A Ch'an̈ Schab'l Libro Samuel 23:20 - Chuj San Sebastian Bible

²⁰ Ax Benaía, yunnal Joiada 'aj chon̈b' Cabseel, a jun winc cha, caw wal jelan, til wal tastc 'ix sb'o'o. Atn miljnac cham chawn̈ eb' soldado caw jeln 'aj Moab. 'Ay jun 'el, c'uxn wal 'ay sacb'acm 'a jun c'u cha, 'ix 'ejm win 'a jun lum xab', ata sma' cham win jun no león.

Chuj San Mateo Bible

²⁰ Axo pax vin̈aj Benaía, yuninal vin̈aj Joiada aj chon̈ab' Cabseel, te jelan vin̈, tzijtum tas ix sc'ulej vin̈. Chan̈van̈ eb' soldado aj Moab te jelan ix smilcham vin̈. A junel ayic te ay q'uen sacb'acom, ix em vin̈ d'a yol jun q'uen xab', ix smilancham jun noc' choj vin̈ ta'.

A Ch'an̈ Schab'l Libro Samuel 23:20 ပူးပေါင်းရင်းမြစ်များ

A Ch'an̈ Schab'l Libro Samuel 1:23

Ach Saúl yet' 'ach Jonatán, caw chamc'ojlb'ilx wu'uj, caw nib'b'ilx paxi, junn̈j eyec' 'a yic pitzn ex to, junn̈j ex 'aj pax e chami. 'Ec'b'al sjelnal e b'ey 'icha no salt'iw. Yel xo 'ec'b'al eyip 'a e no león.

A Ch'an̈ Schab'l Libro Samuel 20:23

'Ixta 'ix 'aj yoch Joab yajlil 'a scal smasnil eb' soldado yic Israel, ax Benaía yunnal Joiada, a yajl yaj 'a eb' quereteo, yet' 'a eb' peleteo.

A Ch'an̈ Schab'l Libro Samuel 23:21

An̈jtona', smiln pax cham win jun win 'aj Egipto, to caw wal niwquil ste'il, yet' win slanza. Ax Benaía cha, 'ix 'at yet' jun te 'a winac, 'ix yi'n 'ec' slanza jun winc chi 'a yol sc'ab', ax yet' jun slanza chi 'ix smil cham jun winc cha.

A Ch'an̈ Schab'l Libro Samuel 23:22

A yuj tas 'ix sb'o Benaía, win yunnal Joiada, 'ix ya'n ganar sq'ue'ch 'a yopiso, 'ix b'inax sb'i 'a scal eb' lajn̈schawinc soldado caw jeln cha, palta man̈ lajnoc yet' eb' 'oxwn̈ cha.

A Ch'an̈ Schab'l Libro Samuel 8:18

Benaía win yunnal Joiada, yajl yaj 'a eb' soldado tztan̈wni rey David, atn eb' quereteo yet' eb' peleteo. Ax eb' yunnal David cha, sat yajl yaj eb' 'a eb' yajl cha.

A Ch'an̈ B'ab'el Libro Yic Yab'ixal Eb' Rey 1:26

Palta ma'in yawtj eb' an tic, ma'ix yawtj eb' Sadoc win ya'mal 'och qui ti 'a Dios, yet' Benaía yunnal Joiada, yet' pax win onnal Salomón.

A Ch'an̈ B'ab'el Libro Yic Yab'ixal Eb' Rey 1:38

Xlajw cha, 'ix 'ajx q'ue Salomón 'a yib'n̈ no smula win rey David yuj eb' tic: Sadoc, Natán, Benaía yunnal Joiada, eb' quereteo, yet' eb' peleteo. Xlajw cha, xyi'n 'at eb' win 'a spac'b'a 'a Guihón.

A Ch'an̈ B'ab'el Libro Yic Yab'ixal Eb' Rey 1:8

Palta ax Sadoc ya'mal 'och sti eb' 'anma 'a Dios, yet' Benaía yunnal Joiada, yet' Natán win schecb' Dios, yet' Simei, yet' Rei, yet' pax smasnil eb' soldado 'aych stan̈malc David, max ya'ch sb'a eb' yet' Adonías cha.

A Ch'an̈ B'ab'el Libro Yic Yab'ixal Eb' Rey 2:46

Xlajw cha, 'ix yaln win rey 'a Benaía, to tz'at smil cham Simei cha, yuj cha 'ix 'at Benaía 'at smila'. 'Ixtnta 'ix 'aj swach' can jun 'opiso chi 'a yol sc'ab' Salomón.

1 Cr 12:8

An̈jtona yet' pax jun tzo'n̈ eb' yin̈tl Gad, 'ix ya'ch sb'a eb' yet' David yic 'ayc' 'a q'uen n̈aq'uen 'a lum cusltac lu'um. Caw jeln eb', cuywnac eb' ya'n owal, yet' eb' smaclab' sat jul-lab', yet' pax eb' slanza. Owltac yilx sat eb' 'icha no león, caw jeln sb'ey eb' 'icha no c'ultquil chej 'a jolmctac witz.

1 Cr 18:17

Ax Benaía yunnal Joiada, a yajl yaj 'a yib'n̈ eb' quereteo yet' eb' peleteo. Ax eb' yunnal David cha, a eb' sat yaj scolwj yet'oc.

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Josué 15:21

A eb' lum b'ab'l tic 'ay 29 chon̈b' chi 'a smasnil yet' yaldeail, atn lum tzcan 'a stojlal sur, 'a smon̈jonal yic Edom: Atn Cabseel, Edar, Jagur, Cina, Dimona, Adada, Cedes, Hazor, Itnán, Zif, Telem, Bealot, Hazor-hadata, Queriot, Hezrón (atn jun tic tzcuch pax Hazor), Amam, Sema, Molada, Hazar-gada, Hesmón, Bet-pelet, Hazar-sual, Beerseba, Biziotia, Baala, Iim, Esem, Eltolad, Quesil, Horma, Siclag, Madmana, Sansana, Lebaot, Silhim, Aín yet' Rimón.