A Ch'an̈ Schab'l Libro Samuel 18:20 - Chuj San Sebastian Bible

²⁰ Palta 'ix yaln Joab 'ixtc 'a winac: —A ticnec, man̈ a mojc 'at aln jun 'ab'x tic, 'ojt 'at al 'a junc xo c'ual. Man̈ 'at al ticnec, yujto caw a yunnal win rey xchami, xchi.

Chuj San Mateo Bible

²⁰ Ix yalan vin̈aj Joab chi' icha tic: —Max yal-laj a b'ati, man̈ a mojoc a ach ol b'at al jun lolonel chi', tope ato d'a junelxo ol ach b'atoc, palta a ticnaic maay, yujto a val vin̈ yuninal vin̈ rey chi' ix chami, xchi vin̈ d'a vin̈.

A Ch'an̈ Schab'l Libro Samuel 18:20 ပူးပေါင်းရင်းမြစ်များ

A Ch'an̈ Schab'l Libro Samuel 18:19

Yuj cha, ax win Ahimaas win yunnal Sadoc, xyaln 'ixtc 'a Joab: —Tzwal 'ayach, to tzin a chaj 'ati yic tz'at walnc yab' win rey, chajtlto 'ix colx 'el yuj Jehová 'a yol sc'ab' eb' 'ajc'ojl yajch 'a 'a, xchi.

A Ch'an̈ Schab'l Libro Samuel 18:21

Xlajw cha, xyaln Joab 'a jun win soldado etíope: —'Ixc ach tic, 'at al 'a win rey yuj tas 'ix el tic, xchi. 'Ix 'em n̈ojnjoc win etíope chi 'a yojltac Joab, caw carela x'at win 'at yala'.

A Ch'an̈ Schab'l Libro Samuel 18:27

'Ix yaln win 'ilwjum chi jun 'ejm xo: —A jun b'ab'l cha, 'icha wal sb'ey Ahimaas win yunnal Sadoc, 'ixta wal sb'ey tzwila, xchi winac. —Toto a win cha, wach' 'ab'x tzwul yal win 'ayin, yujto wach' snab'en xon winac, xchi win rey cha.

A Ch'an̈ Schab'l Libro Samuel 18:29

—¿Wach' am sc'ojl win quelm Absalón 'ix ela? xchi win rey cha. —A yic in schecn cot Joab, win a checab', toxn̈ej tzsomlji eb' 'anma xwila, yuj cha, man̈ wojcoc tas 'ix uji, xchi win Ahimaas cha.

A Ch'an̈ Schab'l Libro Samuel 18:33

Yuj cha, caw x'och pitz'njoc cusc'ojlal 'a rey David. 'Ix q'ue 'a yojl jun cuarto 'a cha'an̈, jun 'ay 'a yib'n̈ q'ue spuertail chon̈b' cha, syamn 'och yoc' ta'. Ya' sb'a yic wan sb'ey q'ue cha, xyaln 'ixtic: ¡'Ay... ach wunnal Absalón! ¡'Ay... ach wunnal Absalón! ¡Comnoc wal an in cham a jeloc! ¡'Ay... ach wunnal Absalón! xchi rey David.

A Ch'an̈ Schab'l Libro Samuel 18:5

'Ix yaln win rey chi 'ixtc 'a Joab, 'a Abisai yet' 'a win Itai: Yuj e chamc'ojlal 'ayin tzwaln 'ayex, to tzeya'ilj win quelm Absalón, xchi. Ax smasnil eb' soldado cha, c'uxn xyab' eb' tas xyal win rey chi 'a eb' syajlil eb' yuj win Absalón cha.

A Ch'an̈ Schab'l Libro Samuel 19:1

'Ix yab'n eb' 'anma', to tz'oc' win rey David, caw wal tacn̈ sc'ojl yuj schamlil Absalón, atn win yunnal, 'ix yab'n pax sb'a Joab. Yuj cha, a jun owl 'ix yac' ganar eb' 'a jun c'u cha, 'ix meltzj can 'och 'a cusc'ojlal.