A Ch'an̈ Schab'l Libro Samuel 13:23 - Chuj San Sebastian Bible

²³ Schab'l xo ab'il cha, ax ewin smoso Absalón, ata tzjoxw calnelu ewin 'a Baal-hasor, 'a stz'ey schon̈b' eb' yic Efraín. 'Ix yawtn win Absalón smasnil eb' yunnal win rey chi wac yet'oc.

Chuj San Mateo Bible

²³ Schab'ilxo ab'il chi', a eb' vin̈ schecab' vin̈aj Absalón chi', sjoxvi calnel eb' vin̈ d'a Baal-hazor, d'a slac'anil schon̈ab' eb' aj Efraín. Ix yavtan masanil eb' vin̈ yuninal vin̈ rey chi' vin̈aj Absalón chi' d'a jun nivan vael.

A Ch'an̈ Schab'l Libro Samuel 13:23 ပူးပေါင်းရင်းမြစ်များ

Gn 31:19

Ya' sb'a a win Labán 'ayb't win 'a junx lugar sjox scalnelu, ax 'ix Raquel xyelc'n cot 'ix jun tzo'n̈ sdiosal smam 'a yol yatut.

A Ch'an̈ Schab'l Libro Samuel 13:24

'Ix 'at yalnc 'a win rey chi 'ixtic: —A ticnec, 'aych ewin in moso sjox e no in calnelu, yuj cha, tzin tew 'aych mamin rey to tzach 'at wac wet'oc, tze'n pax 'at eb' 'ay yopiso tic et'oc, xchi winac.

A Ch'an̈ B'ab'el Libro Yic Yab'ixal Eb' Rey 1:19

Til wal no mam wacx smil winac, no quelmtac wacax, yet' no calnelu. 'Ix yawtn win eb' onnal, yet' win Abiatar ya'mal 'och qui ti 'a Dios yet' win Joab syajlil eb' a soldado, palta ma'ix yawtj pax win ni onnal Salomón.

A Ch'an̈ B'ab'el Libro Yic Yab'ixal Eb' Rey 1:25

Yujto a ticnec, til wal no mam wacax, no quelmtac wacax, yet' no calnelu 'ix smil winac. 'Ix yawtn win eb' onnal mamin rey yet' eb' scapitan̈il eb' a soldado, yet' pax Abiatar ya'mal 'och qui ti 'a Dios. A ticnec wan swa eb', wan yu'n eb' tas tzyu'j yet' winac, caw wal tz'el yaw eb', tzyaln eb' 'ixtic: ¡Viva win rey Adonías! xchi eb'.

A Ch'an̈ B'ab'el Libro Yic Yab'ixal Eb' Rey 1:9

A yic jun tiempoal cha, 'ix ya'ch Adonías jun niwquil wa'el, 'a yich q'uen q'uen tzcuch Zohelet, 'a sla'nil jun a pac'b'a 'a Roguel. 'Ix smiln win no calnelu, no mam wacax, yet' no quelmtac wacx to caw b'aq'uech. 'Ix yawtn cot win smasnil eb' yu'tac, atn eb' yunnal win rey, yet' smasnil eb' 'aj Judá tzmunlj yet' win rey cha.

A Ch'an̈ Schab'il Libro Yic Yab'ixal Eb' Rey 3:4

A win Mesá sreyl Moab, cajm calnelu win yet' smasnil eb' 'anma cajn 'a jun chon̈b' cha. Yowlal tzyac' win stojlb'al 'a win sreyl chon̈b' Israel, 100 mil no quelm calnelu, yet' slanail 100 mil no mam calnelu tzyac' a' junjn ab'il.

2 Cr 26:10

Sb'on pax jun tzo'n̈ cuartel chi 'a lum cusltac lu'um. Caw niwn jun tzo'n̈ c'ob'a sjoyo, yujto caw niwn scajb'en noc' 'ay 'a lum pan̈n 'a'lic, yet' pax 'a yich eb' lum witz. An̈jtona', caw 'ay eb' smunljum tzmunlj 'a 'awj uva, yet' 'a jun tzo'n̈ xo 'awb'ente 'ay 'a lum jolm witz. Caw wal pitz'n 'och 'a sc'ojl smunlji.

A Ch'an̈ B'ab'el Libro Samuel 25:2

A 'a yol yic Maón, ata 'ay jun winc tzcuch Nabal, yin̈tl can Caleb; caw wal rico si'mb'il, 'oxe mil scalnelu, jun mil schiwo. 'Ay slum 'a sla'nil chon̈b' yic Carmel, ata tzjoxl scalnelu. Caw yel xo tu snab'en. Abigail sb'i yistzil, caw wach' yilx 'ix, caw 'ay snab'en 'ix.

A Ch'an̈ B'ab'el Libro Samuel 25:36

A yic 'ix meltzj 'ix Abigail 'a 'aj 'ayc' win Nabal, xyiln 'ix to 'aych jun niwquil q'uin̈ yet' jun niwn wal 'a yatut, 'icha yic eb' rey. Caw wal tzalj Nabal, 'u'm 'an̈ pax winac. Yuj cha, may xon tas xyal 'ix 'a 'a, at 'a junx c'u xyal 'ix.

A Ch'an̈ B'ab'el Libro Samuel 25:4

A yic 'ayc' David 'a lum cusltac lu'um, 'ix yab'n speclal to a Nabal cha, 'ayc' joxj calnelu 'a Carmel.

A Ch'an̈ B'ab'el Libro Samuel 25:7

'Ix cab' speclal to 'aych 'ec' joxj calnelu 'a tic, 'in ojc paxi, to a eb' a 'ilm calnelu, 'ayn̈j 'ec' eb' quet' 'a Carmel tic on̈, caw may tzcutj eb' on̈, may pax tas tzquij 'ec' 'a eb' on̈.