A Ch'an̈ Schab'l Libro Samuel 24:15 - Chuj San Sebastian Bible

¹⁵ Yuj cha, 'ix ya'n cot Jehová jun yab'il 'a yib'n chon̈b' Israel, 'a jun sq'uin̈b'il cha, masnto 'ix tz'acw sc'ul 'icha 'ix 'aj yalxi, 'ix schaj cot 'a Dan 'a stojlal norte masnto 'a Beerseba 'a stojlal sur, 70 mil 'anma 'ix chami.

Chuj San Mateo Bible

¹⁵ Yuj chi', a d'a jun q'uin̈ib'alil chi', ix yac'cot jun nivan ilya Jehová d'a scal eb' israel, masanto ix tz'acvi sc'ual ix alchajcan chi'. Yuj chi' 70 mil anima ix cham d'a yol smacb'en eb' chi', ix cotn̈ej d'a Dan masanto d'a Beerseba.

A Ch'an̈ Schab'l Libro Samuel 24:15 ပူးပေါင်းရင်းမြစ်များ

A Ch'an̈ Schab'l Libro Samuel 24:2

Yuj cha, 'ix yaln win rey 'ixtc 'a win Joab, yet' 'a jun tzo'n̈ xo eb' syajlil eb' soldado: —'Ec' 'ijec chan̈ sb'isl smasnil eb' winc tztac' yoch soldadoil 'a eb' yin̈tl Israel, sec 'ixta 'oj wutc wojcan 'eli, jantc eb'. Tze chaj cot 'a Dan 'a stojlal norte masnto tzc'och 'a Beerseba 'a stojlal sur, xchi 'a ewinac.

1 Cr 21:14

Yuj cha, 'ix ya'n cot Jehová jun yab'il 'a yib'n̈ chon̈b' Israel. 'Ix cham 70 mil eb' winc israel cha.

1 Cr 27:24

A Joab yune 'ix Sarvia, 'ix chaj 'el yich yi'n chan̈ sb'isl eb', palta ma'ix lajw yi'n cha'an̈, yujto 'ix yij cot jun sb'isl eb' chi jun niwquil yailal 'a yib'n̈ chon̈b' Israel. Yuj cha, man̈ tz'ib'b'ilc sb'isl eb' 'a ch'an̈ libro yic yab'xil rey David.

1 Cr 27:4

A syajlil eb' tz'och 'a yopiso 'a yic schab'l 'uj: atn Dodai win ahohíta, ax Miclot a schab'l yajl yaji.

Is 37:36

Ax jun yángel Jehová, a xmiln cham 185 mil eb' soldado asirio 'a scamplamento, ax yic sacb'el 'a junx c'u cha, chamnc xo eb' soldado chi smasnil.

Habacuc 3:2

Mamin Jehová, a wal yic tzwab'n yab'xil smasnil tas tzlaj a b'o', caw wal tzsat in c'ojl yu'uj. B'o tas 'a qui tiempoal tic, 'icha tas a b'ojnac 'a yic pecti cha. Wach'xam 'a scal yowl a c'ojol, palta ch'ox quil tas tz'aj yo'ch a c'ojl 'ayn̈ on̈.

Nm 25:9

'Ay 24 mil eb' 'anma 'ix chamcn yuj jun yailal cha.

Mt 24:7

'Ay jun tzo'n̈ niwc chon̈b' 'oj yac' owl sb'a yet' yit niwc chon̈b'al; ax ya'n owl sb'a eb' yajl yet' eb' yit yajlil. Til wal 'aj 'oj yamchjc eb' 'anma yuj yab'il, 'oj jawc pax wejl 'a yib'n̈ eb'. Til wal 'aj 'oj 'ec' pax quixcab'.

Apoc 6:8

Ax xwilni, 'ayc' junx chej caw c'an. A jun 'ay q'ue 'a yib'an̈, atn Chamel. Ax jun lugar 'aj 'ay spixn eb' chamnac, 'icha to a tza'n 'och yu'uj. A jun cha, 'ix 'ajx spoder 'a yib'n̈ eb' 'anma 'a yolyib'n̈q'uinal. Chan̈c'aj 'oj 'el eb'. Palta 'ay junc'aj eb' 'oj milxc chamoc. 'Oj cham eb' yuj owal, mto yuj wejel, mto yuj yab'il, mto yuj jun tzo'n̈ no chiwjum noc' 'ay smay.

A Ch'an̈ B'ab'el Libro Samuel 6:19

Palta ax Dios, 'ix smil cham jun tzo'n̈ eb' 'aj Bet-semes cha, yujto say eb' yil tas 'ay 'a yojl te caxa cha. 'Ix cham 70 eb' winc chi yu'uj, a eb' 'anma 'a jun chon̈b' cha, caw wal tz'oc' eb' si'mb'il, yujto niwquil jun chaml chi x'och 'a scal eb' yuj Jehová.