A Ch'an̈ Schab'l Libro Samuel 18:18 - Chuj San Sebastian Bible

¹⁸ A yic pitznto Absalón, 'ix ya'n b'o jun munamento 'a jun pan̈n 'a'lic yic eb' rey. A sb'i xya'ch 'a 'a, yujto may junc yunnal tz'a'n b'inaxc sb'i. A jun cha, checlto yaj ticnec. A jun munamento yic Absalón, xchi eb' 'anma 'a 'a.

Chuj San Mateo Bible

¹⁸ Ayic pitzanto vin̈aj Absalón chi', ay jun monumento yac'nac b'ojoc vin̈ d'a jun lugar scuch sch'olanil yic eb' vin̈ rey. A sb'i vin̈ ix yac'canoch d'ay, yujto malaj junoc yuninal vin̈ tz'ac'ancan b'inajoc: “Smonumento vin̈aj Absalón” ix sb'iejcani.

A Ch'an̈ Schab'l Libro Samuel 18:18 ပူးပေါင်းရင်းမြစ်များ

Gn 11:4

Xlajw cha, xyaln pax ewin 'ixtic: Cotn̈ec, qui b'oc junc niwquil chon̈b' 'a tic. Tzlajw cha, tzqui b'onec junc niwquil torre, masnto tzq'ue'ch 'a satcha'an̈, yic wach' tzon̈ b'inaxec si'mb'il. Junxn̈ej tzon̈ 'ajc qui masnil, man̈xtzac on̈ sactzic 'a sat lum lum tic, xchi ewinac.

Gn 11:9

Yuj cha, Babel 'ix scuchcn jun chon̈b' cha. A 'a jun lugar chi 'ix yac' Jehová somchjoc can sti eb' 'anma 'a sat lum tic, 'ix sactzic can 'at eb' 'a yolyib'n̈q'uinl tic yu'uj.

Gn 14:17

A yic tox 'ix 'ajx ganar win rey Quedorlaomer yuj eb' rey 'aych yet' win Abram, 'ix meltzj Abram yet' eb' xcolchj 'el yuj cha. 'Ix 'elt win sreyl Sodoma scha Abram 'a jun niwquil pan̈n Save sb'i. A jun pan̈n cha, yicn̈ej eb' rey yaji.

A Ch'an̈ Schab'l Libro Samuel 14:27

'Ay 'oxwn̈ yunnal Absalón, jun pax yisil, a 'ix yisl win cha, Tamar sb'i 'ix, caw wach' yilxi.

Salmos 109:13

Sat cab' 'el yin̈tl 'a jun 'ejmn̈ej, man̈x 'a cab' b'a'n̈ tzalb'tan̈x sb'i.

Salmos 49:11

Wach'xam niwn lum lu'um tzman eb' yico'oc, palta nab'an̈ej. A 'aj mucn eb', ata 'ayc'n̈ej eb' 'a jun 'ejmn̈ej. Smasnil tiempo 'oj can eb' ta'

Is 22:16

¿Tas tza b'o 'a tic? ¿Mach 'ix 'a'n opiso yic tza b'on jun yet'l chamnc 'anma tic 'a lum tzaln tic, tzoln 'och a b'a 'a sat q'uen q'uen 'aj 'oj a can tic a nani?

Jeremías 22:30

A Jehová tzaln 'ixtic: Tz'ib'jec can 'a ch'an̈ libro yic registro, chajtlto lajn 'oj 'ajcn jun winc tic 'icha junc winc may yunnal, 'icha junc winc to man̈ wach'c x'aj 'el'chi. Yujto man̈x 'a junc yin̈tl 'oj 'och yac' reyl 'a sdespacho David, yic tzya'n reyl jun 'ejm xo 'a Judá, xchi Dios.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Nm 32:42

Ax jun winc tzcuch Noba, yet' jaywn̈ xo eb' ajun yet'oc, a eb' x'i'n 'ec' chon̈b' Kenat yet' jun tzo'n̈ xo chon̈b' 'ay 'a yol smacb'en, xya'n can scuch Noba, yujto 'ixta sb'i winac.

A Ch'an̈ B'ab'el Libro Samuel 15:12

Ax wal 'a yic caw sq'uin̈b'il to, 'ix 'at say yil win Saúl, palta 'ix alx 'a 'a chajtlto x'at win 'a Carmel. Ata sb'o jun munamento yuj sb'inaxi, axta xmeltzji, 'ix c'ochx can 'a Gilgal.