ue somnjoc eb' 'anma chi yowxi. Xlajw cha, xya'n ewin yip yecn 'och sb'a 'a yol yatut win Jasón, yujto a snan ewinac, to ata 'ayc' Pablo yet' Silas. 'Ix snib'j ewin yic' 'elt eb', tzya'n 'elt ewin eb' 'a sat eb' chon̈ab'.

A Tas Sc'ulejnac Eb' Schecab' Jesús Hechos 18:12

Ax 'a jun tiempoal cha, 'aych win Galión yajlil 'a Acaya cha. Ax eb' israel, 'ix slajtij sb'a eb' 'a spatc Pablo. 'Ix yi'n 'at eb' 'a yojltac win yajl cha.

A Tas Sc'ulejnac Eb' Schecab' Jesús Hechos 19:1

Yic 'ayc' Apolos 'a Corinto cha, 'ix 'ec' Pablo 'a jun tzo'n̈ chon̈b' 'ay 'a tzalctac. Xlajw cha, xc'och 'a chon̈b' Efeso. Ata 'ix 'ilchj jun tzo'n̈ eb' creyente yu'uj.

A Tas Sc'ulejnac Eb' Schecab' Jesús Hechos 19:23

Ax 'a jun tiempoal cha, caw xq'ue somnjoc eb' 'anma scot yowl yuj b'eyb'al yic Cajlil.

A Tas Sc'ulejnac Eb' Schecab' Jesús Hechos 20:19

Smasnil tiempo xwac' servil Cajlil 'a 'emmquilal. 'Ay 'aj caw 'o'nc in, yuj wal spitl eb' 'anma'. Til wal in 'ajx prowal yuj jun tzo'n̈ maysch'olnil 'ix ya'ch eb' israel 'a wib'an̈.

A Tas Sc'ulejnac Eb' Schecab' Jesús Hechos 20:3

'Oxe 'uj x'och wan ta'. Snib'j x'och 'a yol barco, yic tz'at 'a Siria. Palta xyab'ni, to 'ay eb' yit israelal tznib'n yamnoc. Yuj cha, 'ix snan 'ixtic: Yel xo wach' tzin meltzj pax 'a Macedonia jun 'ejm xo, xchi.

A Tas Sc'ulejnac Eb' Schecab' Jesús Hechos 23:10

Xlajw cha, xcaw 'och owl yuj eb' si'mb'il. Ax win comandante cha, caw 'ix xiw winac. A snan winac, to wan sto'n ch'iychjoc eb' Pablo cha. Yuj cha, xyawtn cot win eb' soldado. Xit' yi'nc 'elt eb' Pablo chi 'a scal eb', xlajw cha, x'at ya'nc pax eb' 'a cuartel jun 'ejm xo.

A Tas Sc'ulejnac Eb' Schecab' Jesús Hechos 25:3

'Ix sc'an ewin 'a Festo cha, sec toq'ue tz'ijx cot Pablo chi 'a Jerusalén cha. 'Ixta xyutj ewin yalni, yujto tznib'j ewin smil cham 'a yol b'e.

A Tas Sc'ulejnac Eb' Schecab' Jesús Hechos 27:42

Ax ewin soldado cha, xcob' snib'c ewin smil cham eb' preso cha, sec may eb' tznoxw can 'eli, yic tz'atcn eb' 'eloc.

Ro 15:19

'Ay pax jun tzo'n̈ milagro ch'oxb'il wuj 'a eb', yet' jun tzo'n̈ xo tas tzch'oxn 'el spoder Dios. Ax Yespíritu Dios 'ix yac' spoder 'ayin. 'Ixta xwutj 'ec' walnc 'el wach' 'ab'x yic Cristo 'a junjn chon̈ab'. A 'a Jerusalén, ata in b'ab'l yamj 'och waln 'eli. C'uxn x'ec' wal-l 'a junjn chon̈ab', masnto in c'och 'a chon̈b' Ilírico.

Ro 8:35

May junc tas tzch'oxni, to tzyij 'el Cristo schamc'ojlal 'ayn̈ec. Wach'xam yailal, wach'xam junc niwn cusc'ojlal, mto junc mach tz'a'n 'och junc tas 'a quib'n̈ec, toxn̈ej tz'och qui wejlec, toxn̈ej may qui pichul, toxn̈ej tzjaw junc tas 'ay smay, wach'xam tzon̈ milxec chamoc, toxn matz yij 'el Cristo schamc'ojlal 'ayn̈ec.

1 Co 15:30

An̈ xo pax tic on̈, ¿tas yuj tzcac' qui b'a 'a yol sc'ab' chaml 'a smasnil tiempo on̈?

1 Co 15:32

A 'a Efeso tic, 'ay jun tzo'n̈ eb' 'a'jnac 'och jun tas 'a wib'an̈. Caw ow eb' 'icha junc noc' caw 'ay smay. Toto may in q'uinl 'a jun 'ejmn̈ej, ¿tas yuj tzwixtj in b'a tzyal cha? Toto ma'oj pitzwc pax eb' chamnac, to 'ixta', caw am wach' ton̈j tzca'c qui gana jac ticnec. Wa coyec, tzcu'nec tas tzcuq'uej, toq'ue chamnc on̈c xo q'uic'an.

2 Co 11:32

A yic wec' 'a chon̈b' Damasco, ata 'ayc' win gobernador munljnac 'a win rey Aretas. A win cha, ya'jnac tan̈wxoc junjn spuertail sti jun chon̈b' cha, sec tzin yamchj yuj win snani.

Gl 2:4

Yel toni, 'ay jun tzo'n̈ eb' yaljnac 'och sb'a creyenteal. Snib'jnac eb', to 'ajxnac circuncidar Tito cha. Palta a eb' cha, ton̈j c'ultac 'ochnc eb' 'a qui calec, sec tzyil eb', chajtl on̈ 'ajc qui colchj 'el 'a yol sc'ab' ley yic Moisés yuj Cristo Jesús. Yujto tznib'j eb' to tzon̈ 'ochc pax 'a yol sc'ab' jun ley chi jun 'ejm xo.