2 Co 11:1 - Chuj San Sebastian Bible

¹ Octom wal 'oj eyac' techjoc jun tzon̈ 'oj walb't 'ayx tic. 'Icha to man̈ nab'enal waj jab'oc tzwaln 'ati, palta caw tzeyac' techjoc.

Chuj San Mateo Bible

¹ Comonoc tzeyac' techaj juntzan̈ svalb'at tic d'ayex. Ichato malaj in pensar svalanb'ati, palta tzeyac' techajoc.

2 Co 11:1 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 5:3

'Ix yaln 'ix cob's 'unn chi 'a 'ix spatron̈ chi 'ixtic: —Comnoc tz'at win in patron̈ tic 'a jun win schecb' Dios 'ayc' 'a Samaria, toq'ue tzb'o jun lepra 'aych 'a win tic, xchi 'ix.

Nm 11:29

'Ix ta'w Moisés, xyaln 'ixtic: —¿Tom tza nib'j cojn in niwn wel'ch 'a scal eb' 'anma tic? Comnoc wal tz'el 'a sc'ojl Jehová, tzyac' Yespíritu 'a smasnil eb' schon̈b' tic, sec wach' tz'ochcn eb' schecb'oc, xchi.

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

A Tas Sc'ulejnac Eb' Schecab' Jesús Hechos 18:14

'Ijn wal xpaxtin Pablo, palta xyaln win Galión 'a eb' israel chi 'ixtic: —Man̈ ex 'awjoc 'oxt 'ayn 'a tic. Q'uinloc 'ay junc maysch'olnil 'ix sb'o win tic, mto 'ay junc smul caw tu 'a sat ley. To 'ixta', tzin chaj wab' tas tzeyala.

A Tas Sc'ulejnac Eb' Schecab' Jesús Hechos 26:29

—Comnoc 'icha 'ajnc in woch creyenteal, comnoc 'ixta tzyal sc'ojl Dios tzach 'aj 'ochi. Comnoc tz'och pax eb' wan yab'xni tic smasnil. A tzyala, toto yuj jab' tic tzex 'ochi, mto yuj niwnto 'oj alxc 'ayex. Comnoc wal lajn tzex 'aj e masnil 'icha in tic, palta matz ex pixx yet' q'uen cadena, xchi Pablo 'a eb'.

1 Co 1:21

Yuj sjelnal Dios 'ix 'el 'a sc'ojol, to a eb' yic yolyib'n̈q'uinl tic, man̈ yujoc sjelnal eb' cha, tztac' yojcan 'el eb' Dios cha. Palta x'el 'a sc'ojol, to an̈ec 'aych qui c'ojl 'a 'a, tzon̈ colchjec yuj jun wach' 'ab'ix, atn jun may yel'ch 'a sat eb' 'anma'.

1 Co 3:18

Caw man̈ e cha 'ixtxoc paxti e b'a. Toto 'ayx tze na'a, to jeln ex 'a yic yolyib'n̈q'uinl tic, yowlal tzeyij 'ejm e b'a 'a 'emmquilal, 'icha to may xon tas eyojtac, sec a Dios 'oj 'a'nc e jelnal cha.

1 Co 4:10

'Icha to may jac qui nab'en 'a sat eb' 'anma 'on̈, yujto 'aych qui nab'en 'a Cristo on̈. Palta ax xo, caw jeln ex xo 'a yic Cristo chi e nani. Cojc on̈, man̈toc te'n on̈ on̈. Ax xo, 'icha to caw te'n ex xo. An̈ tic on̈, tzon̈ spatquilj can 'el eb' 'anma 'on̈. Palta ax xo, caw 'ay eyel'ch 'a sat eb'.

1 Co 4:8

Ax xo, ¿tom tz'acn exx tze na'a? ¿Tom e chajnacx smasnil yic Dios e nan ticnec? Tecn wan e nani, to yajl ex xo ticnec. Palta an̈ xo tic on̈, ma'on̈ 'och yajlil eyet' on̈. Tocwal ex 'och yajlil 'a caw yel, to 'ixta', on̈ 'och pax yajlil eyet' on̈.

2 Co 11:19

Ax tic, caw jeln ex. Palta 'in caw tzeyac' techjoc 'a eb' man̈ nab'enal tzyutj sb'a 'ayex, 'in tzex tzalj yet' eb'.

2 Co 11:21

Tzin q'uixw waln 'at 'ayex, to ma'ix qui te'wtzej qui b'a on̈, yic tzqui b'on 'icha tzyutj sb'a eb' chi 'ayex. Palta 'icha eb' cha, tzte'wtzej sb'a eb' yalni, 'ixta tzwutj in te'wtzan in b'a waln jun xo. Wan waln ton 'icha junc man̈ nab'enal yaji.

2 Co 11:4

Yujto 'ay eb' tz'ec' alnc 'el junx chuc cuynb'ilal 'ayex. 'Icha to chuc junc xo Jesús tz'ec' yal-l eb' yab'xil, man̈oc jun tz'ec' cal-l on̈, man̈oc chi tz'ec' yal-l eb', palta wan cob' e chanc eyab' 'a eb'. Wan e chan junc xo espíritu 'a eb', palta man̈ 'icha'oc jun chab'ilx eyu'uj. Wan eya'n pax 'och e c'ojl 'a jun 'ab'x yic colnb'il cob'i', palta man̈oc jun eyab'jnac 'ayn̈ on̈.

2 Co 12:11

'Icha to man̈ nab'enal waji, yic tzwaln 'at in b'a wach'l 'ayex, palta ax xo in eyac' pural walni. Yujto smoj ax tzin eyal wach'il. 'Ay eb' cob' tzyalch sb'a schecb'oc Cristo si'mb'il. A 'a eb' tzlaj cob' eya'ch e nab'en. Wach'xam may xon jac wel'chi, palta may wal jac yel'ch eb' 'a in sat.

2 Co 5:13

An̈ xo tic on̈, wach'xam to tzcot 'a qui jolm tz'aj yilx on̈, palta yuj ca'n servil Dios, 'ixta tzon̈ 'aj on̈. Wach'xam wach' qui c'ojl on̈, yuj ex ca'n servil, 'ixta tzon̈ 'aj on̈.

A Ch'an̈ Carta D'a Eb' Hebreo 5:2

A eb' cha, lajn eb' 'icha eb' yit 'anma'il, yujto may pax ste'nal eb' yet' eb'. Yuj cha, tztac' niwn tzyutj eb' sc'ojl 'a eb' mantzac nachj 'el yu'uj, yet' eb' tz'em 'a spaltail.

Josué 7:7

Ax Josué 'ix yaln 'ixtic. —¡'Ay, Mamin Jehová! ¿Tas wal yuj 'ix a chaj 'e't eb' chon̈b' tic 'a yol a Jordán? ¿Tom yuj on̈ satn 'el eb' amorreo, yuj cha, on̈ e'n 'e't 'a jun lugar tic on̈? Comnoc on̈ cancn 'a sc'axpil 'ec' sti a Jordán cha.