A Ch'an̈ Schab'l Libro Samuel 14:20 - Chuj San Sebastian Bible

²⁰ 'Ix sna chan̈ win a checb' Joab sb'on jun tic, sec toq'ue tza jel a nab'en 'a yib'n̈ tas alb'ilx o'oj. Palta ach xo mamin rey, caw wal jeln a nab'en 'icha junc yángel Dios, yuj cha, ojc smasnil tas tzb'o 'a sat lum lum tic, xchi 'ix.

Chuj San Mateo Bible

²⁰ Ix sna juntzan̈ tic vin̈ yic tope sq'uexvi a pensar d'a vin̈ uninal aj Absalón. Palta a ach tic mamin rey, te aj pensar ach, lajan ach icha val junoc yángel Dios, ojtac masanil tastac tzuji d'a yol a macb'en tic, xchi ix.

A Ch'an̈ Schab'l Libro Samuel 14:20 ပူးပေါင်းရင်းမြစ်များ

Gn 3:5

Yujto yojc Dios, to a yic 'oj e lon sat te', 'oj jacwc e nab'en, tz'acn 'oj 'aj e jelnal 'icha Dios, 'oj nachjoc 'el tas wach' yet' tas tu eyu'uj, xchi no 'a 'ix.

A Ch'an̈ Schab'l Libro Samuel 14:17

An a checb' in tic mamin rey, 'oj in tan̈woc tas spac 'oj ac' 'ayin sec 'oj wic' sniwnal in c'ojol, yujto ach tic mamin rey, ojc wal tzotj a b'eyc'ojlwi 'a tas wach' yet' 'a tas tu', lajn ach wal 'icha junc yángel Dios. A cab' Jehová qui Diosalec, a tz'och et'oc, xchi 'ix 'a win rey David.

A Ch'an̈ Schab'l Libro Samuel 18:13

An̈jtona', q'uinloc an tzin mil winac, toc ma'oj yojcoc 'el win rey cha, ax tz'aji, a 'a wib'n̈ tzcani, tom 'oj stac' in a colni, xchi winac.

A Ch'an̈ Schab'l Libro Samuel 19:27

'Ix spitzn chan̈ win 'es 'a wib'an̈, 'ix yaln 'aych wuj mamin rey. Palta a a jelnal lajn 'icha junc yángel Dios, b'o cab' tas 'icha tza nib'j 'a wib'an̈.

A Ch'an̈ Schab'l Libro Samuel 19:28

Wach'xam smasnil eb' yin̈tl in mam 'icham, smoj wal xin milx cham yet' eb' 'a ojltac, palta ach tic, in awtj wac 'et 'a a mexa, yuj cha, ¿tas to wach' tztac' in c'ann 'ayach? xchi Mefi-boset cha.

A Ch'an̈ Schab'l Libro Samuel 5:23

Xlajw cha, sc'anb'n pax David 'a Jehová, yuj cha, xta'w 'a 'a, xyaln 'ixtic: —Man̈oc 'a sat eb' tzach 'at ac' owal, palta tzoycn eb' b'ab'el, ax 'a spatquil eb' tzach coti. Ata tzach c'och 'a 'aj 'ay eb' te te bálsamo sb'i.

Pr 26:28

Tzeya'ilj e b'a 'a junc mach tzex cob' alnc wach'il, ticni yes, yajb'ilx 'el yu'uj, tznib'j tas tzex yutej.

Pr 29:5

A mach ton̈j tz'ac yal wach' paxti 'a junc yit 'anma'il, wan ya'n 'ejm ch'an̈ yal 'a yojltac jun cha.

A Ch'an̈ B'ab'el Libro Samuel 29:9

—Wojtac to caw wal wach'ch 'ayin, lajn ach wal 'icha junc ángel yic Dios, palta ax eb' wit yajlil tic, tox 'ix yal eb' to matz tac' och 'a qui cal 'a owal.