A Ch'an̈ Schab'l Libro Samuel 17:14 - Chuj San Sebastian Bible

¹⁴ Yuj cha, 'ix yaln Absalón 'ixtc yet' eb' yichm wincal chon̈b' Israel: A jun nab'en tzyac' Husai tic, yel xo wach' 'a yib'n̈ yic win Ahitofel, xchi eb'. (Yujto a Jehová, a 'ix 'a'n juwc jun snab'en win Ahitofel cha, sec tzjaw maysch'olnil chi 'a yib'n̈ win Absalón.)

Chuj San Mateo Bible

¹⁴ Ix scha sc'ol vin̈aj Absalón yed' masanil eb' ichamtac vinac tas ix yal vin̈aj Husai chi' d'a yichan̈ tas ix yal vin̈aj Ahitofel chi', vach'chom vach' ix sna' vin̈ chi'. Ix scha sc'ol jun tic eb' yujto a Jehová ix ac'an sna eb' yic max elc'och tas ix sna vin̈aj Ahitofel chi'. Icha chi' ix aji yic scot d'a yib'an̈ vin̈aj Absalón chi'.

A Ch'an̈ Schab'l Libro Samuel 17:14 ပူးပေါင်းရင်းမြစ်များ

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

A Ch'an̈ Schab'l Libro Samuel 15:31

'Ix yaln eb' 'anma chi 'a David, to a win Ahitofel 'ajc'ojl xo yajch win 'a 'a, yujto yitb'eym xo sb'a win yet' Absalón. Yuj cha, 'ix sc'ann David chi 'a Jehová, to tzyac' juwc tas nab'il yuj win Ahitofel cha.

A Ch'an̈ Schab'l Libro Samuel 15:34

Palta yel xo wach' tzach pax 'a Jerusalén, ax yic tzach c'ochi, tzaln 'a win Absalón chi 'ixtic: Mamin rey, an tic tzin can a checb'oc, 'icha 'ix wutj wa'n servil a mam, 'ixta cab' tzin 'ajx cani, xa chi 'a 'a; 'ixta 'oj otc in a colni, yic 'oj a junc tas nab'il yuj win Ahitofel cha.

A Ch'an̈ Schab'l Libro Samuel 16:23

A Absalón, a 'a win Ahitofel 'aj sc'anb'j snab'en, 'icha ya'jnac David yujto cojxn win Ahitofel chi tztac' ya'n junc nab'en 'icha to 'a Dios tzalni.

2 Cr 10:15

A yic xyab'n eb' 'anma', to a win rey Roboam cha, ma'ix schaj win yab' tas 'ix yal eb', yuj cha, xyaln eb' 'ixtic: ¡May calnec quic 'a eb' yin̈tl David, win yunnal Isaí! ¡Chuc yin̈tl eb', chuc pax quin̈tlec! ¡Pax coyc 'a catut junjn on̈ec! ¡Stan̈wc cab' sb'a win yin̈tl David tic! xchi eb'. A win Adoram 'ay yopiso yi'n b'ey eb' 'anma 'a munljel to 'ac'b'il pural sb'o'i. Ax rey Roboam 'ix schecn 'at win paxtinc yet' eb' israel cha. Palta 'ix 'elt somnjoc smasnil eb' sjulq'uenoc winac, masnto xchami. Ax win rey Roboam cha, yajn̈ej x'och 'a yol scaruaje, 'ix 'at 'eloc, axta xc'och 'a Jerusalén. Xlajw cha, ax junjn macn̈il eb' israel 'ay 'a stojlal norte, 'ix pax eb' 'a yatut. Cojxn 'a eb' 'anma cajn 'a yol jun tzo'n̈ chon̈b' 'a yol yic Judá, ata 'ix yac' Roboam reyal. 'Ixta xyutj eb' israel yi'n can 'el sb'a 'a yaln̈ schecnb'il eb' yin̈tl David. 'Ixtnta 'ix 'aji yujto a Jehová 'ix 'a'n b'o 'icha tas yaljnac win Ahías 'aj Silo 'a yib'n̈ Jeroboam yunnal Nabat.

2 Cr 10:8

Palta ma'ix chaj yab' snab'en eb' 'ichmtac winc cha, ax 'a eb' quelmtac winc 'ix sc'anb'j snab'en, eb' to junn̈j q'uib'nc chan̈ yet'oc, atn eb' 'aych 'a'j servil 'a 'a.

2 Cr 25:16

Palta a yic xyaln jun schecb' Dios jun tzo'n̈ cha, 'ix ta'w win rey, xyaln win 'a 'ixtic: —¿Tom xwal 'ayach, to ach tzac' in nab'enoc an rey in tic? 'Actj aln jun tzo'n̈ cha. ¿Mto tza nib'j tzach milx chamoc? xchi win 'a 'a. Ax jun schecb' Dios cha, man̈xtoc 'ix tew 'och 'a 'a, palta 'ix yaln can 'a win 'ixtic: —Wojc an tic, nab'ilx yuj Dios to 'oj ach yac' lajwoc, yujto xa b'o jun tic, ma'ix a yiclj tas 'ix wala, xchi 'a 'a.

2 Cr 25:20

Palta a Amasías cha, ma'ix chaj xon yab'i', yujto 'ixta x'el 'a sc'ojl Dios to 'oj ya'ch 'a yol sc'ab' Joás cha, yujto a 'a jun tzo'n̈ sdiosal eb' edomita ata tzyac' 'emmquilal.

Nehemías 4:15

Ax yic 'ix yab'n eb' 'ajc'ojl yajch 'ayn̈ chi 'on̈, chajtlto lista caj qui macn sjaw eb', 'ix nachj 'el yuj eb' to a Dios 'ix jun 'el smasnil tas 'ix smol alj eb' cha, 'ixtnta x'aj cochx 'a qui munljel junjn on̈.

Job 12:17

A tz'a'n sat snab'en eb' tzyal jelnal sb'a, ax eb' juez, tz'ochcn eb' man̈ nab'enal yu'uj.

Salmos 9:15

A eb' 'anma 'a jun tzo'n̈ chuc nacion̈al, 'ix laj telw can 'ejm eb' 'a yol jun tzo'n̈ jul mun xlaj sb'o'. Mun a 'a yoc eb' 'aj xlaj can sut'n sch'an̈ yal eb' xlaj sc'ultac 'a'j 'ejm cha.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Pr 19:21

Til wal tas tz'el snan 'anma', palta cojn tas tzchaj sc'ojl Jehová, a chi tzb'o'i.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Is 8:10

'Oj cob' e mol aloc tas 'oj eyutc e b'a, palta ma'oj scha sb'a eyalni; 'oj cob' eya'ch 'a yoclemal tas 'oj e b'o', palta ma'oj stac' eyu'uj, yujto 'ayc' Dios quet' on̈.

Lm 3:37

Toc 'ay mach tz'el'ch junc tas tzna'a, toto man̈oc Jehová tzalni.

Am 9:3

Toto 'oj cob' 'at sc'ub'c 'el sb'a eb' 'a sjolm lum witz Carmelo, palta 'oj 'at in yam cot eb' ta'. Toto 'oj cob' 'at sc'ub'c 'el sb'a eb' 'a yich a mar, 'oj in checb't junc no niwc noc' 'ay 'a yojl a mar cha, ax no 'oj 'at chinc eb' ta'.

Lc 16:8

Ax win patron̈ chi 'ix alni to caw jeln win mayltoma chi 'a maysch'olnil. Yujto a eb' yic yolyib'n̈q'uinl tic, yel xo wal jeln tzlaj yutc sb'a eb' 'a yib'n̈ eb' 'ayx sacq'uinlal Dios 'a 'a.

1 Co 3:19

Yujto a jun jelnal yic yolyib'n̈q'uinl tic, caw may jac yel'ch 'a sat Dios. Yujto 'ixta yaj stz'ib'x can 'a Ch'an̈ U'un̈, 'a 'aj tzyal 'ixtic: A tztenn 'och wan eb' maysch'olnil snab'en cha, sec matz 'el'ch tas tznib'j eb', xchi.

Dt 2:30

Palta ax win rey Sihón cha, ma'ix yal sc'ojl win on̈ 'e'tec 'a sat slum cha, yujto a Jehová qui Diosalec, a x'a'n sna winac, to matz on̈ schajec 'e'ta, sec wach' tzcan win 'a yol qui c'ab'ec, 'icha ton wal wan yuj tic.

Josué 11:20

A Jehová x'a'n pitb'oc 'el snab'en eb' 'ajc'ojl cha, sec tzte'wtzej sb'a eb' ya'n owl yet' eb' israel, yic tzsatl eb' smasnil yuj eb' israel cha. May junc eb' 'aj x'o'ch sc'ojl eb', 'icha wal yaj yaln can Jehová 'a Moisés.