A Ch'an̈ Schab'l Libro Samuel 13:28 - Chuj San Sebastian Bible

²⁸ A yic mantzac wa eb' cha, 'ix yaln Absalón 'ixtc 'a eb' schecab': Tzeyiln sq'ue 'an̈ 'a sjolm Amnón, ax waln 'ayex to tze mil chamoc, cojn cha, tze miln cham muc'uc. Man̈ ex xiw e milni, yujto an tzwala. Caw te'n tzeyutj e b'a, man̈ ex xiwoc, xchi Absalón cha.

Chuj San Mateo Bible

²⁸ Ayic mantzac ochlaj vael chi', ix yalan vin̈aj Absalón chi' d'a eb' vin̈ schecab': Scham val eyilani ayic toxo ix q'ue an̈ d'a sjolom vin̈aj Amnón chi', ol valan d'ayex to tze milcham vin̈. Man̈ ex xivoc, yujto a in svala', yuj chi' tze tec'b'ej e b'a e milancham vin̈, xchi vin̈.

A Ch'an̈ Schab'l Libro Samuel 13:28 ပူးပေါင်းရင်းမြစ်များ

Gn 9:21

'Ay jun c'ual, 'ix yu'n win yalil te uva cha, xq'ue te 'a sjolm winac, 'ix sat sc'ojl win yu'uj. Xyi'n 'el win spichul, 'ix 'e'cn t'ocn win 'a yol smantiado.

A Ch'an̈ Schab'l Libro Samuel 11:13

Ax David cha, 'ix yawtj 'at win Urías chi wac yet' 'a yatut. 'Ix ya'n win David 'u'wc 'an̈ win si'mb'il. Ax 'a sq'uic'b'alil cha, 'ix 'elt win Urías 'a 'aj 'ay cha, ax yet' eb' soldado tan̈wjnac yatut win rey, ata 'ix wayx win yet' ewinac, ma'ix 'at 'a yatut.

A Ch'an̈ Schab'l Libro Samuel 11:15

Tzyaln David 'a scarta 'ixtic: 'A'c 'och win Urías 'a 'aj caw ow ya'n owl cha. Tzeyi'n 'el e b'a 'a stz'ey, sec tzchami, xchi ch'an̈ carta cha.

A Ch'an̈ Schab'l Libro Samuel 12:10

Yuj cha, may wal b'a'n̈ 'oj 'och wan stzu'x cham eb' en̈til, yujto in a patquilj can 'eli, yic 'ix e'n 'och 'ix yistzil win Urías estziloc.

A Ch'an̈ Schab'l Libro Samuel 13:27

Palta 'ix tew 'och wal Absalón chi yuj winac, yuj cha, 'ix 'ajx 'at win Amnón chi yet' smasnil eb' yunnal win rey chi yet' Absalón cha. Xya'n 'och win jun sq'uin̈, caw lajn 'icha yic eb' rey.

A Ch'an̈ Schab'l Libro Samuel 14:6

An a checb' in tic, 'ay chawn̈ wune', ax x'aji, 'ix 'at ewin munljoc. Ax 'a scal smunljel ewin chi 'ix yac' owal. Toc 'ay mach xpojn snan̈l eb', 'ix smil jun win chi win yu'tac cha.

A Ch'an̈ B'ab'el Libro Yic Yab'ixal Eb' Rey 20:16

Caw chimc'ual yic x'elt eb' 'a yol chon̈b' cha, ya' sb'a ax win Ben-adad 'u'm 'an̈ win yet' eb' 32 rey 'ayl colwjoc yet'oc. 'Ayc' eb' 'a yol smantiado sb'o cha.

Ester 1:10

A wal 'a yic stz'acw yucl c'u q'uin̈, caw wal tzalj sc'ojl win rey chi yuj yal uva jawnac sti', yuj cha, schecn 'at win ucwn̈ eb' winc 'aych ya'malc servil to 'aych yipc sc'ojol, atn Mehumán, Bizta, Harbona, Bigta, Abagta, Zetar yet' Carcas

Salmos 104:15

atn yal uva tz'a'n tzaljoc qui c'ojl on̈, ax aceite tz'a'n pacb'oc qui sat yet' 'ixm 'ixm tzqui waj on̈.

Ex 1:18

A yic 'ix yab'n win rey jun cha, 'ix ya'n win 'awtxoc cot eb' 'ix wetz'wjum cha, 'ix yaln win 'ixtc 'a eb' 'ix: —¿Tas yuj ton̈j tzeyila tz'alj jun tzo'n̈ winc 'unn cha? xchi winac. 'Ix yaln eb' 'ix 'a win 'ixtic:

Ec 10:19

A tas wach' sc'uxxi, wach' toni, ax 'u'l 'an̈, tzaljc'ojlal ton paxi, palta yuj jun tzo'n̈ tic, tznib'x to 'ay tumin.

Ec 9:7

Ex wit 'anma'il, ca'c tzaljoc qui c'ojl qui wa'i, tzcu'nec tas tzcuq'uej, yujto a jun tic caw wach' 'a sat Dios.

Dn 5:30

Ax 'a yic jun 'ac'wl cha, 'ix milx cham win Belsasar sreyl eb' caldeo cha.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

A Tas Sc'ulejnac Eb' Schecab' Jesús Hechos 5:29

Palta 'ix ta'w Pedro chi 'ixtc yet' jun tzo'n̈ xo eb' schecb' Jesús: —Yowlal a tas tzyal Dios, a tzqui yiclj on̈. Ax jun tzo'n̈ schecnb'il 'anma', toto matz chaj sb'a yet' yic Dios, matz qui yiclj on̈.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Jueces 19:22

Wanto wal stzalj eb' cha, 'ix jaw jun tzo'n̈ ewin 'aj chon̈b' cha, caw maysch'olnil snab'en ewinac. 'Ix 'och oyn eb' 'a spatquil te n̈a cha, syamn 'och eb' sma'n poj spuertail te'. 'Ix yaln eb' 'ixtc 'a win 'ichm winc 'ay yic te n̈a cha: —'Ac' 'elt win 'ayc' ula'il chi 'ayach. Tzqui nib'j tzquixtej, xchi ewinac.

Jueces 19:6

'Ix 'em wocn eb' schawn̈il, 'ix wa eb', xyu'n eb' tas xyuq'uej, ax win smam 'ix 'ix cha, 'ix tew 'och win 'a eb' to tzcan eb' junc xo 'ac'wl 'a tzaljc'ojlal.

Jueces 19:9

Ax yic xcot jun levita chi yet' 'ix schab'l 'istzil cha, yet' jun win schecab', 'ix yaln pax win sn̈i win chi 'a 'a, chajtlto, tox x'ec' c'u, yuj cha, 'ix tew pax 'och 'a winac, yic tzcan junc xo 'ac'wl 'a tzaljc'ojlal. At 'a junc xo c'u tzseb' q'ue wan eb', tzpaxt eb' 'a yatut.

Rt 3:7

Ax win Booz, 'ix wa'i, xyu'n tas xyuq'uej, caw wal tzalj win si'mb'il. Xlajw cha, 'ix 'ec' c'otn win sway 'a stz'ey 'aj b'uln 'ec' 'ixm cebada cha. Ax 'a yic sq'ue'ac'wlil xo, caw c'un xc'och 'ix Rut 'a stz'ey winac. 'Ix yi'n chan̈ 'ix sc'u winac, xlajw cha, 'ix 'ec' c'otn 'ix sway 'a yoctc winac.

A Ch'an̈ B'ab'el Libro Samuel 18:22

Xlajw cha, xyaln Saúl chi 'a eb' schecb' 'ixtic: —Paxtinan̈c yet' David chi 'a c'ultaquil, tzeyaln 'a 'a, chajtlto an reyn tic, caw tzin chamc'ojlej, an̈jtona pax eb' in checab', caw tzalj eb' yet'oc, yuj cha yowlal a tz'och in n̈i'oc, xchi.

A Ch'an̈ B'ab'el Libro Samuel 28:10

—Tzwac' in ti 'a yojltac Jehová, to may 'oj aj yuj jun tic, xchi Saúl 'a 'ix.

A Ch'an̈ B'ab'el Libro Samuel 28:13

—¿Tas yuj tzin extj paxti'? Ach tic 'in ach Saúl ach, xchi jun 'ix chi 'a winac. —Man̈ ach xiwoc. ¿Tas jun 'ix 'el cha? xchi Saúl 'a 'ix. —Atn jun spixn chamnc 'anma xwil sq'uel 'a yol lu'um, xchi 'ix.