A Ch'an̈ Schab'l Libro Samuel 18:14 - Chuj San Sebastian Bible

¹⁴ 'Ix ta'w win Joab 'a win 'ixtic: —Nab'an̈ej tzwij 'ec' in tiempo et'oc, xchi winac. 'Ix yi'n Joab chi 'oxe q'uen cotc lanza, 'ix 'at stecnc 'och 'a spixn Absalón, yujto pitznto win 'a sc'ab' te mach' cha.

Chuj San Mateo Bible

^14-15 —Nab'an̈ej sviq'uec' tiempo ed'oc, xchi vin̈aj Joab chi'. Ix yic'anb'at oxe' q'uen yunetac lanza vin̈, ix b'at stecanoch q'uen vin̈ d'a spixan vin̈aj Absalón chi'. Yujto pitzanto vin̈, yuj chi' ix oymaj lajun̈van̈ eb' stan̈vumal vin̈aj Joab chi' d'a spatic vin̈, ix svach' milancham vin̈ eb'.

A Ch'an̈ Schab'l Libro Samuel 18:14 ပူးပေါင်းရင်းမြစ်များ

A Ch'an̈ Schab'l Libro Samuel 12:10

Yuj cha, may wal b'a'n̈ 'oj 'och wan stzu'x cham eb' en̈til, yujto in a patquilj can 'eli, yic 'ix e'n 'och 'ix yistzil win Urías estziloc.

A Ch'an̈ Schab'l Libro Samuel 14:30

Xlajw cha, xyaln 'a eb' schecb' chi 'ixtic: —'Ixquec 'a 'aj 'ay 'ixm yawb'en cebada win Joab 'a stz'ey wico'; a yic tzex c'ochi, tzeya'n 'och sc'aq'uil, xchi Absalón chi 'a eb'. 'Ix 'at eb' schecb' cha, ax yic xc'och eb', 'ix ya'n 'och eb' sc'a'l 'ixm cebada cha.

A Ch'an̈ Schab'l Libro Samuel 18:15

Ax lajn̈wan̈ eb' soldado Joab, 'ix yoyn sb'a eb' 'a 'a, 'ix swach' miln cham eb' win Absalón cha.

A Ch'an̈ Schab'l Libro Samuel 18:5

'Ix yaln win rey chi 'ixtc 'a Joab, 'a Abisai yet' 'a win Itai: Yuj e chamc'ojlal 'ayin tzwaln 'ayex, to tzeya'ilj win quelm Absalón, xchi. Ax smasnil eb' soldado cha, c'uxn xyab' eb' tas xyal win rey chi 'a eb' syajlil eb' yuj win Absalón cha.

A Ch'an̈ Schab'l Libro Samuel 19:1

'Ix yab'n eb' 'anma', to tz'oc' win rey David, caw wal tacn̈ sc'ojl yuj schamlil Absalón, atn win yunnal, 'ix yab'n pax sb'a Joab. Yuj cha, a jun owl 'ix yac' ganar eb' 'a jun c'u cha, 'ix meltzj can 'och 'a cusc'ojlal.

A Ch'an̈ Schab'l Libro Samuel 19:11

A smasnil jun tzo'n̈ 'ix yal eb' chon̈b' cha, 'ix alx 'a win rey David, yuj cha, 'ix 'at ya'nc win alxc 'a eb' ya'mal 'och sti eb' 'anma 'a Dios, atn Sadoc yet' Abiatar, xyaln win 'a eb' 'ixtic: Alc 'a eb' yichm wincal chon̈b' Judá, tze c'anb'n 'a eb', tas yuj slajb' xo tzyutj sb'a eb' 'a jun tzo'n̈ xo eb' quit israelal yic tzin yi'n 'at eb' an rey in tic 'a in despacho.

Job 20:5

a eb' maysch'olnil, jab' wal tiempo tzyac' stzaljc'ojlal eb', jun wal rato tzalj eb'.

Salmos 37:35

'Ix wil wal eb' 'anma man̈x jantcoc smaysch'olnilal, caw yelc'ojlal xyij chan̈ sb'a eb'. Niwquil xyutj sb'a eb' 'icha wal junc niwquil te yax xi'il,

Salmos 45:5

A 'a jul-lab' caw jay sn̈i', tz'at tz'ab'njoc 'a yol sc'ojl eb' 'ajc'ojl yajch 'ayach. Yuj cha, 'oj telwc 'ejm eb' chon̈b' 'a ojltac mamin rey.

Mt 12:40

A Jonás cha, 'oxe c'u, 'oxe 'ac'wl 'e'nc 'a yol sc'ojl jun niwquil chay. 'Icha 'ajnc Jonás cha, 'ixta 'oj waj pax an 'Ochnc in 'Anmal tic. 'Oxe c'u, 'oxe 'ac'wl 'oj wec' 'a yol lu'um.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

Jueces 4:21

Palta a win Sísara cha, caw wal xc'unb' win sb'eyi, yuj cha, caw xcham win swayi. Xlajw cha, ax 'ix Jael cha, 'ix yi'n cot 'ix jun te 'istaca tzyamn 'ejm mantiado yet' jun martillo. Caw c'ojnc'ojnil xc'och 'ix 'a stz'ey winac. Xlajw cha, sma'n 'ejm 'ix te 'istaca chi 'a sjolm winac, 'a stojlal 'aj 'ay sacl yol sjolm winac, masnto xc'axw 'ejm te 'a yol lu'um. 'Ixta x'aj win Sísara chi xcham yuj 'ix.

Jueces 5:26

Xlajw cha, xyi'n cot 'ix jun te 'istaca yet' sc'ab' 'a surito, ax swach' c'ab' 'ix x'i'n cot jun martillo tzc'anlb'ax 'a yic tzma'x 'ejm 'istaca. Xlajw cha, sma'n 'ejm 'ix te 'istaca chi 'a yol sjolm win Sísara cha, xc'axw 'ec' te 'a yol sjolm winac.

Jueces 5:31

Mamin Jehová, 'ixta cab' wal tz'aj satl eb' 'aych 'ajc'ojlal chi 'ayach, ax eb' tzach chamc'ojlani, 'icha cab' stzictznil yoc c'u, 'ixta cab' yilx eb', xchi 'ix Débora chi yet' win Barac 'a sb'it. A yic xlajw ye'cn jun tzo'n̈ owl cha, chawinc ab'il x'ochcn junc'ojlal 'a chon̈b' Israel.