2 Co 1:9 - Chuj San Sebastian Bible

⁹ A wal qui nan on̈, to tzon̈ cham ta 'on̈. 'Ixta wal 'ajnc on̈ ta 'on̈, sec wach' cojxn Dios tzca'ch yipc qui c'ojl on̈, yujto a tz'a'n pitzwc pax eb' chamnac. Aln̈ on̈, man̈xtzac ca'ch yipc qui c'ojl on̈, to tztac' qui coln qui b'a on̈.

Chuj San Mateo Bible

⁹ A co naani to ol on̈ cham ta'. Icha chi' utab'il on̈ ta', yic vach' an̈ej Dios scac'och yipoc co c'ool, yujto a' tz'ac'an pax pitzvoc eb' chamnac. Xal on̈, maxtzac co na' tato tzon̈ colchaji.

2 Co 1:9 ပူးပေါင်းရင်းမြစ်များ

Job 40:14

'Ixta 'oj wutc wilni toto yel 'ay ep, 'oj stac' a coln a b'a tzyal cha.

Salmos 22:29

Smasnil eb' rico 'ayc' 'a sat lum lum tic, 'oj wa eb', ax ya'n eb' 'emmquilal 'ayach. Smasnil 'anma', 'oj 'em pax cumn eb' 'a ojltac, yujto may junc on̈ mun quic qui b'a yet' qui tzatzl on̈, palta to chamlb'a caj qui masnil on̈.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Pr 28:26

A junc may snab'en, a cob' jac tas yojtac a chi tzya'ch yipc sc'ojol; palta ax junc 'ay snab'en, tzc'anb'j snab'en 'a eb' jelan, a jun cha, wach' 'oj 'el'choc.

Is 38:10

A xwutj in nani to caw te'n in to ax in chami, yujto alb'ilx 'ayin to 'ayn xo 'och 'a yol sc'ab' chamel, man̈x wojcoc toto tzat wil jaye'ocx ab'il.

Ez 33:13

Q'uinloc a junc mach tojl sb'eyb'al 'aj tzwac' in ti wa'n sq'uinal, tzya'n 'och yipc sc'ojl jun swach' b'eyb'al cha, ax tz'aji, tzya'n 'och smul, man̈x 'a yel'ch jun sb'eyb'al 'a yic yaln̈ cha, tojln̈ej scham yuj smul cha.

Lc 18:9

'Ix yaln Jesús junx 'ab'x 'a jun tzo'n̈ eb' tzyal wach'l sb'a, palta may yel'ch yit 'anmal eb' 'a sat. Yuj cha, xyaln 'ixtc 'a eb':

Ro 8:36

Yujto tzyal 'ixtc 'a Ch'an̈ U'un̈: O'oj, yuj cha, junjn c'u, 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈, xchi 'a ch'an̈.

2 Co 1:10

Jab'xoj wal man̈toc caw chamnc on̈ yuj jun niwn yailal chi 'on̈, ax Dios coljnacn̈ 'el 'a yol sc'ab' on̈. Wan on̈ scoln pax 'el ticnec on̈. 'Aych yipc qui c'ojl on̈, to an̈ja 'oj on̈ scol-l 'a jun tzo'n̈ yailal chi 'on̈.

2 Co 1:8

Ex wu'tac, ex wanab', tzqui nib'j on̈, to tzeyojquej 'eli jantc wal syal 'ec' cab'jnac 'a yol yic Asia on̈. Yujto caw niwn yailal 'ec' cab'jnac ta 'on̈, 'ijn wal ma'ix techj cuj on̈. Qui nan on̈, man̈x 'oj qui colchj 'el 'a yol sc'ab' on̈.

2 Co 3:5

Man̈toc tzqui na 'on̈, to mun tztac' cuj qui ch'ocj on̈. Palta yujn̈ej to 'aych Dios quet' on̈, tztac' junc tas cuj on̈.

2 Co 4:7

'Ay ton jun caw wach' tic 'ayn̈ on̈, palta an̈ tic on̈, lajn on̈ 'icha junc lum chen on̈, yujto may jac quel'ch on̈. Yuj cha, tzcheclj 'eli, to a jun niwquil poder tic, man̈ quico'oc on̈, cojn Dios 'ay yico'.

A Ch'an̈ Carta D'a Eb' Hebreo 11:19

'Ixta yutjnac sb'a Abraham cha, yujto caw nachjnac 'el yu'uj, to a Dios 'ay spoder ya'n pitzwc pax eb' 'anma'. Yuj cha, tztac' calnec, 'icha to pitzwnac pax Isaac cha, yajx pax 'a Abraham chi 'a scha'ejmal.