A Ch'an̈ Schab'l Libro Samuel 18:33 - Chuj San Sebastian Bible

³³ Yuj cha, caw x'och pitz'njoc cusc'ojlal 'a rey David. 'Ix q'ue 'a yojl jun cuarto 'a cha'an̈, jun 'ay 'a yib'n̈ q'ue spuertail chon̈b' cha, syamn 'och yoc' ta'. Ya' sb'a yic wan sb'ey q'ue cha, xyaln 'ixtic: ¡'Ay... ach wunnal Absalón! ¡'Ay... ach wunnal Absalón! ¡Comnoc wal an in cham a jeloc! ¡'Ay... ach wunnal Absalón! xchi rey David.

Chuj San Mateo Bible

³³ Ayic ix yab'an jun chi' vin̈ rey chi', ix och pitz'an d'a spixan vin̈, ix q'ue vin̈ d'a yib'an̈ b'aj ay spuertail jun chon̈ab' chi'. Van sb'ey vin̈, ix yalan vin̈ icha tic: Ay, ay ach vuninal aj Absalón. Comonoc a in ix in cham a q'uexuloc, xchi vin̈.

A Ch'an̈ Schab'l Libro Samuel 18:33 ပူးပေါင်းရင်းမြစ်များ

Gn 21:11

A jun paxti cha, caw wal ya 'ix yab' Abraham, yujto a 'ay yunnal pax win Ismael cha.

A Ch'an̈ Schab'l Libro Samuel 14:1

A win Joab yune 'ix Sarvia, yojc wal si'mb'il to a win rey cha, tzcus win yuj win Absalón cha.

A Ch'an̈ Schab'l Libro Samuel 19:1

'Ix yab'n eb' 'anma', to tz'oc' win rey David, caw wal tacn̈ sc'ojl yuj schamlil Absalón, atn win yunnal, 'ix yab'n pax sb'a Joab. Yuj cha, a jun owl 'ix yac' ganar eb' 'a jun c'u cha, 'ix meltzj can 'och 'a cusc'ojlal.

A Ch'an̈ Schab'l Libro Samuel 19:4

Ax win rey, smacn win sat, caw 'ip yel yaw: ¡'Ay, ach wunnal Absalón! ¡'ay, ach wunnal Absalón! xchi.

Salmos 103:13

'Icha wal yo'ch sc'ojl junc mamb'il 'a yunnal, 'ixta yo'ch sc'ojl Jehová 'a 'ayn̈ an̈ yiclum on̈c 'a 'a.

Ex 32:32

Yuj cha, tzin tew 'och 'ayach, comnoc wal tzac' niwnc'ojlal 'a yib'n̈ eb'. Palta toto matz ac' niwnc'ojlal eb' jun, wach' cab' tza suc sat in b'i 'a yojl ch'an̈ libro 'ajtil tz'ib'b'il eb' ec xo yaji, xchi Moisés.

Pr 10:1

A jun tzo'n̈ tic spaxti Salomón: A junc 'unnab'il 'ay snab'en, tzyac' tzaljb'oc sc'ojl smam snun, palta ax eb' may snab'en, caw tzyac' eb' cus sc'ojl sman snun cha.

Pr 17:25

A junc 'unnab'il tu snab'en, ton̈j tzuntzj cot yowl sc'ojl smam snun, tzya'n cus sc'ojl eb'.

Ro 9:3

Q'uinloc to tztac' in c'ann cot yowl sc'ojl Cristo 'a wib'n̈ ticnec, yic tzin 'el 'a yol sc'ab', sec tzcolchj 'el eb' wit chon̈b' cha. Q'uinloc 'ixta', tzyal in c'ojl wa'n in b'a yuj eb'.

Santiago 5:17

A 'e'nc Elías 'a pecti', 'anman̈ej win 'icha on̈c tic. A yic sleslwi 'a smasnil sc'ojol, sec matz yac' n̈ab', nan̈l schan̈l ab'il man̈x 'ic yac' n̈ab' yu'uj.