A Ch'an̈ Schab'l Libro Samuel 14:11 - Chuj San Sebastian Bible

¹¹ Palta 'ix 'och wal tecn 'ix 'a win rey cha, 'ix yaln 'ix 'ixtic: —Tzin tew 'och 'aych mamin rey, comnoc tza c'an 'a Jehová qui Diosalec, sec a jun wican tznib'j milwjc sb'a cha, comnoc matz niwtj scham 'anma yu'uj, yic tznib'n smil junx wune cha, xchi 'ix. 'Ix ta'w win rey chi 'ixtic: —Q'ueln 'och wal Jehová tzwalni, may wal jac tas 'oj 'i'nc win one cha, xchi winac.

Chuj San Mateo Bible

¹¹ Palta ix ochn̈ej tean ix d'a vin̈ rey chi': —Tzin tevi d'ayach mamin rey, to tzac' a ti' d'a yichan̈ Jehová co Diosal to a jun in c'ab' voc snib'ej yac'anec' spac schamel vin̈ vune' chi', mocab' smilcham junxo vune' chi', yic max te javi cuselal d'a vib'an̈, xchi ix. Ix tac'vi vin̈ rey chi': —Svac' in ti' d'a yichan̈ Jehová to malaj jab'oc tas ol ic'an vin̈ une' chi', xchi vin̈.

A Ch'an̈ Schab'l Libro Samuel 14:11 ပူးပေါင်းရင်းမြစ်များ

Gn 14:22

Yuj cha, xta'w Abram, 'ix yaln 'ixtc 'a 'a: —Tox 'ix wac' in ti 'a Jehová Dios Cojxn Niwn Yel'chi, a xb'on satcha'an̈ yet' lum lum tic,

Gn 31:50

Toto tu 'oj otc 'a eb' 'ix wisl tic, mto 'oj a say jun tzo'n̈ocx eb' 'ix 'ix estziloc, wach'xam may mach tzyac' sb'a testigoal, palta a Dios qui testigo tz'ajcni, xchi winac.

A Ch'an̈ Schab'l Libro Samuel 14:10

Ax win rey cha, xyaln win 'ixtic: —A mach tu tzaln 'ayach, 'ij cot 'ayin, sec man̈xtoc 'oj ach stzuntzoc, xchi winac.

A Ch'an̈ Schab'l Libro Samuel 14:12

—Mamin rey, tzin tew 'och wal 'ayach, comnoc tza chaj wal ab' junc xo paxti'al, xchi 'ix. —Al cab'noc, xchi winac.

A Ch'an̈ Schab'l Libro Samuel 14:21

Yuj cha, 'ix yaln win rey chi 'ixtc 'a Joab: —A ticnec, 'ix in na'a to tzwac' 'el'choc 'icha tas xa na'a. 'Ixic 'at 'ij meltzjoc ni quelm Absalón cha, xchi.

A Ch'an̈ B'ab'el Libro Yic Yab'ixal Eb' Rey 1:52

'Ix yaln cot Salomón 'ixtic: —Toto wach'n̈j tzyutj sb'a, man̈ pitc tzyutj sb'a, toto 'ixta', may tas 'oj 'i'noc, palta toto 'ay maysch'olnil 'oj saya', yowlal tzchami, xchi.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Nm 35:19

A junc 'ayt yuj sb'a yet' junc 'anma tzcham cha, a tztac' ya'n spac jun tzcham cha, yaln̈ej 'aj tzchaj sb'a yet' jun milm cham 'anma cha.

Nm 35:21

mto 'ajc'ojl yajch junjn eb' 'a 'a, yuj cha, tzma'n yet' sc'ab', ax tz'aji tzcham junc 'anma chi yu'uj, a jun tzma'wj cha, milj cham 'anma tzb'o'o, yowlal tzcham pax jun xo. Ax junc 'ayt yuj sb'a yet' jun tzcham cha, a tztac' smiln chamoc.

Nm 35:27

ax tz'aji, tzchan sb'a yet' junc yican jun chamnc cha, toto tzmilx can cham yu'uj, a jun cha, matz 'och smulc jun tzmilwj cha.

Mt 10:30

Palta ax xo tic, yel xo wal niwn eyel'ch 'a yib'n̈ e no'. An̈jtona xil e jolom, c'uxn b'isb'il yuj Dios. Yuj cha, caw man̈ ex xiwoc.

A Tas Sc'ulejnac Eb' Schecab' Jesús Hechos 27:34

Yuj cha, tzin tew 'ayex, wan̈ec jab'oc, sec 'oj 'och eyip. Yujto may junc mach 'oj cham 'ayn̈ec, may xon pax junc mach 'oj lajwc jab'oc, xchi Pablo 'a eb'.

A Ch'an̈ B'ab'el Libro Samuel 14:45

Palta 'ix yaln eb' chon̈b' 'ixtc 'a Saúl: ¡Tom tztac' scham Jonatán, yujto yuj winac on̈ colchji! ¡Man̈ smojc 'ixta'! Yojc wal Jehová to may 'oj 'i'noc Jonatán tic, yujto a Dios 'ix yamc'ab'n winac, xchi eb'. 'Ixta 'ix yutj eb' chon̈b' scoln can 'el Jonatán. Yuj cha, ma'ix chami.

A Ch'an̈ B'ab'el Libro Samuel 20:42

Xlajw cha, xyaln Jonatán 'a David chi 'ixtic: —'Ixc 'a junc'ojlal, yujto a qui ti xcac' 'ayn̈ qui chawn̈il, 'a yojltac Jehová 'ix cala. 'Ix qui c'an 'a 'a, chajtlto 'ayc'n̈ej cab' 'a qui cal qui chawn̈il, yet' 'a scal eb' en̈til yet' eb' win̈tl 'a jun 'ejmn̈ej, xchi Jonatán. Xlajw cha, 'ix 'atcn David, ax Jonatán 'ix meltzj can pax 'a yol chon̈ab'.

A Ch'an̈ B'ab'el Libro Samuel 28:10

—Tzwac' in ti 'a yojltac Jehová, to may 'oj aj yuj jun tic, xchi Saúl 'a 'ix.