2 Co 10:8 - Chuj San Sebastian Bible

⁸ Wach'xam caw tzin 'ec' 'a yib'n̈ waln yuj copiso on̈, palta ma'oj in q'uixw yu'uj. Yujto a Cajlilec a 'a'jnac copiso tic on̈, yic tzca'n 'och e te'nal on̈, man̈ yujoc ex ca'n juwc 'el on̈, ya'n copiso tic on̈.

Chuj San Mateo Bible

⁸ Vach'chom tzin ec' d'a yib'an̈ valan d'ayex yuj jun vopisio tic, palta man̈ ol in q'uixvoc yuuj. A Cajal Jesús ac'jinacoch vopisio, yic svac'och e tec'anil. Man̈ yujoc ex vac'an juvoc ix yac'an vopisio tic.

2 Co 10:8 ပူးပေါင်းရင်းမြစ်များ

2 Co 1:24

Matz qui nib'j tzex cac' mandar on̈, yic tzcaln 'ayx on̈ tas tzeyutj eya'n 'och e c'ojl 'a Dios. Yujto te'n xon tzeyutj e b'a eya'n 'och e c'ojl 'a 'a. Palta tzqui nib'j tzon̈ colwj ca'n e nab'enoc on̈, sec 'oj wach' jawc e tzaljc'ojlal ta'.

2 Co 10:4

Man̈oc jun tzo'n̈ tas yic yolyib'n̈q'uinl tic tzqui yamc'ab'j on̈, yic tzca'n quip on̈. Palta an̈j jun tzo'n̈ 'aj 'aych spoder Dios tzqui yamc'ab'j on̈, sec wach' a jun tzo'n̈ 'ay cob' yip, tzcan 'a yaln̈ cuj on̈.

2 Co 10:9

'Ixtc tzwutj waln 'at 'ayex, sec ma'oj e na', chajtlto ton̈j tzin nib'j tzex xiw yuj jun tzo'n̈ in carta tzwa't 'ayex.

2 Co 12:19

Tecn tze na'a, to ton̈j tzqui col qui b'a 'a eyojltac on̈. Palta man̈ 'ichcta tzcutj qui b'a on̈, yujto a 'a sat Dios, wan caln 'at jun tzo'n̈ tic 'ayx on̈ 'icha tznib'j Cristo, sec 'oj laj 'och e te'nal.

2 Co 12:6

Q'uinloc yelc'ojlal tzin nib'j tzin b'an̈ in b'a ticnec, toto 'ixta', matz wal 'icha junc man̈ nab'enal yaji, yujto an̈j jun tzo'n̈ tas yel, an̈j tzwala. Palta ma'oj in b'an̈ in b'a 'ixta', yujto tzin nib'ej, may junc mach tznani, to yel xo niwn wel'ch 'a yib'n̈ tas tzyila, mto tzyab' 'ayin.

2 Co 13:10

Tzin b'ab'l tz'ib'j 'at jun in carta tic 'ayex, yic mantzac in c'och eyet' ta'. Yujto tzin nib'ej, man̈ yowlalc caw ow 'oj wutc in b'a 'ayx yuj jun wopiso tic, ax in c'och ta'. A Cajlilec 'a'jnac jun wopiso tic, yic tzwa'n 'och e te'nal 'a e creyenteal, man̈ yujoc ex wa'n juwc 'eli, ya'n 'ayin.

2 Co 13:8

Yujto matz tac' cochc 'ajc'ojlal 'a jun cuynb'il caw yel, palta cojxn jun chi tztac' ca'n servil on̈.

2 Co 7:14

A 'a jun 'el, ex wal wach'l 'a Tito tic, al ticnec, matz in q'uixw yuj tas waljnac cha. Jantcn̈ej tas caljnac 'ayx on̈, caw yel. An̈jtona', yic caln e wach'l 'a Tito on̈, caw yel xcal on̈.

2 Co 7:4

Caw tzex wa'ch yipc in c'ojol, tzex waln wach'il. Wach'xam niwn tas tz'ajx 'och 'a quib'n̈ on̈, palta caw tz'ajx sniwnal in c'ojol. Caw tzin tzalj si'mb'il.

Gl 1:1

An Pablo in tic, schecb' in Jesucristo. Man̈oc junc 'anma 'ayn schecab'. An̈jtona', man̈oc junc 'anma 'a'jnac wopiso tic. Atn Jesucristo 'a'jnac wopiso yet' qui Mam Dios. A 'a'jnac pitzwc pax Jesucristo 'a scal eb' chamnac.

2 Ti 1:12

Yujn̈ej wal cha, tzwab'n syal jun tzo'n̈ tas tzlaj jaw 'a wib'n̈ tic. Palta matz in q'uixwi, yujto caw wojtac, mach 'aych yipc in c'ojol. Wojtac a tas tzwac' 'ab'enal 'a Dios, a 'ay spoder smolb'tzani, masnto 'oj jawc sc'ul sjaw Cristo.