A Ch'an̈ Schab'l Libro Samuel 6:8 - Chuj San Sebastian Bible

⁸ Caw wal xcot yowl David yujto xcham Uza yuj Jehová, yuj cha, scuchn can jun lugar chi Peres-uzá, an̈ja 'ixta sb'i ticnec.

Chuj San Mateo Bible

⁸ Ix cot yoval vin̈aj David chi' yujto ix cham vin̈aj Uza chi' yuj Jehová. Yuj chi' Pérez-uza ix sb'iejcan jun lugar chi' yuj vin̈. An̈eja' icha chi' ticnaic.

A Ch'an̈ Schab'l Libro Samuel 6:8 ပူးပေါင်းရင်းမြစ်များ

A Ch'an̈ Schab'l Libro Samuel 6:7

Yuj cha, xcot yowl Jehová 'a win Uza, yujto scomn yamj win te scaxail strato Dios, yuj cha, xchamcn win 'a stz'ey te caxa chi muc'uc.

A Ch'an̈ Schab'l Libro Samuel 6:9

A wal 'a jun c'u cha, caw xiw David 'a Jehová, yuj cha, xyaln 'ixtic: ¿Tas to 'oj wutc wi'n 'at te scaxail strato Jehová tic 'a 'aj cajn in 'eq'ui? xchi.

1 Cr 15:13

Yujto a 'a b'ab'el, man̈oc ex 'ijnac cot te', yuj cha, 'ix smiln cham Jehová qui Diosalec jun 'a eb' quitb'eymec cha, yujto ma'ix qui c'anb'j cab' 'a 'a, tas wach' xqui b'o'ec, xchi.

Jonás 4:1

Palta ax win Jonás, caw wal tu xyab'i, yujto sjel Dios snab'en. Caw xcot yowl win si'mb'il.

Jonás 4:9

'Ix yaln Dios 'a 'ixtic: —¿Tom wach' cob' a nani to tzcot owal, yujto xtacj 'el jun 'ib'n̈ te te 'aych en̈loc tic? xchi Dios. —¡Yel pax tzwala, toxn̈ej tzin cham yuj wowl tic! xchi Jonás cha.