A Ch'an̈ Schab'l Libro Samuel 15:24 - Chuj San Sebastian Bible

²⁴ An̈jtona', tza'n 'och win Sadoc yet' Abiatar yuj eb', yet' eb' yin̈tl Leví 'ayc' yet'oc, eb' 'et'jnac te scaxail strato Dios. 'Ix ya'n 'ejm eb' scaxail trato chi 'a sat lu'um masnto xlajw 'elt eb' 'anma 'a yol chon̈b' cha, x'och tza'n eb' yuj David.

Chuj San Mateo Bible

²⁴ Ajun pax vin̈aj Sadoc yed' vin̈aj Abiatar yed' eb' levita. Yed'nac te' scaxail strato Dios eb'. Ix yac'an em te' caxa chi' eb' masanto ix yal slajvib'at eb' anima ix b'at yed' vin̈ rey chi' d'a yol chon̈ab' chi'.

A Ch'an̈ Schab'l Libro Samuel 15:24 ပူးပေါင်းရင်းမြစ်များ

A Ch'an̈ Schab'l Libro Samuel 15:27

'Ix yaln pax win rey chi 'ixtc 'a win Sadoc cha, win ya'mal 'och sti eb' 'anma 'a Dios: —Ach schecb' Dios, meltzjan̈ 'a junc'ojlal yet' win Abiatar 'a yol chon̈b' yet' chawn̈ eb' eyunnal, win onnal Ahimaas yet' win Jonatán yunnal Abiatar.

A Ch'an̈ Schab'l Libro Samuel 15:35

A pax ta xcan win Sadoc, win ya'mal 'och sti eb' 'anma 'a Dios yet' win Abiatar. Smasnil tas 'oj ab' yalx 'a yatut win rey cha, yajn̈ej tzaln yab' win Sadoc yet' Abiatar.

A Ch'an̈ Schab'l Libro Samuel 20:25

A Seva, 'ajtz'ib' yajch 'a win rey cha, ax Sadoc yet' pax Abiatar, ya'mal 'och sti eb' 'anma yaj eb'.

A Ch'an̈ Schab'l Libro Samuel 6:13

A yic jab'nant scot eb' 'et'jnac te cha, 'ix ya'n David jun no quelm wacax yet' jun no mam calnelu caw b'a'ch xajmb'alil.

A Ch'an̈ Schab'l Libro Samuel 8:17

Sadoc win yunnal Ahitob, yet' Ahimelec win yunnal Abiatar, sat ya'mal 'och sti eb' 'anma 'a Dios yaj eb'; Seraía, 'ajtz'ib' yajch 'a win rey cha.

A Ch'an̈ B'ab'el Libro Yic Yab'ixal Eb' Rey 1:8

Palta ax Sadoc ya'mal 'och sti eb' 'anma 'a Dios, yet' Benaía yunnal Joiada, yet' Natán win schecb' Dios, yet' Simei, yet' Rei, yet' pax smasnil eb' soldado 'aych stan̈malc David, max ya'ch sb'a eb' yet' Adonías cha.

A Ch'an̈ B'ab'el Libro Yic Yab'ixal Eb' Rey 2:26

'Ix yaln pax win rey chi 'ixtc 'a Abiatar: A ticnec tzwal 'ayach, 'ixc 'a a lum 'a Anatot; yujto caw wal smoj a chami, palta matz ach in mil cham ticnec, yujto ach 'ajcuenta ach eln scaxail strato Jehová Dios 'a yojltac David, atn in mam, locn ach 'ix 'ab' syal yet' in mam cha, xchi.

A Ch'an̈ B'ab'el Libro Yic Yab'ixal Eb' Rey 2:35

Ax win rey chi 'ix 'a'n 'och Benaía yunnal Joiada, syajlilc eb' soldado sjelc Joab, yet' Sadoc 'ix 'ochcn ya'malc 'och sti eb' 'anma 'a Dios sjelc Abiatar.

1 Cr 15:2

Xlajw cha, 'ix yaln David chi 'ixtic: A eb' man̈ levitaoc, matz tac' yi'n cot eb' te scaxa Dios, palta cojn eb' levita smoj yi'n cot te', yujto a eb' sic'b'il 'el yuj Jehová, yic tzyi'n cot eb' te caxa cha, cojn eb' tztac' ya'n servil Jehová 'a smasnil tiempo, xchi.

Ez 48:11

A junc'aj lum cha, yic eb' ya'mal 'och sti eb' 'anma yaj lu'um, atn eb' yin̈tl can win Sadoc, yujto an̈ja in ya'n servil eb', ma'in yactj can eb' yic xyi'n 'el sb'a eb' yit israelal eb' chi 'a in tz'ey. Al pax jun tzo'n̈ xo eb' levita jun, 'ix 'och tza'n eb' yuj sb'eyb'al eb' israel cha.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

Nm 7:9

Ax pax 'a eb' yin̈tl Coat, ma'ix 'ajx scareta eb' yet' no wacax, yujto a eb' tz'i'n 'at smasnil syamc'ab'il scajnub' Dios 'a squelab'.

Josué 3:3

'Ix laj yalnc eb' 'ixtc 'a eb' 'anma cha: A yic tzeyiln yi'n 'ec' eb' levita ya'mal 'och qui ti 'a Dios, te scaxail strato Jehová 'a yojl a Jordán tic, ax xo, tzex 'och tza'n e masnil yuj te'.

Josué 3:6

Xyaln 'ixtc 'a eb' ya'mal 'och sti eb' 'anma cha: 'Ijec te scaxail trato, tzex b'ab'lj yuj eb' 'anma tic yic tzex 'ec' 'a yojl a tic, xchi 'a eb'. Yuj cha 'ix sb'achn eb' te scaxail trato cha, 'ix b'ab'lj eb' yuj eb'.

Josué 6:4

Tzb'ab'lj ucwn̈ eb' ya'mal 'och sti eb' 'anma yuj te scaxail trato, junjn eb', tzyij eb' scacha b'ob'il 'a no sch'ac calnelu; ax 'a yucl c'u cha, uc 'ejm tzex oyy 'ec' 'a spatquil 'elt jun chon̈b' tic, ax eb' ya'mal 'och sti eb' 'anma cha, 'oj yutz'c eb' scacha cha.

Josué 6:6

Ax Josué, 'ix yawtj cot eb' ya'mal 'och sti eb' 'anma cha, xyaln 'a eb' 'ixtic; 'Ijec te scaxail strato Jehová, tzex b'ab'lj ucwn̈oc ex yet' e cacha 'a yojltac te caxa tic, xchi.

A Ch'an̈ B'ab'el Libro Samuel 22:20

Palta 'ay jun yunnal Ahimelec tzcuch Abiatar, 'ix yac' ganar s'at 'elc 'aj tz'och chaml cha, axta xc'och 'elc 'a 'aj 'ayc' David.

A Ch'an̈ B'ab'el Libro Samuel 4:11

'Ix yi'n can 'ec' eb' filisteo chi te scaxail strato Dios, ax chawn̈ eb' yunnal Elí, 'ix chamcn eb' yuj owl cha, atn win Ofni yet' win Finees.