A Ch'an̈ Schab'l Libro Samuel 21:8 - Chuj San Sebastian Bible

⁸ 'Ix syam win rey chawn̈ eb' yune 'ix Rizpa, yisl win Aja, atn eb' yune 'ix yet' win Saúl, atn win Armoni, yet' win Mefi-boset. 'Ix syam pax win own̈ eb' yune 'ix Merab, yisl Saúl, atn eb' yune 'ix yet' win Adriel, win yunnal Barzilai 'aj Mehola.

Chuj San Mateo Bible

⁸ Ix schecan vin̈ rey chi' yamchaj vin̈aj Armoni yed' junxo vin̈ scuchan Mefi-boset, aton eb' vin̈ yuninal vin̈aj Saúl yed' ix Rizpa yisil vin̈aj Aja. Ix schecan vin̈ yamchajpax ovan̈ eb' vin̈ yune' ix yisil vin̈aj Saúl chi' scuchan Merab, aton eb' vin̈ yune' ix yed' vin̈aj Adriel, yuninal vin̈aj Barzilai aj Mehola.

A Ch'an̈ Schab'l Libro Samuel 21:8 ပူးပေါင်းရင်းမြစ်များ

A Ch'an̈ Schab'l Libro Samuel 3:7

A win Saúl cha, 'ay jun 'ix schab'l 'istzil winac, Rizpa sb'i 'ix, yisl jun win tzcuch Aja. Ax x'aji, 'ix yaln win Is-boset 'ixtc 'a win Abner: —¿Tas yuj ach way yet' jun 'ix schab'l 'istzil can in mam? xchi.

A Ch'an̈ B'ab'el Libro Yic Yab'ixal Eb' Rey 19:16

Ax win Jehú yunnal Nimsi, a win tza si'ch sreyloc chon̈b' Israel. Ax win Eliseo yunnal Safat, win 'aj chon̈b' Abel-meholá, a win tza si'x can 'och in checb'oc a jeloc.

A Ch'an̈ B'ab'el Libro Samuel 14:49

A eb' yunnal Saúl, atn eb' tic: Jonatán, Isúi yet' Malquisúa. 'Ay pax chawn̈ yisil, atn 'ix Merab, yet' 'ix Mical.

A Ch'an̈ B'ab'el Libro Samuel 18:19

Ax wal 'a yic xc'och stiempoal ya'n Saúl 'ix yisl chi yistloc cob' David, ax x'aji, a 'a win Adriel win 'aj Meholá, ata xyac' Saúl 'ix yisl cha.