A Ch'an̈ Schab'l Libro Samuel 6:19 - Chuj San Sebastian Bible

¹⁹ 'Ix ya'n junjn 'ixm pan, yet' jab' b'olb'il chib'ej, yet' junjn te tacn̈ uva 'a smasnil eb' yit chon̈b' cha, xyac' 'a eb' winac yet' 'a eb' 'ix 'ix. Xlajw cha, 'ix meltzj junjn eb' 'a yatut.

Chuj San Mateo Bible

¹⁹ Ix yac'an junjun ixim pan vin̈ yed' jab'jab' b'olb'il chib'ej yed' junjun quechan̈ taquin̈ sat uva d'a masanil eb' chon̈ab', aton d'a eb' vin̈ vinac yed' d'a eb' ix ix. Ix lajvi chi', ix laj pax eb' d'a spat.

A Ch'an̈ Schab'l Libro Samuel 6:19 ပူးပေါင်းရင်းမြစ်များ

A Ch'an̈ Schab'l Libro Samuel 6:18

Ax yic xlajw ya'n jun tzo'n̈ xajmb'al cha, 'ix yaln wach' paxti 'a yib'n̈ chon̈b' Israel 'a sb'i Jehová, jun tzta'n̈j yuj smasnil.

A Ch'an̈ Schab'l Libro Samuel 6:20

An̈jtona pax David, 'ix meltzj can pax 'a yatut, yic tzyaln wach' paxti 'a yib'n̈ eb' 'ayc' 'a yol yatut cha. Ax yic xc'ochi, x'elt 'ix Mical chi wul scha', xyaln 'ix 'a win 'ixtic: —A ticnec ach sreyl chon̈b' Israel, am a nani to wach' xotj a b'a xa ch'oxn 'el wal a b'a 'a sat eb' 'ix schecb' ewin a checab', caw q'uixweltac xotj a b'a 'icha junc comn 'anma', xchi 'ix 'a winac.

A Ch'an̈ B'ab'el Libro Yic Yab'ixal Eb' Rey 8:66

Ax yic xlajw q'uin̈ cha, ax 'a junx c'u 'ix yaln can sb'a rey Salomón 'a eb' chon̈ab', ax eb' 'anma cha, 'ix yaln eb' wach' paxti 'a yib'n win rey. Xlajw cha, 'ix paxx can eb' 'a yatut 'a tzaljc'ojlal yuj smasnil tas wach' sb'o Jehová 'a David, atn jun schecab', yet' eb' israel, atn eb' schon̈ab'.

1 Cr 16:3

Xlajw cha, xya'n win junjn pan yet' junjn xiln̈ chib'ej, yet' pax junjn pachn̈ tacn̈ uva 'a smasnil eb' winac yet' 'a eb' 'ix 'ix.

1 Cr 16:43

Xlajw yajx can yopiso junjn eb' cha, 'ix meltzj smasnil eb' 'anma 'a yatut. An̈jtona', 'ix meltzj pax David 'a yatut jun xo, yic tz'at yalnc wach' paxti 'a yib'n̈ eb' cajn yet' 'a yatut cha.

2 Cr 30:24

Yujto a Ezequías sreyl Judá, 'ix siyj jun mil no quelm wacax, uque mil no calnelu 'a eb' chon̈ab' yic tzya'n eb' xajmb'aloc, an̈jtona', 'ixta pax eb' yajl yaji, 'ix siyj eb' jun mil no quelm wacax, yet' lajn̈e mil no calnelu. Caw niwn eb' ya'mal 'och sti eb' 'anma 'a Dios 'ix sacb'tzej can sb'a.

2 Cr 7:10

A yic 23 yoch yucl 'uj, ata xyalcn sb'a Salomón 'a eb' chon̈ab'. 'Ix paxcn eb' 'a yatut 'a tzaljc'ojlal. Caw wal tzalj eb' yuj swach'c'ojlal Jehová, 'icha yutjnac 'a David, 'a Salomón yet' 'a smasnil chon̈b' Israel.

Nehemías 8:10

An̈jtona', xyaln pax Esdras 'a eb' 'ixtic: 'Ixquec wa'oc. A wal tas wach' tzlaj e c'uxu', tzeyu'n yal uva caw wach'. A eb' may yic b'ob'il yu'uj tzeyawtj eb' wac eyet'oc, yujto a jun c'u tic yic Jehová qui Diosalec yaji. Man̈ ex cusoc, yujto a tzaljc'ojlal tzyac' Jehová, atn wal 'aych qui te'naloc, xchi 'a eb'.

Cantares 2:5

'Ac' in c'ux jac te tacn̈ sat uva cha, tza'n in lo sat te a mansn cha, sec toq'ue tz'ochx wip, yujto caw wal 'ijn tzin cham ach in nib'n 'ochi.

Ez 45:17

Ax win yajl cha, a win tz'och 'ajcuentail ya'n tz'a no xajmb'al tz'a'i, 'ixm harina, yal uva tz'ajx ofrendail 'a yic tzpac' 'uj, 'a yic sc'ul 'iljelal, 'a yic tzjaw junjn q'uin̈ 'a chon̈b' Israel. A pax win 'oj 'a'nc no xajmb'al yic stojl mul, yet' yofrendail 'ixm trigo, no xajmb'al tz'a'i, yet' no xajmb'al yic junc'ojlal, sec tz'ajx niwnc'ojlal smul eb' israel cha.

Os 3:1

'Ix yaln pax Jehová 'ixtc 'ayn an Oseas in tic: A ticnec, chamc'ojlej pax 'ix estzil, wach'xam sb'o 'ix 'ajmulal yet' eb' winc sc'umej. Palta to a 'ix tzwa'ch ch'oxnb'ilal 'a eb' et israelal, wach'xam xya'ch eb' israel snab'en 'a jun tzo'n̈ comn dios, xlaj yi'n 'at eb' te tacn̈ sat uva ofrendail 'a jun tzo'n̈ comn dios cha, palta 'oj in chamc'ojloc pax eb', xchi Dios 'ayin.

A Tas Sc'ulejnac Eb' Schecab' Jesús Hechos 20:35

Smasnil tiempo xin ch'ox 'ayex, chajtlto yowlal 'ixta tzcutjec qui b'on qui munljel, sec tztac' tzon̈ colwjec 'a eb' 'ay tas 'ay tz'och yu'uj. Yowlal tzqui nac cot spaxti Cajlil Jesús, yic yaln can 'ixtic: A eb' 'ela', yel xo wal wach' yic eb' 'a yib'n̈ eb' tzchan siylab', xchi. 'Ixta yutjnac yaln can Cajlil, xchi Pablo 'a eb' anciano cha.

Ef 4:8

Yuj cha, 'ixtc tzyal yab'xil Cristo tic 'a Ch'an̈ U'un̈: 'Ix q'uecn 'a satcha'an̈, xyi'n 'at eb' 'icha preso yaji. Tzya'n siylab' 'a eb' 'anma', xchi.

Josué 22:6

A yic xlajw yaln can jun tzo'n̈ tic, xyaln can Josué wach' paxti 'a yib'n̈ eb', xyaln can pax sb'a eb' 'a 'a. Xlajw cha, xmeltzj eb' 'a 'aj 'aycn yet'l cha.