A Ch'an̈ Schab'l Libro Samuel 17:29 - Chuj San Sebastian Bible

²⁹ No yal chab', no queso yic wacax, no mantca' yet' pax no calnelu, atn jun tzo'n̈ tic xyij 'at eb' sc'ux David yet' eb' 'anma ajun yet' cha, yujto sna eb', to caw 'ay swejl eb' 'anma cha, tztacj sti eb', xc'unb' pax eb' sb'ey 'a lum cusltac lum cha.

Chuj San Mateo Bible

²⁹ yed'nacpax noc' yal chab' eb' vin̈, noc' queso, noc' crema yed' pax noc' calnel. Masanil juntzan̈ chi' ix yic'b'at eb' vin̈ yab'lej vin̈aj rey David yed' masanil eb' ajun yed' vin̈. Yujto spetoj vin̈ yed' masanil eb' anima chi' d'a tz'inan luum, yuj chi' ix sna eb' vin̈ icha tic: Tecan c'unb'inac yaj eb', tzam tacjilaj sti' eb', tzam ochpaxlaj svejel eb', xchi eb' vin̈.

A Ch'an̈ Schab'l Libro Samuel 17:29 ပူးပေါင်းရင်းမြစ်များ

A Ch'an̈ Schab'l Libro Samuel 16:14

Ax eb' 'anma ajun yet' win rey cha, caw xc'unb' eb' sb'ey yet' winac yic xc'och eb' 'a sti a Jordán, axta x'ilj eb' ta'.

A Ch'an̈ Schab'l Libro Samuel 16:2

'Ix yaln win rey chi 'ixtc 'a win Siba cha. —¿Tas yuj et' jun tzo'n̈ tic? xchi winac. —A e no b'uru tic, scuchmal eb' onnal yaj e no'; ax 'ixm pan tic yet' te lob'tzal te tic, a eb' a checb' ajun et' tic, a eb' 'oj c'uxnoc, ax te yal uva tic, yic eb' tzc'unb'i, eb' tztacj sti sb'ey 'a lum cusltac lum tic, a eb' tz'u'ni, xchi win Siba cha.

A Ch'an̈ Schab'l Libro Samuel 17:2

Ya' sb'a may yip yuj c'unb'lal, ax in c'och 'a 'a. Ax smasnil eb' 'anma ajun yet' cha, 'oj in xib'tc eb', ax s'at eb' 'eloc. Cojn win rey chi 'oj in mila'.

Salmos 107:5

Xlaj 'och swejl eb', yet' stacn̈til eb', wan xo scham eb'.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Pr 21:26

'Aychn̈ej cob' snib'n junc tas, ax mach wach' snab'en, 'elan̈ej tzyutj sb'a.

Is 21:14

'Eln̈ect e cha eb' caw 'ay stacn̈ti'al, altjec a a yuc' eb'. Ex cajn ex 'a chon̈b' Tema, 'eln̈ect 'a sat eb' tz'at 'eloc, altjec tas tzc'ux eb'.

Is 58:7

A eb' 'anma tzcham yuj wejel, 'a'c tas tzc'ux eb' eyet'oc, ax eb' may yatut, 'a'c sposada eb' 'a eyatut. Toto 'ay eb' meb'a man̈x 'a jac spichul, pichc eb' eyet'oc, man̈ eyactc eya'n sniwnal sc'ojl eb' eyit chon̈ab'.

Lc 8:3

Ajun pax 'ix Juana yistzil Chuza, atn win tz'iln smunljel win rey Herodes. An̈jtona', ajun pax 'ix Susana, yet' nan̈l xo eb' 'ix xcolwj yet' tas 'ay 'a eb'.

Ro 12:13

Yowlal tzon̈ colwjec 'a eb' quit creyenteal, yic 'ay tas 'ay sc'a'l tz'och yuj eb'. Wach' tzlaj cutquec pax qui b'a 'a eb' tzlaj 'ec' 'ayn̈ec.

A Ch'an̈ B'ab'el Libro Samuel 17:18

Tze'n 'at pax lajn̈ec no queso tic 'a win scapitan̈il eb' soldado cha. Tzelni toto wach' sc'ojl eco o'tac cha. Tzlajw cha, tze'n cot junc tas tzch'oxni, toto yel wach' sc'ojl eco, xchi.