2 Co 1:12 - Chuj San Sebastian Bible

¹² Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Chuj San Mateo Bible

¹² Tzon̈ tzalaji, yujto cojtac val to tojol scutej co b'eyb'al d'a masanil eb' anima yed' pax d'ayex. Malaj spaltail co b'eyb'al, yujto scolvaj Dios yed' svach'c'olal d'ayon̈. Man̈ yujoc co jelanil vach' co b'eyb'al.

2 Co 1:12 ပူးပေါင်းရင်းမြစ်များ

A Ch'an̈ Schab'l Libro Samuel 22:22

Tzin b'eylb'ej sb'eyb'al Jehová, may 'ajtil xwij 'el in b'a 'a stz'ey in Diosal yic tzin b'on stu'al.

Job 13:15

Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.

Is 38:3

Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

A Tas Sc'ulejnac Eb' Schecab' Jesús Hechos 23:1

Ax Pablo, x'ec' q'uel-loc 'a eb' sat yajal, 'ix yaln 'ixtc 'a eb': —Ex wit chon̈ab', tojln̈ej yaj in nab'en 'a sat Dios, masnto 'a jun c'u tic, xchi 'a eb'.

A Tas Sc'ulejnac Eb' Schecab' Jesús Hechos 24:16

Yuj cha, caw tzwac' cuenta in b'a yet' in nab'en, sec matz 'och in mul 'a Dios, sec matz 'och pax in mul 'a eb' wit 'anma'il.

Ro 9:1

A jun tzo'n̈ 'oj walb't 'ayx tic, caw yel tzwala, yujto 'aych in c'ojl 'a Cristo eyet'oc. Caw man̈ 'esc jun tzo'n̈ 'oj wal tic. A jun in nab'en tzin 'a'n cuenta tic, a tzch'oxni to yel jun tzo'n̈ tic 'oj walb't 'ayex, yujto a Yespíritu Dios tz'a'n mandar in nab'en tic.

1 Co 1:17

Man̈ yujoc wa'w bautisar ya'n Cristo wopiso, palta yuj waln 'el wach' 'ab'x yic colnb'il. Man̈ jelnoc tzwutj in b'a, yic tzwaln 'el jun wach' 'ab'x tic, sec wach' a schaml Cristo 'a spenc culus, an̈j caw niwn yel'ch 'a eb' tz'ab'ni.

1 Co 12:8

Yuj Yespíritu tic, 'ay eb' tztac' yaln sjelnal Dios, 'ay pax eb' tznachj 'el yuj scuywji.

1 Co 15:10

Ax ticnec, yujn̈ej swach'c'ojlal Dios, 'ixtc waj ticnec. Palta man̈ nab'an̈ejoc 'ix sch'ox swach'c'ojlal tic 'ayin, yujto 'ec'b'al in munlj 'a yib'n̈ eb' witb'eym chi smasnil. Palta man̈oc in tzin munlj in ch'ocoj. A Dios tzmunlj wet' yuj swach'c'ojlal.

1 Co 2:13

A jun tzo'n̈ paxti tzcal tic on̈, man̈ yujoc qui jelnal on̈ tznachj 'el cuj on̈. Palta a Yespíritu Dios tz'a'n nachjc 'el jun tzo'n̈ tic cuj on̈. A jun tzo'n̈ cuynb'il tic, yic Yespíritu Dios. Yuj cha, atn eb' 'aych Yespíritu tic 'a 'a, atn eb' 'aj tztac' qui cuywj pax on̈.

1 Co 4:4

Toto 'ay junc in paltail man̈ wojcoc, palta an̈ja matz tac' walni, to may jac in paltail, yujto cojn Cajlilec tztac' in sb'eyc'ojlani.

1 Co 5:8

Yuj cha, yowlal tzqui nac cot jun schaml chi 'a smasnil qui c'ojol. To 'ixta', 'icha junc pan may yich, may jac spaltail, 'ixta qui b'eyb'alec. Toto tzqui nac cot jun schaml cha, man̈xtzac stac' qui 'atc 'a scal 'ajmulal, 'a scal maysch'olnilal. Yujto a jun tzo'n̈ cha, lajn 'icha junc yich pan cha.

2 Co 1:17

A yic in nan jun tzo'n̈ tic, ¿tom ton̈j in b'al najnac tze na'a? ¿Tom tze na'a, to ton̈j tzin na jun tzo'n̈ tic 'icha tzna junc comn 'anma'? ¿Tom tze na'a, to inye, xin chi, tzwaln paxi to ma'ay, xin chi?

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.

2 Co 4:2

'Ay jun tzo'n̈ tas tzlaj sb'o eb' 'anma 'a c'ultaquil, caw q'uixweltac. An̈ xo tic on̈, cactjnac can jun tzo'n̈ chi 'a jun 'ejmn̈ej on̈. May junc mach tz'ec' quixtj paxti yuj tas jeln tzcutj caln on̈. May junc comn paxti tzca'ch 'a scal spaxti Dios on̈. Yujto cojn wal jun tzo'n̈ tas yel, an̈j tzcal on̈. 'Ixta tzcutj qui ch'oxn 'el copiso 'a junjn mach 'a sat Dios on̈, sec tztac' snan eb' yet' snab'en tas caj on̈.

2 Co 8:8

A jun tzwalb't 'ayx tic, man̈ caw checnb'iloc, ton̈j tzin nib'j tzeyab'i, chajtl tzyutj jun tzo'n̈ xo eb' ya'n scolwal 'a tic, sec tzcheclj 'eli, toto yel 'ay e chamc'ojlal ta'.

Gl 6:4

Yowlal tzqui b'eyc'ojlej tas yilx qui b'eyb'al junjn on̈. To 'ixta', 'oj stac' qui tzalj yuj qui b'eyb'al junjn on̈ec. Man̈ yowlalc 'oj qui na sb'eyb'al junc xo, toto yel wach' quic 'a yib'an̈.

Ef 6:14

Yuj cha, caw te'n tzeyutj e b'a. Caw tzeya'ch e nab'en 'a jun 'ab'x caw yel, 'icha eb' soldado tzya'ch jun tzo'n̈ cincha yic owal. Caw tojl tzeyutj e b'eyb'al. To 'ixta', lajn ex 'icha eb' soldado tzcol sb'a yet' jun q'uen pichl tzya'ch eb' 'a sn̈i sc'ojol.

A Scarta San Pablo D'a Eb' Aj Filipos 1:10

Toto 'ixta', 'oj e wach' 'ojcoc 'eli, 'aja jun tzo'n̈ tastc wach' 'a sat Dios. 'Ixta to b'i'an, ax swach' tojlb'i e nab'en. Ax yic 'oj jawc Cristo, may jac e paltail 'a sat.

1 Ts 2:10

Yic 'ayn̈ 'ec' ta 'on̈, caw wach' qui b'eyb'al on̈. Tojl cutjnac pax qui nab'en 'ayx ax creyente ex quet' on̈. May jac maysch'olnil 'ec' qui sayjnac ta 'on̈. Eyojtac to 'ixta 'ec' cutjnac qui b'a ta 'on̈. An̈jtona pax Dios, yojtac.

1 Ti 1:5

Tzwalb't jun checnb'il tic 'ayach, sec 'oj wach' pitzwc schamc'ojlal eb' creyente ta'. Toto tztojlb'tzej sb'a eb', toto tztan̈wj sb'a eb' yet' snab'en, toto yel tzya'ch eb' sc'ojl 'a Dios, 'oj wach' pitzwc schamc'ojlal eb'.

Tito 2:7

Ach xo, caw wach' tzotj a b'eyb'al yil eb' ta'. Cojn jun tzo'n̈ cuynb'il caw yel tzal 'a eb'. Man̈toc ton̈j tzach molamani, yic tza cuyn eb'.

A Ch'an̈ Carta D'a Eb' Hebreo 13:18

Leslwan̈c cuj on̈, yujto tzqui na'a, to wach' tzcutj qui nab'en on̈. Tzqui nib'j on̈, caw wach' tzcutj qui b'eyb'al 'a smasnil tiempo on̈.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.

Josué 24:14

—Ax ticnec jun, 'ay cab' e xiwc'ojlal 'a Jehová yuj smasnil jun tzo'n̈ tic. 'A'c servil yet' wal smasnil e c'ojol. 'Ijec 'el jun tzo'n̈ comn dios 'a e cal, atn jun tzo'n̈ ya'jnac servil eb' qui mam quichmec, jun tzo'n̈ 'ayc' 'a sc'axpil 'ec' a Eufrates, yet' 'a Egipto. Cojn cab' Jehová tzeyac' servil.

A Sb'ab'el Carta San Pedro 3:16

'Ay eb' tzon̈ b'uchn yuj qui wach' b'eyb'al, yujto 'aych qui nab'enec 'a Cristo. Palta caw ca'c cuenta qui b'a yet' qui nab'en, sec wach' a yic tzon̈ sb'uchnec eb', mun 'oj q'uixwc 'el eb'.

A Sb'ab'el Carta San Pedro 3:21

A jun a cha, ch'oxnb'il yaji. Yujto a jun a yic bautismo, tzon̈ colchjec yuj ticnec. A jun bautismo tic, man̈ yopisooc yi'n 'el slumal qui niwnal. Palta yu'uj, tzqui c'annec 'a Dios to tzwach' b'o qui nab'en. Tzon̈ colchjec, yujto pitzwnac pax Jesucristo,