A Ch'an̈ Schab'l Libro Samuel 2:1 - Chuj San Sebastian Bible

¹ Xlajw cha, sc'anb'n David 'a Jehová 'ixtic; —¿Tom tztac' in 'at 'a junc eb' chon̈b' 'ay 'a yol yic Judá? xchi. —N', tztac' a 'ati, xchi Jehová. Yuj cha, sc'anb'n pax David jun 'ejm xo: —¿'Aj 'ay junc chon̈b' 'aj smoj in 'ati? xchi. —A 'a chon̈b' Hebrón tzach 'ati, xchi.

Chuj San Mateo Bible

¹ Ix lajvi chi', ix sc'anb'an vin̈aj David d'a Jehová icha tic: —¿Tom syal in q'uexc'och d'a yol junoc chon̈ab' d'a yol yic Judá? xchi vin̈. Ix tac'vi Jehová chi' d'a vin̈: —Syala', xchi. Ix sc'anb'anpax vin̈: —¿Mach junoc chon̈ab' b'aj syal in c'ochi? xchi vin̈. —A d'a chon̈ab' Hebrón syal a c'ochi, xchi Jehová chi'.

A Ch'an̈ Schab'l Libro Samuel 2:1 ပူးပေါင်းရင်းမြစ်များ

Gn 13:18

Yuj cha, xyi'n chan̈ Abram smantiado 'ix c'och cajn 'a sla'nil 'aj 'ay jun tzo'n̈ te ma'ach', 'a yol yic win Mamre sb'i, 'a stz'ey chon̈b' Hebrón. Xlajw cha, sb'on jun yet'l xajmb'al 'a 'aj tzyal sb'a 'a Jehová.

Gn 32:2

A yic xyiln win Jacob jun cha, xyaln 'ixtic: Atn am 'a tic 'ay scamplamento eb' yángel Dios, xchi. Yuj cha, xya'n sb'ic jun lugar chi Mahanaim.

A Ch'an̈ Schab'l Libro Samuel 15:7

Ax yic xlajw chan̈e ab'il 'ixta xyutj sb'a win cha, 'ix yaln win Absalón chi 'ixtc 'a win rey cha: —Tzin tew 'ayach, to tzac' in permiso yic tzin 'at 'a chon̈b' Hebrón, sec tz'at wac' 'el'choc in ti wa'jnac 'a Jehová.

A Ch'an̈ Schab'l Libro Samuel 2:11

'Ixta x'aj David yoch sreyloc eb' yin̈tl Judá 'a uque ab'il yet' waque xo 'ujal, a jun chon̈b' 'aj xyac' reyal, atn 'a chon̈b' Hebrón.

A Ch'an̈ Schab'l Libro Samuel 5:19

Yuj cha, sc'anb'n David 'a Jehová 'ixtic: —¿Tztac' am 'at wa'nc owl yet' eb' filisteo? ¿Tzac' am wal eb' 'a yol in c'ab'? xchi. —'Ixic, 'at 'ac' owl yet' eb', an 'oj wac' eb' 'a yol a c'ab', xchi Jehová.

A Ch'an̈ Schab'l Libro Samuel 5:23

Xlajw cha, sc'anb'n pax David 'a Jehová, yuj cha, xta'w 'a 'a, xyaln 'ixtic: —Man̈oc 'a sat eb' tzach 'at ac' owal, palta tzoycn eb' b'ab'el, ax 'a spatquil eb' tzach coti. Ata tzach c'och 'a 'aj 'ay eb' te te bálsamo sb'i.

A Ch'an̈ B'ab'el Libro Yic Yab'ixal Eb' Rey 2:11

Chawinc ab'il 'ix yac' reyl 'a yib'n̈ chon̈b' Israel, uque ab'il 'ix yac' reyl 'a Hebrón, ax 33 ab'il 'ix yac' reyl 'a Jerusalén.

1 Cr 29:7

'Ix yac' eb' yico' yic tzb'o yatut Dios, 3,800 quintal q'uen oro, 7,600 quintal q'uen plata, 13,500 quintal q'uen bronce, yet' pax 75 mil quintal q'uen hierro.

Salmos 143:8

'A junjn sq'uin̈b'ial tza'n wojcoc 'el a chamc'ojlal, yujto ach tzach wa'ch yipc in c'ojol. 'Ac' wojcoc 'eli tas wal smoj in b'oni, yujto a 'aych wan waln in b'a.

Salmos 27:4

Cojn jun tas xin c'an 'a Jehová, atn jun chi tzin nib'j tzin bo'o': tzin nib'j 'aynn̈ej 'ec' 'a yatut 'a smasnil tiempo ya' sb'a pitzn in. Tzwa'n 'emmquilal 'a yatut, sec 'oj in tzalj wiln 'ochi.

Ez 36:37

An Jehová Yajl in, an tzwal 'ixtic: A tas 'oj e c'an 'ayin, 'oj wa'x 'ayex, ax wa'n niwtjoc e b'isl 'icha no calnelu.

Nm 13:22

'Ix 'ec' eb' 'a lum Neguev, masnto xc'och eb' 'a Hebrón. Ata cajn Ahimán, Sesai yet' Talmai. A eb' tic, yin̈tl can win Anac eb'. A chon̈b' Hebrón cha, yucl xo ab'il sb'o'i, yic 'ix b'o chon̈b' Zoán 'a Egipto.

Nm 27:21

A 'a Eleazar ata 'oj yala'. Ax Eleazar a 'oj c'anb'noc 'ayn yu'uj, an xo Jehová in, an 'oj wac' yal q'uen Urim tas 'oj yutc sb'a. Ax Josué a 'oj alnoc, tas yowlal 'oj sb'o eb' 'anma cha, xchi Dios.

Josué 15:13

Ax Josué, a 'ix 'a'n jun macn̈ lum smacl lum eb' yin̈tl Judá 'a win Caleb yunnal Jefone. 'Icha yaj yaln Jehová, x'ajx lum Quiriat-arba 'a 'a, atn lum tzcuch pax Hebrón, atn jun chi schon̈b' eb' yin̈tl win Anac yaji.

Jueces 1:1

A yic tox xcham Josué, 'ix sc'anb'n eb' israel 'a Jehová 'ixtic: ¿Mach junc 'in̈tal 'a qui cal tic on̈, tz'at sb'ab'l 'a'c owl yet' eb' cananeo? xchi eb'.

A Ch'an̈ B'ab'el Libro Samuel 10:22

Yuj cha, 'ix sc'anb'n eb' jun 'ejm xo 'a Jehová, toto mantzac c'och Saúl chi 'aj 'ayc' eb' cha. Palta 'ix yaln Jehová chajtlto 'ayx 'ec' win ta', cojnto 'ix sc'ub'j 'el sb'a 'a scal jun tzo'n̈ maleta.

A Ch'an̈ B'ab'el Libro Samuel 23:2

'ix 'at sc'anb'noc yab' 'a Jehová, 'ix yaln 'ixtic: —¿Tzam 'ac' in permiso tz'at wac' owl yet' jun tzo'n̈ filisteo cha? xchi. —Ixquec, 'a'c owl yet' eb' filisteo cha, tze coln can 'el jun chon̈b' Keila cha, xchi Dios.

A Ch'an̈ B'ab'el Libro Samuel 23:4

Yuj cha, sc'anb'n pax David jun 'ejm xo 'a Jehová. 'Ix ta'w pax 'a 'ixtic: —'Ixquec 'a chon̈b' Keila, an 'oj wa'ch eb' filisteo 'a yol e cab', xchi.

A Ch'an̈ B'ab'el Libro Samuel 30:31

'a Hebrón, yet' pax 'a smasnil lugar 'aj 'e'nc David sc'ub'c 'el sb'a 'a Saúl yet' eb' winc ajun yet'oc.