A Ch'an̈ Schab'l Libro Samuel 8:14 - Chuj San Sebastian Bible

¹⁴ Yajn̈j wal cha, xya'n 'och David chi eb' soldado stan̈malc chon̈b' Edom, yuj cha, smasnil eb' edomita cha, 'ix 'ochcn eb' 'a yaln̈ schecnb'il. Ax Jehová, a tz'a'n ya'n̈j ganar, yaln̈j 'ajtil tz'ati.

Chuj San Mateo Bible

¹⁴ Elan̈chamel ix yac'och eb' soldado vin̈aj David chi' stan̈vej Edom. Masanil eb' aj Edom chi', ix can eb' d'a yalan̈ smandar vin̈. A Jehová ix ochn̈ej yed' vin̈ d'a oval chi', yuj chi' yaln̈ej b'ajtil sb'at vin̈ yac' oval, syac'n̈ej ganar vin̈.

A Ch'an̈ Schab'l Libro Samuel 8:14 ပူးပေါင်းရင်းမြစ်များ

Gn 25:23

'Ix ta'w 'ixtc 'a 'ix: Chab' chon̈b'al 'aych yin̈tl 'a yol a c'ojol. A chab' chon̈b'al cha, 'oj 'och eb' 'ajc'ojlal 'a jun jun. Jun caw 'ay yip 'a yib'n̈ junx cha. A win b'ab'el 'oj can win 'a yaln̈ schecnb'il win tza'n 'unin, xchi Dios.

Gn 27:29

Til wal 'anma 'oj a'n servil. Smasnil eb' nacion̈ 'oj 'em cumn eb' 'ayach. 'Oj och yajlil 'a yib'n̈ eb' o'tac. ¡'Oj laj 'em cumn eb' 'a ojltac! A eb' tzaln maysch'olnil 'a a patic, maysch'olnil yic eb', ax eb' tzach aln wach'il, wach' yic eb', xchi Isaac.

A Ch'an̈ Schab'l Libro Samuel 5:10

A Jehová Dios tzta'n̈j yuj smasnil, a 'aych yet' David, yuj cha, yel xo wal tzq'ue'ch yet' sjelnal.

A Ch'an̈ Schab'l Libro Samuel 7:9

Tzann̈j 'ajtil ach 'eq'ui, caw 'aynn̈ej 'och et'oc, in satjnac 'el smasnil eb' 'ajc'ojl yajch 'ayach, xwi'n q'ue'ch a b'inab'ilal, 'icha sb'inax eb' niwc winc 'a yolyib'n̈q'uinl tic.

A Ch'an̈ Schab'l Libro Samuel 8:15

A David 'ix yac' reyl 'a yib'n̈ smasnil eb' yit israelal, wal 'a stojlal, yet' 'a swach'il. Wach' xyutj ya'n yopiso 'a yol schon̈ab'.

A Ch'an̈ Schab'l Libro Samuel 8:6

Yajn̈j wal cha, xya'n 'och David eb' soldado yet' scamplamento 'a yol yic Damasco cha, 'ixta x'ajcn eb' sirio chi scan 'a yaln̈ schecnb'il David, syamn 'och eb' ya'n stojlb'al 'a 'a. Ax Jehová a tz'a'n yac' ganar David owal, yaln̈j 'ajtil tz'ati.

A Ch'an̈ B'ab'el Libro Yic Yab'ixal Eb' Rey 11:15

A 'a yic yaln̈taxi ya'jnac ganar David owal, yic scan Edom 'a yaln̈ yu'uj. Ax Joab syajlil eb' soldado, waque 'ujl 'ix can ta yet' eb' soldado yic smuccn eb' xcham 'a owl cha. A yic cha, 'ix smiln cham can smasnil eb' winac yet' eb' quelmtac 'aj Edom.

A Ch'an̈ B'ab'el Libro Yic Yab'ixal Eb' Rey 22:47

(A 'a jun tiempoal cha, mant 'a sreyl chon̈b' Edom, cojn nant win gobernador 'ac'b'il 'och yuj win Josafat.)

A Ch'an̈ B'ab'el Libro Yic Yab'ixal Eb' Rey 22:48

Sb'ojnac pax win Josafat jun tzo'n̈ te barco 'icha te yic Tarsis, yic tz'at yi'nc te q'uen oro 'a Ofir, palta ma'ix stac' s'at eb' ta', yujto 'ix pojcn te barco chi 'a Ezión-geber.

A Ch'an̈ Schab'il Libro Yic Yab'ixal Eb' Rey 14:7

'Ix smil cham pax Amasías lajn̈e mil eb' edomita 'a owal, 'a lum tzcuch span̈nil yic 'atz'am. 'Ix 'ajx ganar chon̈b' Selá yu'uj, 'ix ya'n can scuch Jocteel.

A Ch'an̈ Schab'il Libro Yic Yab'ixal Eb' Rey 18:7

Ax smasnil tas sb'o Ezequías cha, wach' 'ix 'el'chi yujto 'aych Jehová yet'oc. 'Ix meltzj 'och 'a sreyl chon̈b' Asiria, ma'ix schaj 'och sb'a yac' servil.

1 Cr 18:13

Xlajw cha, 'ix ya'n 'och David jun tzo'n̈ eb' soldado stan̈wc chon̈b' Edom. A smasnil eb' edomita cha, 'ix ya'ch sb'a eb' 'a yaln̈ schecnb'il, yujto a Jehová a tz'a'n yac' ganar owal, yaln̈j 'aj tzxit'q'ui.

Salmos 60:1

Ach qui Diosal on̈, yet' wal yowl a c'ojol on̈ actn cani, on̈ a'n 'ajxc ganar. Ax ticnec 'a'x quip jun 'ejm xo on̈.