A Ch'an̈ Schab'l Libro Samuel 20:15 - Chuj San Sebastian Bible

¹⁵ A yic 'ix c'och eb' soldado win Joab 'a Abel-bet-maaca, 'ix 'och oyn eb' 'a 'a. 'Ix sb'on chan̈ eb' sb'achte 'a spatquil, yic tzya'n eb' owl yet'oc. Smasnil eb' soldado cha, 'ix syamch eb' smac' 'ejm smuroal jun chon̈b' cha.

Chuj San Mateo Bible

¹⁵ Ayic ix c'och eb' soldado vin̈aj Joab d'a Abel-bet-maaca chi', ix oymaj eb' d'a spatic, ix sb'oanoch lum luum eb' stec'nub'oc d'a spatictac smuroal chon̈ab' chi', yic syac'an oval eb' d'ay. Ix och ijan eb' smac'anem vecnaj smuroal chi'.

A Ch'an̈ Schab'l Libro Samuel 20:15 ပူးပေါင်းရင်းမြစ်များ

A Ch'an̈ Schab'l Libro Samuel 20:14

Ax win Seba cha, 'ix 'ec' 'a smasnil slugar eb' yin̈tl Israel, masnto 'ix c'och 'a Abel-bet-maaca. 'Ix syam sb'a smasnil eb' yin̈tl Bicri yu'uj, tza'n 'och eb' yu'uj, 'ix 'och 'a yol chon̈b' cha.

A Ch'an̈ B'ab'el Libro Yic Yab'ixal Eb' Rey 15:20

'Ix schan sc'ojl win Ben-adad tas 'ix yalb't win rey Asa, yuj cha, schecn 'at win eb' capitan̈ yet' eb' soldado yic tz'at ya'nc eb' owl 'a eb' lum chon̈b' 'a yol yic Israel. 'Ixta x'aj yajx ganar chon̈b' Ijón, Dan, Abel-bet-maaca, yet' smasnil chon̈b' 'a yol yic Cineret yet' 'a smasnil yol smacb'en eb' yic Neftalí.

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

A Ch'an̈ Schab'il Libro Yic Yab'ixal Eb' Rey 19:32

Ax pax yuj win sreyl Asiria, 'ix yal Jehová yuj win 'ixtic: Ma'oj 'oxtc 'a yol chon̈b' Jerusalén tic, may wal junc sjul-lab' 'oj ya'lc sjuln coti, ma'oj jawc yac' owl yet' smacl sat jul-lab', ma'oj sb'o pax chan̈ sb'achte 'a spatquil smuroal chon̈b' tic.

Ec 9:14

'Ay jun yune chon̈b' man̈ niwnoc 'anma cajn 'a 'a, ax x'aji, 'ix jaw jun win rey to niwn sb'isl eb' soldado, 'ix yoyn sb'a eb' 'a yic tzya'n eb' owl yet'oc.

Is 37:33

Ax pax yuj win sreyl Asiria, 'ix yal Jehová yuj win 'ixtic: Ma'oj 'oxtoc 'a yol chon̈b' Jerusalén tic, may wal junc sjul-lab' 'oj ya'lc sjuln coti, ma'oj jawc yac' owl yet' smacl sat jul-lab', ma'oj sb'o pax chan̈ sb'achte 'a spatquil smuroal chon̈b' tic.

Jeremías 32:24

Ax ticnec, tox 'ix sb'o chan̈ eb' caldeo jun tzo'n̈ b'achte 'a spatquil 'el chon̈ab', yic tzya'n eb' owl yet' jun chon̈b' tic, yuj cha, 'ay wejel yet' yab'il. 'Oj 'ajxoc ganar jun chon̈b' tic yuj eb' 'a'm owl cha. Mamin, 'in wan yuj 'icha wal yaj alni.

Jeremías 33:4

An Jehová in, e Diosal in, 'ay wal jun in paxti tzwalcn 'a yib'n̈ yatut eb' 'aj Jerusalén, yet' 'a yatut eb' sreyl Judá, atn jun tzo'n̈ wan sma'x lan̈chjoc yic tzc'anx sq'uenal 'a jun tzo'n̈ oln 'a smuroal chon̈ab', yic wach' matz 'och eb' caldeo wan ya'n owl eyet'oc.

Jeremías 6:6

A Jehová jun tztac' yuj smasnil, a 'ix aln 'ixtic: ¡Ch'acc 'el eb' te te'! tzeya'n 'och eb' te e b'achte'oc 'a spatquil 'el jun chon̈b' tic, yic 'oj eya'nc owl yet' eb' 'aj Jerusalén! A jun chon̈b'al eb' 'anma tic, 'oj wa'ch yailal 'a yib'n̈ eb', yujto cojxn 'ixtj 'anma tzb'o eb'.

Ez 4:2

Tzoyn 'och yechl yamc'ab' yic owl 'a spatquil, tza'n 'och smuroal, tza'n 'och sb'achte'al 'a spatquil 'el cha, ax 'a yojltac 'elt cha, ata tza b'o camplamento tz'och oyn 'a 'a.

Lc 19:43

Yuj cha, 'ay wal jun tiempoal 'oj jawoc, ax eb' 'ajc'ojl yajch 'a jun chon̈b' tic, 'oj yoych eb' scol-lal. Ax yoch oyn eb' yac' owl yet'oc.