A Ch'an̈ Schab'l Libro Samuel 23:22 - Chuj San Sebastian Bible

²² A yuj tas 'ix sb'o Benaía, win yunnal Joiada, 'ix ya'n ganar sq'ue'ch 'a yopiso, 'ix b'inax sb'i 'a scal eb' lajn̈schawinc soldado caw jeln cha, palta man̈ lajnoc yet' eb' 'oxwn̈ cha.

Chuj San Mateo Bible

²² A yuj tas ix sc'ulej vin̈aj Benaía chi', lajan ix aj yelc'och vin̈ icha oxvan̈ eb' vin̈ soldado te jelan.

A Ch'an̈ Schab'l Libro Samuel 23:22 ပူးပေါင်းရင်းမြစ်များ

A Ch'an̈ Schab'l Libro Samuel 20:7

Ax eb' soldado yic Joab, yet' eb' quereteo, yet' pax eb' peleteo, atn eb' stan̈mal win rey, yet' jun tzo'n̈ xo eb' soldado caw jelan, 'ix 'el eb' 'a Jerusalén. 'Ix 'at eb' yet' win Abisai, yic tz'at eb' 'a spatquil win Seba cha.

A Ch'an̈ Schab'l Libro Samuel 23:20

Ax Benaía, yunnal Joiada 'aj chon̈b' Cabseel, a jun winc cha, caw wal jelan, til wal tastc 'ix sb'o'o. Atn miljnac cham chawn̈ eb' soldado caw jeln 'aj Moab. 'Ay jun 'el, c'uxn wal 'ay sacb'acm 'a jun c'u cha, 'ix 'ejm win 'a jun lum xab', ata sma' cham win jun no león.

A Ch'an̈ Schab'l Libro Samuel 23:21

An̈jtona', smiln pax cham win jun win 'aj Egipto, to caw wal niwquil ste'il, yet' win slanza. Ax Benaía cha, 'ix 'at yet' jun te 'a winac, 'ix yi'n 'ec' slanza jun winc chi 'a yol sc'ab', ax yet' jun slanza chi 'ix smil cham jun winc cha.

A Ch'an̈ Schab'l Libro Samuel 23:23

Caw 'ix 'ijx chan̈ sb'i 'a scal eb', palta man̈ lajnoc x'aj yet' ewin 'oxwn̈ b'ab'l cha, ax win 'ix ya'ch win rey David syajlilc eb' soldado tztan̈wni.

A Ch'an̈ Schab'l Libro Samuel 8:18

Benaía win yunnal Joiada, yajl yaj 'a eb' soldado tztan̈wni rey David, atn eb' quereteo yet' eb' peleteo. Ax eb' yunnal David cha, sat yajl yaj eb' 'a eb' yajl cha.