A Ch'an̈ Schab'l Libro Samuel 17:17 - Chuj San Sebastian Bible

¹⁷ Ax win Jonatán yet' win Ahimaas, ata 'ayc' eb' 'a sti jun a spac'b'a 'a En-rogel, sec may mach tz'iln ewin 'a yol chon̈b' cha, ax jun 'ix ya'mal servil eb' x'at alnc 'a ewinac. Yajn̈j wal cha, 'ix 'at ewin 'at yal jun 'ab'x chi 'a win rey David.

Chuj San Mateo Bible

¹⁷ Axo pax vin̈aj Jonatán yed' vin̈aj Ahimaas ato b'aj sq'ueul sjaj a' Rogel d'a stitaquel chon̈ab', ata' ayec' eb' vin̈ yic vach' malaj mach tz'ilan yec' eb' vin̈ d'a yol chon̈ab' chi'. Axo jun ix checab', ix b'at alan d'a eb' vin̈ d'a elc'altac tas yaji. Ixn̈ej val yab' eb' vin̈, ix b'at eb' vin̈ yal d'a vin̈aj rey David chi'.

A Ch'an̈ Schab'l Libro Samuel 17:17 ပူးပေါင်းရင်းမြစ်များ

A Ch'an̈ Schab'l Libro Samuel 15:27

'Ix yaln pax win rey chi 'ixtc 'a win Sadoc cha, win ya'mal 'och sti eb' 'anma 'a Dios: —Ach schecb' Dios, meltzjan̈ 'a junc'ojlal yet' win Abiatar 'a yol chon̈b' yet' chawn̈ eb' eyunnal, win onnal Ahimaas yet' win Jonatán yunnal Abiatar.

A Ch'an̈ Schab'l Libro Samuel 15:35

A pax ta xcan win Sadoc, win ya'mal 'och sti eb' 'anma 'a Dios yet' win Abiatar. Smasnil tas 'oj ab' yalx 'a yatut win rey cha, yajn̈ej tzaln yab' win Sadoc yet' Abiatar.

A Ch'an̈ Schab'l Libro Samuel 15:36

A pax ta 'ayc' win Ahimaas yunnal Sadoc yet' win Jonatán yunnal Abiatar, smasnil tas tzab'i, a 'a win tzala, ax ewin tzwul alnoc wab'i', xchi David 'a win Husai.

A Ch'an̈ B'ab'el Libro Yic Yab'ixal Eb' Rey 1:42

Wanto wal spaxtin cha, 'ix c'och Jonatán, yunnal Abiatar ya'mal 'och sti eb' 'anma 'a Dios. 'Ix yaln Adonías 'ixtic: —'Ochn̈ta ach tic, caw wal niwn el'chi, wach' am tas tzwul ala', xchi 'a 'a.

A Ch'an̈ B'ab'el Libro Yic Yab'ixal Eb' Rey 1:9

A yic jun tiempoal cha, 'ix ya'ch Adonías jun niwquil wa'el, 'a yich q'uen q'uen tzcuch Zohelet, 'a sla'nil jun a pac'b'a 'a Roguel. 'Ix smiln win no calnelu, no mam wacax, yet' no quelmtac wacx to caw b'aq'uech. 'Ix yawtn cot win smasnil eb' yu'tac, atn eb' yunnal win rey, yet' smasnil eb' 'aj Judá tzmunlj yet' win rey cha.

Josué 15:7

Tzlajw cha, tzq'uex lum 'a ya'lical yic Acor, tzc'ochx 'a Debir, axta tzmeltzj 'a Gilgal, 'a yojltac lum witz 'a Adumín, 'a stojlal sur 'a sti' a b'eymal a'. Tz'e'x jun mon̈jon chi 'a 'aj tzpac' a a yic En-semes, masnto tzc'och 'a 'aj tzpac' a a yic En-rogel;

Josué 18:16

Tz'emx lu'um, masnto 'a yich lum witz 'ay 'a yojltac 'ec' span̈nil lum yic Ben-hinom, 'a snorteal lum pan̈n yic Refaim. Tzlajw cha, tz'ejm pax 'a span̈nil yic Hinom, 'a stojlal 'ec' sur yic Jebús, tz'emxi, masnto 'a 'aj tzpac' a a yic Rogel.