A Ch'an̈ Schab'l Libro Samuel 19:19 - Chuj San Sebastian Bible

¹⁹ 'Ix yaln win 'ixtic: —Tzin tew 'aych mamin rey, to tzin ac' niwnc'ojlal an a checb' in tic, sec man̈xtzac a na cot in mul 'ix 'och 'ayach, yic ach 'el 'a Jerusalén. Man̈ cot cab' owl 'ayin.

Chuj San Mateo Bible

¹⁹ Ix yalan vin̈ icha tic: —Mamin rey, tzin tevi d'ayach to tzin ac' nivanc'olal yic maxtzac a nacot in mul ix och d'ayach a in a checab' in tic, ayic ix ach el d'a Jerusalén. Mocab' cot oval d'ayin.

A Ch'an̈ Schab'l Libro Samuel 19:19 ပူးပေါင်းရင်းမြစ်များ

A Ch'an̈ Schab'l Libro Samuel 13:20

Yuj cha, xyaln win snul'j Absalón 'ix 'a 'ixtic: —'Ixta cab' ach yutj a nul'j Amnón cha. Ach wanab', sictac tzach 'aji, man̈ ach 'oc'oc, yujto caw a nul'j winac. Man̈ a na yuj jun cha, xchi Absalón 'a 'ix. —Xlajw cha, xcan 'ix 'a scal scusc'ojlal 'a yatut snul'j Absalón.

A Ch'an̈ Schab'l Libro Samuel 13:33

Yuj cha, mamin rey, man̈ a na to xcham eb' onnal chi smasnil, 'icha 'ix 'aj ab'n yab'xil. Palta cojn win Amnón chi xchami, xchi win 'a David.

A Ch'an̈ Schab'l Libro Samuel 19:18

Yajn̈ej 'ix 'ec' eb' 'a yojl a muc'uc, yic tzcolwj eb' yi'n e't eb' yunnal win rey cha, yet' 'a jun tzo'n̈ xo eb'. Yic mantzac sc'axptej win rey a Jordán cha, 'ix c'och win Simei 'a yojltac winac, 'ix 'em n̈ojnjoc.

Salmos 32:2

A eb' x'och spaltail, toto man̈xtzac 'och jun chi smulc eb' yuj Jehová, caw wal wach' yic eb', atn eb' man̈xtzac snalb'ej smacn sat yit 'anma'il.

Salmos 79:8

Man̈ 'ac' qui tup lajwc smul eb' qui mam quichm on̈; cot cab' a chamc'ojlal 'a quib'n̈ mu'c on̈, yujto caw man̈x 'a quip on̈.

Ec 10:4

Q'uinloc a junc mach yajl yaj 'ayn̈ec tzcot yowl yuj junc qui paltail, man̈ yajn̈joc cha, tzcactnec can copiso 'aj 'ayn̈ec 'ochi. Toto tzquijec 'ejm qui b'a, 'ay sb'omb'il jun qui paltail cha, wach'xam niwquil yalxi.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

Jeremías 31:34

Man̈x yowlalc 'ayt junc mach 'oj alnc 'a junc xo yit chon̈b' 'ixtic: 'Ojquej 'el Jehová, man̈ xchioc. Yujto an Jehová in, an tzwala, to smasnil eb' 'oj in yojcoc 'eli, wach'xam 'unin, wach'xam 'ichm 'anma'. 'Oj wac' lajwc smul eb', man̈x 'a b'a'n̈ 'oj in na cot smul eb' cha, xchi Dios.

Nm 12:11

Yuj cha, 'ix yaln Aarón 'ixtc 'a Moisés: ¡'Ac' wal niwnc'ojlal 'ayn̈ on̈ mamin, man̈ a'ch jun yailal tic 'a quib'n̈ on̈, yuj qui man̈ nab'enal on̈, yuj cha, 'ix 'och qui mul on̈!

Mt 27:4

Yuj cha, xyaln 'ixtc 'a ewinac: —Caw x'och in mul, yujto xwa'ch jun winc chi 'a yol sc'ab' chamel, palta may jac smul, xchi 'a ewinac. Palta xyaln ewin 'ixtic: —An̈ xo tic on̈ jun, ¿tom 'ay caln quic 'a a mul chi 'on̈? Mun 'oj a na', tas tzotj a b'a yuj jun ec cha, xchi ewinac.

2 Co 5:19

A jun tic, tzyal 'el'chi to a Dios 'aych 'a Cristo yic swulq'ui, sec junc'ojlal tz'aj eb' 'anma yet' smasnil. An̈ec tzon̈ canc 'a junc'ojlal yet'oc, man̈x 'oj ya'ch qui mul 'a quib'n̈ec. A 'a'jnac 'och jun 'ab'x tic 'a yol qui c'ab' on̈, sec tz'ec' cal-l on̈, chajtl tz'aj eb' 'anma yoch 'a junc'ojlal yet'oc.

A Ch'an̈ B'ab'el Libro Samuel 22:15

¿Tom at 'ijnoc in b'ab'l c'anb'n tic 'a Dios yuj win tza na'a? Ma'ay, man̈ 'ixta'oc. Yuj cha, may cab' tas tu tza nib'j a b'o 'ayn mamin rey, yet' pax 'a eb' wican in b'a yet'oc, yujto man̈ wojcoc an a checb' in tic tas yaj jun paxti tic, xchi.

A Ch'an̈ B'ab'el Libro Samuel 25:25

Man̈ a'ch win Nabal 'a a c'ojol; a jun winc cha, quistal. May snab'en, yuj cha, 'ixta sb'i. Cojnn̈ej maysch'olnil tzyala. An xo a checb' in tic, ma'ix wil xon eb' a checb' xa checa.

A Ch'an̈ B'ab'el Libro Samuel 26:21

—David 'icha to wunnal ach, a ticnec tzwojquej 'eli to an 'ix 'och in mul; 'icha xoj junc 'anma may snab'en, 'ixta xwutj in b'a. Caw wal niwn 'aj xwac' sat in c'ojol. Palta meltzjan̈, man̈x 'a junc maysch'olnil 'oj in b'o 'ayach, yujto a 'a jun c'u tic, 'ix a ch'oxli to caw 'ay wel'ch 'ayach, xchi Saúl.