2 Co 10:2 - Chuj San Sebastian Bible

² Palta tzin tew 'at 'ayex, sec wach' a yic 'oj in c'och 'ayex, man̈ yowlalc ow 'oj wutc in b'a. Yujto 'ayx wan eyaln cuj on̈, to ton̈j tzqui b'eylb'ej 'icha sb'eyb'al junc comn 'anma 'on̈. Palta an tic, caw ma'oj in xiw in ten in b'a yet' eb' tzaln cha.

Chuj San Mateo Bible

² Palta tzin tevi d'ayex to ayic ol in c'och ta', man̈ yovaliloc ov ol vutoc in b'a. Yujto ayex tzeyala' to icha eb' comon anima svutej in b'a. A in tic max in xivlaj vilan pax och in sat yed' eb' tz'alan icha chi'.

2 Co 10:2 ပူးပေါင်းရင်းမြစ်များ

Ro 8:1

A ticnec, an̈ec junxn̈ej cajc yet' Cristo Jesús, man̈x 'ayc 'och yailal 'a quib'n̈ec.

Ro 8:4

'Ixta yutjnac sb'a, sec tztac' tojl xoj tzcutjec qui b'a 'icha tzyal ley. Yujto an̈ec tic, man̈xtzac qui b'eylb'ejc 'icha tznib'j qui tu nab'enalec, wan qui b'eylb'anec 'icha tznib'j Yespíritu Dios.

Ro 8:5

Ax eb' tzb'eylb'an 'icha tznib'j stu nab'enal, an̈jta tzya'ch eb' snab'en. Cojxn jun tzo'n̈ maysch'olnil chi 'aj tzya'ch eb' snab'en. Yuj cha, ax s'atcn eb' 'a chaml 'a jun 'ejmn̈ej. An̈ec xo tic, wan qui b'eylb'anec 'icha tznib'j Yespíritu Dios, an̈jta tzca'c 'och qui nab'en. Yuj cha, ax qui chanec qui q'uinl 'a jun 'ejmn̈ej, junc'ojlal xoj tzon̈ 'ajc yet' Dios.

2 Co 1:17

A yic in nan jun tzo'n̈ tic, ¿tom ton̈j in b'al najnac tze na'a? ¿Tom tze na'a, to ton̈j tzin na jun tzo'n̈ tic 'icha tzna junc comn 'anma'? ¿Tom tze na'a, to inye, xin chi, tzwaln paxi to ma'ay, xin chi?

2 Co 11:21

Tzin q'uixw waln 'at 'ayex, to ma'ix qui te'wtzej qui b'a on̈, yic tzqui b'on 'icha tzyutj sb'a eb' chi 'ayex. Palta 'icha eb' cha, tzte'wtzej sb'a eb' yalni, 'ixta tzwutj in te'wtzan in b'a waln jun xo. Wan waln ton 'icha junc man̈ nab'enal yaji.

2 Co 13:10

Tzin b'ab'l tz'ib'j 'at jun in carta tic 'ayex, yic mantzac in c'och eyet' ta'. Yujto tzin nib'ej, man̈ yowlalc caw ow 'oj wutc in b'a 'ayx yuj jun wopiso tic, ax in c'och ta'. A Cajlilec 'a'jnac jun wopiso tic, yic tzwa'n 'och e te'nal 'a e creyenteal, man̈ yujoc ex wa'n juwc 'eli, ya'n 'ayin.

2 Co 13:2

A yic wec' ta 'a scha'ejmal, 'ay jun tas alb'il wuj 'ayex. Ax ticnec, tzwaln 'at 'ayx jun 'ejm xo. Wach'xam man̈ in 'ayc 'ec' eyet' ta', palta tzwalb't 'ayx ax 'ochnc e mul 'a yic yalan̈, yet' pax 'ayx e masnil. A yic 'oj in 'atx 'ayx jun 'ejm xo, man̈x 'a xon jac niwnc'ojlal 'oj wac' 'ayx b'i'an. Atn jun tic 'ec' waljnac can 'ayex.