2 Co 10:13 - Chuj San Sebastian Bible

¹³ An̈ tic on̈, matz quij chan̈ qui b'a yuj jun tzo'n̈ tas may caln quic 'a on̈. A Dios ch'oxjnac 'ayn̈ on̈, 'ajtc 'a lugaril 'aj tzon̈ 'ec' munljoc 'a on̈. A chajnacn̈ 'at 'ayx 'a Corinto chi 'on̈.

Chuj San Mateo Bible

¹³ A in tic max vic'chaan̈ in b'a yuj juntzan̈ tas b'aj malaj tzin ochi. A Dios ch'oxjinac d'ayin b'ajtac lugar b'aj tzin munlaji. A chajinac in b'at d'ayex d'a Corinto chi'.

2 Co 10:13 ပူးပေါင်းရင်းမြစ်များ

Salmos 19:4

palta c'uxn tzpucb't yab'xil 'a smasnil chon̈ab', masnto tzc'och 'a 'aj tzlajw c'och yolyib'n̈q'uinl tic. A 'a satcha'an̈, ata b'ob'il can 'och c'u yu'uj.

Pr 25:14

'Icha tacn̈ 'asun, 'icha tacn̈ 'ic' may sn̈ab'il, 'ixta junc mach tzcob' sb'an̈ sb'a ya'n junc tas, ax tz'aji, may xon jac tas tzyac'a.

Is 28:17

'Ixtc 'oj wutc in b'on jun 'icha n̈a cha, a 'in tojlal 'oj wa'lb'oc 'a 'a, 'icha tz'aj sc'anx q'uen plomo mto nivel, xchi. A 'a 'es yet' 'a tas man̈ yeloc, ata xe say e colnb'il, palta a q'uen sacb'at a q'uen 'oj satnc 'eli; ax jun 'icha 'elmal a', a 'oj satnc 'el jun eyet'l 'aj tze col cob' e b'a cha.

Mt 25:15

'Ay jun 'aj 'ix yac' o'e talento, ax jun 'aj 'ix yac' chab' talento, 'ay pax jun 'aj 'ix yac' jun talento, a tzyal sjelnal junjn eb'. Xlajw cha, x'at winac.

Ro 10:18

Palta ¿tas tze na'a? A eb' israel, ¿tom ma'ix yab' eb' jun wach' 'ab'x tic? Ma'ay, c'uxn xyab' eb'. Yujto 'ixtc tzyal 'a Ch'an̈ U'un̈: C'uxn tzpucb't yab'xil 'a smasnil chon̈ab', masnto tzc'och 'a 'aj tzlajw c'och yolyib'n̈q'uinl tic, xchi.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

Ro 12:6

Chucchc copiso junjn on̈ec, a tzyala tastc tz'el 'a sc'ojl Dios tzyac' 'ayn̈ junjn on̈. Yuj cha, yowlal caw tzon̈ munlj junjn on̈ 'a copiso. A mach 'ac'b'il yopiso yaln 'el spaxti Dios, yowlal tzyal-li, a tzyala jantc tzyutj ya'n 'och sc'ojl 'a 'a.

Ro 15:20

Yujto caw tzwac' 'ip waln 'el wach' 'ab'x yic colnb'il 'a junjn lugar 'ajtil mantzac yab' eb' yab'xil Cristo. Matz in nib'j tz'ec' wal-l 'a jun tzo'n̈ lugar 'ajtil tox x'ec' yal-l jun tzo'n̈ xo eb'.

1 Co 12:11

Til wal jun tzo'n̈ tas tz'ajx qui b'o'ec, palta junn̈j Espíritu tz'a'n qui b'oc jun cha. Chucchc tas tzyac' qui b'o junjn on̈ec, a tzyala tas tznib'j yac' qui b'o'ec.

Ef 4:7

Palta chucchc copiso tz'ajxi, a tzyala tas tzyac' Cristo 'ayn̈ junjn on̈ec.

A Sb'ab'el Carta San Pedro 4:10

Tzlaj ca'laquec servil 'ayn̈ junjn on̈ec, a tzyala, tastc copiso tz'ajx yuj Dios. Toto 'ixta', wach' tzcutjec qui c'anlb'an copiso cha. Yujto chucch copiso tzyac' 'ayn̈ junjn on̈ yuj swach'c'ojlal.