2 Co 11:12 - Chuj San Sebastian Bible

¹² Palta an̈j 'ijnocn̈ej 'oj wutc in b'a, 'ichan̈ej 'ec' wutjnac in b'a xon 'a e cal. Sec wach' a eb' tzsayc' tas tzyutj sb'an̈n sb'a, 'oj can eb' 'a yaln̈ wu'uj, yujto tzcob' yal eb', to lajn yopiso eb' quet' on̈.

Chuj San Mateo Bible

¹² Palta an̈eja' icha chi' ol vutoc in b'a, ichataxon svutej in b'a vec' d'a e cal. Icha chi' ol vutoc in b'a, yic vach' a eb' sayanec' tas syutej yic'anchaan̈ sb'a, ol can eb' d'a yalan̈ vuuj. Yujto syal eb' to lajan yopisio eb' ved'oc.

2 Co 11:12 ပူးပေါင်းရင်းမြစ်များ

Job 23:13

Toto 'ay tas tznib'j Dios tzb'o'o, toc 'ay mach tztac' stenn 'och wa'an, tzb'on̈j 'icha tas tzna cha.

Mt 26:16

Wal 'a jun c'u cha, syamn 'och win sayn wal tas tzyutj ya'n 'och Jesús 'a yol sc'ab' ewinac.

1 Co 5:6

Yuj jun maysch'olnil 'a e cal cha, caw man̈ smojc e b'an̈n e b'a ta'. ¿Tom man̈ eyojcoc, to a jac yich pan tzpucb't 'a scal 'ixm harina, c'uxn tzjuw 'ixm yuj smasnil?

1 Co 9:12

'Ay jun tzo'n̈ xo eb' 'ay yaln yic schan yic 'ayex. Yuj cha, an̈ tic on̈, yel xo wal 'ec'b'al 'ay caln quic 'ayx on̈. Palta wach'xam 'ay caln quic 'ayx on̈, mant 'a jun 'ejmoc qui c'anjnac qui gasto 'ayx on̈. Caw tzcac' techjoc smasnil tas on̈, sec wach' niwn yel'ch yab'xil Cristo 'a 'ajtc tz'ec' cal-l on̈.

2 Co 1:17

A yic in nan jun tzo'n̈ tic, ¿tom ton̈j in b'al najnac tze na'a? ¿Tom tze na'a, to ton̈j tzin na jun tzo'n̈ tic 'icha tzna junc comn 'anma'? ¿Tom tze na'a, to inye, xin chi, tzwaln paxi to ma'ay, xin chi?

2 Co 10:17

Toto 'ay mach tznib'j sb'an̈ sb'a, caw man̈ wach'oc. Cojxn Cajlilec smoj qui b'an̈ni.

2 Co 11:18

Til wal eb' tzb'an̈ sb'a yuj tas yaj 'a yolyib'n̈q'uinl tic, yuj cha, 'oj in b'an̈ in b'a jac yet' eb'.

2 Co 11:9

A yic wec' 'ayex, 'ay 'aj 'ay tas 'ay tz'och wu'uj, palta may junc ex 'aj in c'anjnac jab'oc. A eb' cu'tac 'aj Macedonia tic xit' 'a'nc jab' tas 'ay 'ochnc wuj ta'. May junc ex 'aj in c'anjnac jac in gasto, an̈jtona', 'ixta 'oj wutcn̈ej pax in b'a ticnec.

2 Co 5:12

Man̈ ton̈joc tzcalb't qui b'a wach'l 'ayx jun 'ejm xo on̈. Palta tzqui nib'j 'oj stac' e tzalj quet' on̈, sec 'oj stac' e pacn 'a jun tzo'n̈ eb' ton̈j tzb'an̈ sb'a yuj jun tzo'n̈ tas tzquilc yet' qui sat 'a eb'. Ax tas 'ay 'a snab'en eb', matz na xon eb', toto wach', mto ma'ay.

Gl 1:7

Palta may junc xo 'ab'x yic colnb'il yel. 'Ay eb' tznib'j ton tzjeln 'el yab'xil Cristo, palta ton̈j tzwach' somchj 'el e nab'en yuj eb'.

1 Ti 5:14

Yuj cha, tzin nib'ej a eb' cob'stac 'ix chamnc yichmil, wach' tzya'ch eb' yichmil jun 'ejm xo. 'Unewoc cab' eb', munlj cab' eb' 'a yol yatut. Toto 'ixta tzyutj sb'a eb', ax eb' 'ajc'ojl yajch 'ayon̈, matz tac' sb'uchwj eb' 'ayn̈ yuj eb' 'ix.