A Ch'an̈ Schab'l Libro Samuel 18:17 - Chuj San Sebastian Bible

¹⁷ Xlajw xoj cha, 'ix yi'n chan̈ eb' sniwnal win Absalón cha, ax 'a yojl jun jul 'a calte cha, ata 'ix sjulcn 'at eb' winac. 'Ix si'n can eb' syam sb'a q'uen q'uen 'a yib'an̈, caw niwn x'ajcn chan̈ b'uln q'uen q'uen cha. Ax smasnil eb' soldado Absalón cha, 'ix 'at eb' 'elc smasnil, 'ix pax eb' 'a yatut.

Chuj San Mateo Bible

¹⁷ Ix lajvi chi', ix yic'anb'at snivanil vin̈aj Absalón chi' eb', ix b'at yac'anoch eb' d'a yol jun olan d'a caltac te' chi', ix q'uecan jun nivan b'ulan̈ q'uen d'a yib'an̈ yuj eb'. Axo pax eb' soldado vin̈aj Absalón chi' ixto cani, ix el eb' elelal, ix paxcan eb' d'a spat.

A Ch'an̈ Schab'l Libro Samuel 18:17 ပူးပေါင်းရင်းမြစ်များ

A Ch'an̈ Schab'l Libro Samuel 19:5

A yic 'ix yab'n win Joab, 'ix 'at win 'a 'aj 'ayc' win rey cha, 'ix yaln win 'ixtic: —A ticnec wan e'n 'el sq'uixwel eb' a soldado ach colnc 'el yet' eb' onnal, yet' eb' 'ix esil, yet' eb' 'ix estzil, yet' pax eb' 'ix a chab'l 'istzil.

A Ch'an̈ Schab'l Libro Samuel 19:8

Yuj cha, 'ix 'elt win rey David, 'ix 'em chotn 'a sti spuertail chon̈ab. 'Ix ya'n alxc yab' eb' chon̈ab', chajtlto chotn xo 'ec' win rey 'a sti puerta. 'Ix 'at eb' smasnil yic tz'at sch'oxnc sb'a eb' 'a yojltac winac. Ax pax eb' soldado israel 'ochnc yet' Absalón, 'el-lal xoj x'aj eb' spax 'a yatut.

A Ch'an̈ Schab'l Libro Samuel 19:9

Smasnil eb' chon̈b' cha, xlaj yal junjn c'aj eb' 'ixtic: A win rey David on̈ colnec 'elt 'a yol sc'ab' eb' 'ajc'ojol, atn eb' filisteo; ax ticnec 'atnc 'elc 'a yol chon̈b' tic yuj yunnal, atn win Absalón.

A Ch'an̈ Schab'l Libro Samuel 20:1

'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.

A Ch'an̈ Schab'l Libro Samuel 20:22

Xlajw cha, 'ix 'at jun 'ix chi muc'uc, 'ix yaln 'a eb' 'anma 'ay sjelnal snab'en, 'ix tzu'n 'el eb' sjolm Seba cha, 'ix sjuln 'emt eb' 'a win Joab. Xlajw cha, 'ix yaln win Joab to tz'utz'x no cacha yic tz'el eb' 'a spatquil jun chon̈b' cha, junjn eb' soldado xpax eb' 'a yatut, ax win Joab, 'ix meltzj can win 'a Jerusalén, yic tzpaxtin win yet' win rey cha.

A Ch'an̈ Schab'il Libro Yic Yab'ixal Eb' Rey 14:12

'Ix 'ajx ganar eb' soldado yic Judá yuj eb' soldado Israel. Junjn eb' 'el-lal xoj x'aj eb' spax 'a yatut.

A Ch'an̈ Schab'il Libro Yic Yab'ixal Eb' Rey 8:21

Yuj cha, 'ix 'at Joram yet' smasnil scaruaje yac' owl yet' eb' 'aj Edom chi 'a Zair. A eb' soldadoal Edom cha, 'ix yoych sb'a eb' 'a spatquil win rey yet' soldado 'et'jnac scaruaje, yuj cha, 'ix q'ue wan Joram 'a 'ac'wl yet' eb' scapitan̈il scaruaje yic owl cha, 'ix ya'n eb' owal, 'ix ya'n ganar eb' yel 'a scal eb' 'aj Edom cha, 'ix meltzj yet' smasnil eb' soldado 'a Judá.

Pr 10:7

A eb' wach' snab'en, caw tznax cot eb' 'a tzaljc'ojlal; ax eb' maysch'olnil sb'eyb'al, toc 'ayt mach tznan cot eb'.

Dt 21:20

Tzyaln cab' eb' 'ixtic: A jun cunnal tic on̈, caw maysch'olnil snab'en, caw tu tas tzb'o'o, matz on̈ syiclj xon jac on̈, caw juwnacx 'el snab'en, 'u'm 'an̈ paxi, xchi eb'.

Dt 21:21

Ax smasnil eb' winc 'a jun chon̈b' cha, tzjul cham eb' jun 'anma chi yet' q'uen q'ue'en. 'Ixta 'oj eyutc e satn 'el jun maysch'olnil chi 'ayc' 'a yol e chon̈ab'. A yic 'oj yab'nc eb' 'anma jun 'ab'x cha, 'oj xiw chan̈ eb'.

Josué 10:27

Ax yic wan sq'uic'b'cha'an̈, 'ix ya'n Josué jiyxoc 'emt eb' 'a sc'ab' te cha, 'ix 'at ya'n 'ajxoc can pax 'och eb' 'a yol q'uen n̈aq'uen 'aj sc'ub'j 'el sb'a eb' cha. Xlajw cha, 'ix smacn can eb' sti jun n̈aq'uen chi yet' q'uen niwc q'ue'en. 'Ixta x'aj smacchj can jun n̈aq'uen cha.

Josué 7:26

Xlajw cha, 'ix si'n can eb' syam sb'a q'uen q'uen chi 'a yib'n̈ eb'. 'Ix q'uecn b'uln̈ q'ue'en. A jun b'uln̈ q'uen q'uen cha, 'ix cann̈j q'uen ta'. Yuj cha, a jun niwn 'a'lic cha, an̈j 'ijnoc Acor sb'i. 'Ixtnta wal 'ix 'aj yoch wan yowl sc'ojl Jehová 'a yib'n̈ chon̈b' Israel 'a jun tiempoal cha.

Josué 8:29

Ax Josué, 'ix ya'n milxoc win sreyl Hai, xya'n t'un̈xoc q'ue sniwnal win 'a sc'ab' jun niwquil te'. T'un̈n q'ue sniwnal masnto x'em c'u. Ax yic wan sq'uic'b'i 'ix ya'n Josué jiyxoc 'emt winac. Ax 'a yol sti spuertail schon̈b' win cha, ata x'at can sniwnal win yuj eb' israel cha. 'Ix si'n can q'ue b'uln eb' q'uen q'uen 'a yib'n̈ winac, caw niwquil x'ajcn chan̈ b'uln q'ue'en.

A Ch'an̈ B'ab'el Libro Samuel 4:10

Xlajw cha, 'ix 'och eb' filisteo chi 'a owl yet' eb' israel cha. Ax x'aji, 'ix lajw 'el eb' israel, 'ix 'at eb' 'elc 'a yatut. Caw wal niwn jun chaml chi 'ix 'ochi, 'ay lajn̈schawinc mil soldado israel 'ix chami.