A Ch'an̈ Schab'l Libro Samuel 6:14 - Chuj San Sebastian Bible

¹⁴ Ax jun chaleco nab'a lino yic eb' ya'mal 'och sti eb' 'anma 'a Dios, a 'aych yuj David, caw wal tzb'atj chan̈ yet' smasnil yip yuj tzaljc'ojlal 'a yojltac Jehová.

Chuj San Mateo Bible

¹⁴ Ayoch jun chaleca nab'a lino yic sacerdote yuj vin̈aj David chi', ix q'ue chennaj vin̈ yuj tzalajc'olal yed' smasanil sc'ool d'a yichan̈ Jehová.

A Ch'an̈ Schab'l Libro Samuel 6:14 ပူးပေါင်းရင်းမြစ်များ

A Ch'an̈ Schab'l Libro Samuel 6:15

'Ixta sb'o David yet' smasnil eb' yit israelal. Caw wal niwquil tzaljc'ojlal x'ochi, yic xyi'n cot eb' te scaxail strato Jehová chi 'a Jerusalén, caw wal tzya'l eb' yaw, tzyutz'n pax eb' strompeta yuj tzaljc'ojlal.

A Ch'an̈ Schab'l Libro Samuel 6:20

An̈jtona pax David, 'ix meltzj can pax 'a yatut, yic tzyaln wach' paxti 'a yib'n̈ eb' 'ayc' 'a yol yatut cha. Ax yic xc'ochi, x'elt 'ix Mical chi wul scha', xyaln 'ix 'a win 'ixtic: —A ticnec ach sreyl chon̈b' Israel, am a nani to wach' xotj a b'a xa ch'oxn 'el wal a b'a 'a sat eb' 'ix schecb' ewin a checab', caw q'uixweltac xotj a b'a 'icha junc comn 'anma', xchi 'ix 'a winac.

1 Cr 15:27

A te pichl lino caw wach' 'aych yuj David, 'ixta pax yic eb' levita b'achjnac te caxa cha. An̈jtona', 'ixta pax yic eb' tzb'itn cha, 'ixta yic Quenanías win tzjucb'tzan eb' tzb'itni. A David 'aych pax jun schaleco nab'a lino yu'uj.

Salmos 149:3

Tzon̈ laj q'uec b'atnjoc calnec qui wach' paxti 'a 'a, qui b'itquec yet' qui arpa yet' pax qui pandero.

Salmos 150:4

Tzon̈ q'uec b'atnjoc qui b'itn yet' pandero. B'itn coyc yet' flauta, mto yet' jun tzo'n̈ yamc'ab' ch'an̈ 'aych 'a 'a.

Salmos 30:11

Ach in Diosal, a 'in yailal xa meltztej 'och in tzaljc'ojlaloc; 'ix ej can 'el in cusc'ojlal, ax tzaljc'ojlal 'ix a'cn 'och 'ayin.

Salmos 87:7

Ax eb' tzb'itni yet' eb' tzsonni, 'oj yal eb' 'ixtic: A smasnil tas wach' 'ay 'ayn̈ec, ata tzcot 'a Sión, 'oj schic eb'.

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

Ex 15:21

'Ix b'itn 'ix 'a yojltac eb' 'ix 'ixtic: B'itncoyec, qui'c chan̈ sb'i Jehová, yujto caw satjub'tac yilx xyutj ya'n ganar owal. 'Ix mucchj can 'ejm no chej 'a yol a', yet' smasnil eb' 'anma 'ay q'ue 'a yib'n̈ no', xchi María 'a sb'it.

Ex 19:6

Ax tic, ya'mal 'och sti eb' 'anma tzex 'ajcn 'ayin, yic tzin eya'n servil. A jun chon̈b'alx tic, wicn̈ej tzex 'ajcni, xchi Jehová, xa chi 'a eb', xchi Dios 'a Moisés.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Ez 46:10

A win yajl cha, yowlal tz'oxt win yet' eb' 'anma cha, ax yic tz'elx eb', yowlal tz'elx win yet' eb'.

Lc 15:25

Ax win sb'ab'l 'unnal winac, 'ayb't win 'a smunljel. Ax yic xjapx win 'a sla'nil yatut cha, 'ix yab'ni to 'aych son, wan ya'n eb' chan̈al.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

A Scarta San Pablo D'a Eb' Aj Colosas 3:23

Jantcn̈ej tas tze b'o'o, tze b'o wal 'a smasnil e c'ojol. 'Icha cab' to a 'a Cajlilec tzex munlji, man̈ocn̈ej 'a junc 'anma cha.

Jueces 11:34

Ax yic xlajw owl cha, 'ix pax Jefté 'a yatut 'a Mizpa, ax jun c'otn yisil, a 'ix x'elt chanoc sc'ochi. Xoj schan̈lwi 'ix yet' spandereta yuj stzaljc'ojlal. Cojn wal jun yisl win cha, may junc xo snul'j 'ix.

Jueces 21:21

Wach' tzeyutj e c'ub'n 'el e b'a ta', man̈ e ch'ox e b'a. At yic 'oj eyilnoc yelt nan̈loc eb' 'ix cob's 'ix 'aj Silo chan̈l ta', tzex 'elt 'aj tze c'ub'j 'el e b'a cha, tzeyi'n can 'at junjnoc eb' 'ix eyistzilc junjn ex. Tzlajw cha, tzex pax 'a e lu'um.

A Ch'an̈ B'ab'el Libro Samuel 2:18

Ax win Samuel, caw wal yune to winac, 'aych pax jun spichl win camx chaleco nab'a lino yic tzya'n servil win Jehová.

A Ch'an̈ B'ab'el Libro Samuel 2:28

Ax 'a scal smasnil eb' eyit israelal, ata ex in si'cn 'eli, yic tzex 'och ya'malc 'och sti eb' 'ayin, sec ax xo tze n̈us no xajmb'al 'a yib'n̈ yet'l 'aj tz'a'i. Tzeya'n tz'a pax incienso, 'aych cab' pax e camx chaleco eyu'uj yic tzex 'ochch 'a wojltac. An̈jtona', xwac' sc'ux eb' e mam eyichm smasnil jun tzo'n̈ ofrenda tz'ajx tz'a 'a wojltac yic tzin yi'n chan̈ eb' eyit israelal tic.

A Ch'an̈ B'ab'el Libro Samuel 22:18

Yuj cha, xyaln win rey chi 'ixtc 'a Doeg win edomita: —Mil cham ewin ach tic, xchi winac. Yuj cha, syamn 'och win Doeg smiln cham eb'. A wal 'a yic jun c'u cha, 'ay 85 sb'isl eb' winc smil cham winac, atn eb' tz'a'n 'och te pichl chaleco to nab'a lino.