2 Co 1:13 - Chuj San Sebastian Bible

¹³ A yic tzqui tz'ib'n 'at jun tzo'n̈ qui carta 'ayx on̈, cojxn jun tzo'n̈ tas tztac' snachj 'el eyu'uj, an̈j tzqui tz'ib'j 'at 'ayx on̈. Tzax nachj 'el jac eyu'uj, tas caj on̈.

Chuj San Mateo Bible

^13-14 Ayic sco tz'ib'anb'at juntzan̈ carta d'ayex, an̈ej juntzan̈ tas tzeyila' yed' juntzan̈ tas snachajel eyuuj, a sco tz'ib'ejb'at d'ayex. Tzaxo nachajel jab'oc eyuuj tas caji. Yuj chi', svac'och yipoc in c'ool to ol vach' nachajel eyuuj to ayic ol jax Cajal Jesús, ol yal e q'uechaan̈ cuuj, ich on̈ pax ta' ol on̈ q'uepaxchaan̈ eyuuj.

2 Co 1:13 ပူးပေါင်းရင်းမြစ်များ

A Tas Sc'ulejnac Eb' Schecab' Jesús Hechos 27:39

Ax yic 'ix sacb' 'eli, 'ix yiln 'at ewin munljum 'a te barco chi lum lu'um, palta man̈ yojcoc ewin 'aja lugaril 'aj 'ay jun lum cha. 'Ix yiln 'at ewin jun sc'ab' a mar, nab'a arena stitac. Xcob' snanc ewinac, to tzya'lj ewin yi'n 'at te barco chi ta', toq'ue tztac' sc'och te ta snan ewinac.

1 Co 1:8

A opiso 'oj 'a'nc ste'nal e nab'en, masnto 'oj jawc jun slajb' c'ual, sec wach' a yic 'oj jawc Cajlil Jesucristo, may jac e maysch'olnilal 'a sat.

2 Co 13:6

Palta caw tzin nib'j tznachj 'el eyu'uj, to an̈ tic on̈, creyente on̈ 'a yel on̈.

2 Co 4:2

'Ay jun tzo'n̈ tas tzlaj sb'o eb' 'anma 'a c'ultaquil, caw q'uixweltac. An̈ xo tic on̈, cactjnac can jun tzo'n̈ chi 'a jun 'ejmn̈ej on̈. May junc mach tz'ec' quixtj paxti yuj tas jeln tzcutj caln on̈. May junc comn paxti tzca'ch 'a scal spaxti Dios on̈. Yujto cojn wal jun tzo'n̈ tas yel, an̈j tzcal on̈. 'Ixta tzcutj qui ch'oxn 'el copiso 'a junjn mach 'a sat Dios on̈, sec tztac' snan eb' yet' snab'en tas caj on̈.

2 Co 5:11

An̈ xo tic on̈, a 'a Cajlilec 'aj 'ayx qui xiwc'ojlal on̈. Yuj cha, caw tzcac' quip ca'n snab'enoc eb' 'anma 'on̈. A Dios, yojc xo, tas yaj qui nab'en on̈. Ax xo, tzin nib'ej, tzeyojquej pax 'el tas yaj qui nab'en on̈.

Filemón 1:6

'Ay eb' tzya'ch sc'ojl 'a Cristo o'oj, yujto tza'ch a c'ojl 'a 'a. Tzin c'an 'a Dios, sec 'oj wach' nachjoc 'el yuj eb', to a Cristo Jesús, a tz'a'n smasnil tas wach' 'ayn̈ec.