A Ch'an̈ Schab'l Libro Samuel 23:4 - Chuj San Sebastian Bible

⁴ lajn wal 'icha yic tzsacb' cot yib'cha'an̈, lajn wal 'icha yic c'achan, yic may 'asun, a tz'a'n q'uib' te c'ultac yic tzlajw yec' n̈ab', xchi 'ayin.

Chuj San Mateo Bible

⁴ lajan val icha saquil yichchaan̈, ayic sq'ueul c'u d'a junoc c'u te c'achan, malaj asun. Lajan icha sc'achvi ayic toxo ix ec' junoc yax n̈ab' tz'ac'an syaxil sat lum luum, xchi Jehová d'ayin.

A Ch'an̈ Schab'l Libro Samuel 23:4 ပူးပေါင်းရင်းမြစ်များ

Salmos 110:3

A yic 'oj a'nc owal, mun xoj 'oj wul ya'ch sb'a eb' a chon̈b' et'oc. 'Icha wal tz'aj 'ejm chicb'chan̈ 'a yic sq'uin̈b'ial, 'ixta wal 'oj 'aj sjaw ewin quelmtac 'a a tz'ey 'a lum tzaln yic emmquilal.

Salmos 72:6

Lajn cab' win rey 'icha n̈ab', mto 'icha chicb'chan̈ tz'a'n yaxb'oc sat lum lu'um, yet' pax te c'ultac.

Salmos 89:36

A eb' yin̈til, 'oj 'och eb' reyl sjelc 'a smasnil tiempo ya' sb'a 'ayt 'ec' c'u.

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Is 18:4

A Jehová, a 'ix aln 'ayn 'ixtic: 'Ayn 'ec' 'a wet'ul, xwiln cot eb' 'anma tic, sictacn̈ej waji yic tzwiln cot eb', 'icha yilx yoc c'u 'a yic cuaresmail, 'icha pax yilx chicb'chan̈ tz'em 'a 'ac'wal yic 'elnc sat smasnil 'awb'ente', 'ixta waji, xchi Dios.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Is 60:1

A Jehová a 'ix aln can 'ixtic: Ex 'aj Jerusalén, a ticnec q'uen̈ec pax wa'an, caw wach' eyico' yujto tzcheclj pax chan̈ in sacq'uinlal yet' in tzictznil 'a e cal.

Is 60:3

A jun tzo'n̈ nacion̈ cha, 'oj jawc eb' 'ayx yuj jun sacq'uinl cha, ax eb' rey, 'oj jawc eb' 'ayx yuj in tzictznil 'oj checljoc chan̈ 'a e cal.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Os 6:5

Yuj cha ex in satn 'eli, 'icha wutjnac wa'n yal eb' in checb' 'ayex. Yuj in paxti', ex in satn 'eli. Caw checl eyailal xwa'chi, lajn wal 'icha yoc c'u.

Miqueas 5:7

A yic cha, a eb' yin̈tl Jacob 'oj canoc, 'oj yi' cot eb' wach'ilal 'a scal nan̈loc chon̈ab', 'icha tz'aj sya'xb' te c'ultc yuj n̈ab', mto yuj chicb'chan̈ tz'em 'a 'ac'wal. A Jehová 'oj 'a'nc cot jun wach'ilal cha, man̈oc 'a eb' 'anma 'oj cotoc.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Jn 1:7

A wul ya'jnac testigoal sb'a yuj jun sacq'uinl cha, sec wach' tzann̈j mach tztac' ya'n 'och sc'ojl 'a jun sacq'uinl cha.

Dt 32:2

A in cuynb'il 'oj wal tic, lajn wal 'icha yic tz'em n̈ab'. A jun tzo'n̈ in paxti 'oj walcn tic, lajn 'icha yic tz'em chicb'cha'an̈. An̈jtona', 'icha wal yem n̈ab' 'a yib'n̈ te 'itaj, yet' 'a yib'n̈ te c'ultac, 'ixta 'oj 'ajoc.

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.