A Ch'an̈ Schab'l Libro Samuel 22:20 - Chuj San Sebastian Bible

²⁰ In scolcn 'elta, in ya'n can 'a jun lugar caw lewan 'a 'aj may tzin 'i'ni, yujto tzin schamc'ojlej.

Chuj San Mateo Bible

²⁰ Ix in ic'anelta b'aj lod'an, ix in ac'ancanoch b'aj levan. Ix in a colo' yujto xajan in uuj.

A Ch'an̈ Schab'l Libro Samuel 22:20 ပူးပေါင်းရင်းမြစ်များ

Gn 26:22

'Ix 'atx Isaac 'a junx lugar, ata 'ix c'och cajan. 'Ix sjoyn ewin junx a 'uc'b'il a cha, man̈x 'a owl yuj a'. Yuj cha, scuchn can a 'Actb'il 'Eli. 'Actb'iln̈ 'el yuj Jehová yic tzin q'ue'ch 'a jun lugar tic, xchi Isaac.

A Ch'an̈ Schab'l Libro Samuel 15:26

Palta toto man̈xtzac tzalj wet' jun, waj ticnec 'a yol sc'ab', sb'o cab' tas 'icha tznib'j 'ayin, xchi win rey cha.

A Ch'an̈ Schab'l Libro Samuel 22:37

Caw wach' jun b'e 'aj tzin ej b'eyoc, sec wach' matz in tench woc.

1 Cr 4:10

'Ix leslwi win 'a qui Diosalec an̈ israel on̈c tic, 'ix yalni: Tzin tew 'aych Mamin, to tzac' a yaxilal 'a wib'an̈. Tzin nib'j to niwquil in lu'um, tzin nib'j tzach 'och pax wet'oc, yic tzin a coln 'el 'a yailal, sec wach' matz in 'ixtxi, xchi 'a slesal. Ax Dios 'ix 'a'n tas 'ix sc'an cha.

Salmos 118:5

A yic 'ayn 'och 'a in yailal, 'ix waln in b'a 'a Jehová, 'ix yab' tas xwal 'a 'a, yuj cha, in scolni.

Salmos 147:11

palta 'a eb' yiclum tzyutj sb'a 'a 'a, eb' tzya'ch sc'ojl 'a schamc'ojlal yic tzcoln 'el eb', caw 'ay yel'ch eb' 'a 'a.

Salmos 149:4

Yujto a Jehová tzyij stzaljc'ojlal 'a quib'n̈ec an̈ schon̈b' on̈c tic, ax ya'n qui tzaljc'ojal an̈ 'emmquilal queq'ui, yujto a tzon̈ colnec.

Salmos 22:8

A jun tic a cob' Jehová a tzya'ch yipc sc'ojol; yuj cha, colx cab' 'el ticnec yu'uj. Toto caw yel nib'b'il yuj Dios, colx cab' yu'uj, xchi eb'.

Salmos 31:8

Ma'in a'cn 'och 'a yol sc'ab' eb' 'ajc'ojl yajch 'ayin; palta ata in a'cn 'och lin̈n 'a 'aj may tas tzin 'i'ni.

Salmos 31:9

Mamin Jehová, 'o'ch cab' wal a c'ojl 'ayin, yujto 'ayn 'ec' 'a scal yailal. Caw tzc'unb' yol in sat woq'ui, tz'el yip in pixan, yet' pax in niwnal.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

Os 4:16

A chon̈b' Israel, caw pit, lajn wal 'icha junc no quelm wacx caw ow. Toto 'ixta', ¿tom 'oj stac' in tan̈wni eb' 'icha junc 'ilm calnelu tztan̈wni wa scalnelu 'a 'aj caw yax te c'ultac?

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mt 27:43

'Ix cob' ya'ch Dios yipc sc'ojol, yuj cha, colwj cab' Dios chi yet' quila', toto yel 'ay schamc'ojlal Dios 'a 'a. 'In xyala, to yunnal Dios, xchi ewinac.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.