2 Co 11:15 - Chuj San Sebastian Bible

¹⁵ Yuj cha, matz sat qui c'ojol, toto a eb' tz'a'n servil winac, tzcob' yalch sb'a eb' wach'il. Palta a eb' cha, 'oj scha eb' spac, a tzyala tastc tzb'o junjn eb'.

Chuj San Mateo Bible

¹⁵ Yuj chi' max sat co c'ool, tato icha pax chi' syutej sb'a eb' schecab' vin̈ to syaloch sb'a eb' tojolal. Palta a val eb' lac'an ol chaan spac, ato syala' tas ix sc'ulej eb' junjun.

2 Co 11:15 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 5:13

Palta ax eb' schecab', 'ix snitzn 'ochch sb'a eb' 'a stz'ey, 'ix yaln eb' 'ixtc 'a 'a: —Mamin, toto 'ay wal junc xo tas caw ya 'ix yal win schecb' Dios tic 'ayach, ¿tom ma'oj a b'o jun? Oc xo jun, cojn 'ix yala to tza b'icl a b'a, ax a b'ox cani, xchi eb' 'a 'a.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Ez 13:22

Yuj eyixtm 'anma'il xlaj eya'nc cus sc'ojl eb' tojl snab'en. A jun cha, caw matz in nib'j an tic. Ax eb' maysch'olnil sb'eyb'al, tzeyac' sc'ojloc eb' sec matz jel eb' sb'eyb'al yic tzchan eb' sq'uinl 'ayin.

A Tas Sc'ulejnac Eb' Schecab' Jesús Hechos 13:10

'Ix yaln 'a win 'ixtic: —Ach tic, caw tzextj paxti eb' 'anma', caw maysch'olnil a nab'en. Yunnalch win diablo, 'ajc'ojl 'ajch 'a smasnil tas wach'. A spaxti Cajlil, caw yel, yuj cha, ¿tas yuj matz actj can extni?

Ro 2:6

At wal ta 'oj yac' spac 'a junjn 'anma', a tzyala tastc tzb'o jun jun.

Ro 3:8

'Ay eb' tzcob' alnoc 'a in patic, tolab' tzwal 'ixtic: Yel xo wach' tz'och qui mulec, sec 'oj wach' checljoc 'eli, to cojn Dios wach', xin chi ab' yal eb'. A eb' tzaln jun tzo'n̈ tic, caw smoj 'oj 'ajxc can 'at eb' 'a scal yailal.

1 Co 9:11

A yic quec' 'a e cal on̈, 'icha to 'ay tas 'ec' cawjnac can 'ayx on̈. A jun cha, yic espíritu. Yuj cha, ¿tom man̈ smojc tzqui chaj qui gasto 'ayx yuj spac qui munljel chi 'on̈?

2 Co 11:13

A eb' cha, ton̈j tzcob' yalch sb'a eb' schecb'oc Cristo. Caw 'ixtm 'anma eb' yet' spaxti cha, mun tzcob' ya'ch sb'a eb' schecb'oc Cristo.

2 Co 11:23

Toto ya'mal servil Cristo eb', an xo tic, yel xo wal tzwac' servil 'a yib'n̈ eb'. A yic tzwaln 'at jun tzo'n̈ tic 'ayex, tzwal ton 'icha junc man̈ nab'enal yaji. Yel xo wal niwn in munlj 'a yib'n̈ eb' cha. Caw niwn 'ejm in ma'x 'a yib'n̈ eb', niwn 'ejm in 'och 'a preso, an̈jtona', niwn 'ejm in cob' 'ajxc 'och 'a yol sc'ab' chamel.

2 Co 3:9

A jun ley cha, wach'xam tzya'ch chaml 'a yib'n̈ eb' 'anma', niwn yel'chi yic sjawi. Ocxom wal jun 'ab'x tzalni, to wach'n̈ec 'a sat Dios.

Ef 6:12

Yujto man̈oc yet' junc comn 'anma wan ca'nec owal. Palta a jun tzo'n̈ espíritu 'ay spoder sb'on maysch'olnil 'a scal 'ic', a yet' eb' wan ca'nec owal. Atn eb' chi 'ay yopiso ya'n mandar, 'aych eb' syajlilc maysch'olnil 'a yolyib'n̈q'uinl tic.

A Scarta San Pablo D'a Eb' Aj Filipos 3:19

Palta a eb' cha, yowlal 'oj satcn 'el eb' 'a jun 'ejmn̈ej. An̈j tas tznib'j 'och sniwnal eb', an̈j wal ta 'aych snab'en eb', 'icha to sdiosal eb' yaj jun tzo'n̈ cha. 'Ay jun tzo'n̈ tas tzb'o eb', caw q'uixweltac. An̈j yet' jun tzo'n̈ chi tzb'an̈ sb'a eb'. Cojxn jun tzo'n̈ yic yolyib'n̈q'uinl tic tzna eb'.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.

Apoc 13:14

'Ix 'ajx spermiso sch'oxn jun tzo'n̈ milagro chi 'a yojltac jun b'ab'l noc' sb'i cha. 'Ixta xyutj yixtn paxti eb' 'anma 'a yolyib'n̈q'uinal. 'Ix yaln pax 'a eb', to yowlal tzb'o eb' jun yechl jun b'ab'l noc' sb'i cha, atn jun lajwnac yuj q'uen espada, palta an̈ja pitzan.

Apoc 13:2

A jun noc' sb'i xwil cha, lajn yilx 'icha no tigre. A yoc, lajn 'icha yoc no oso. Ax sti', lajn 'icha sti no león. Ax win dragón cha, 'ix yac' win spoder 'a 'a. 'Ix ya'n 'och win yajlil sjeloc. Til wal yopiso win xyac' 'a 'a.

Apoc 9:11

Ax 'a jun xab' oln cha, ata xq'uet jun ángel syajlil e no'. A jun cha, Abadón sb'i 'a hebreo, ax 'a griego, Apolión sb'i. Tzyal 'el'chi, a tz'a'n 'ixtxoc.