A Ch'an̈ Schab'l Libro Samuel 12:26 - Chuj San Sebastian Bible

²⁶ Ya' sb'a cha, ax Joab 'ix yac' owl yet' eb' amonita cajn 'a chon̈b' Rabá. A yic wan xo yoch 'a yol chon̈b' cha,

Chuj San Mateo Bible

²⁶ Yacb'an chi', a vin̈aj Joab ix ac'an oval yed' eb' amonita d'a Rabá. Ayic vanxo yac'an ganar vin̈ yoch d'a yol jun chon̈ab' chi',

A Ch'an̈ Schab'l Libro Samuel 12:26 ပူးပေါင်းရင်းမြစ်များ

A Ch'an̈ Schab'l Libro Samuel 11:1

Ax 'a junx ab'il cha, yic stiempoal s'at eb' rey 'a owal, 'ix schecn 'at David win Joab syajlil eb' soldado, yet' pax smasnil eb' soldado israel. 'Ix schecn win eb' yac' owl 'a Amón. 'Ix lajw can 'el eb' amonita chi yuj eb', 'ix yoyn sb'a eb' 'a chon̈b' Rabá. Palta ax win rey David, 'ix can win 'a Jerusalén.

A Ch'an̈ Schab'l Libro Samuel 11:25

'Ix yaln David 'a win checb' chi 'ixtic: —Al 'a Joab to matz 'och st'uc yuj jun cha. 'Ixta xon ya'n owal, 'ay xon mach tzcham yuj owl cha. Ya' cab' 'ip ya'n owl 'a jun chon̈b' cha, masnto cab' tzlajw can eb' 'anma chi yu'uj. 'Ixta tzotj a'n ste'nal, xchi David cha.

A Ch'an̈ Schab'l Libro Samuel 12:25

Yuj cha, schecn pax cot Jehová win Natán wul yal 'a David, to chamc'ojlb'il jun 'unn chi yu'uj, yuj cha, to Jedidías tz'ajx sbic yuj David.

A Ch'an̈ Schab'l Libro Samuel 12:27

'ix wul ya'nc alxc 'a David 'ixtic: Wan woch 'a yol chon̈b' Rabá wac' owal. 'Ix wi'n 'ec' jun tzo'n̈ scuartel eb' soldado tztan̈wni a a tzc'an eb' 'anma'.

A Ch'an̈ Schab'l Libro Samuel 17:27

Ax yic xc'och David 'a chon̈b' Mahanaim, 'ix 'elt jaywn̈ eb' winc wul scha': win Sobi yunnal Nahas 'aj Rabá yic eb' yin̈tl Amón; win Maquir yunnal Amiel 'aj Lodebar, yet' pax win Barzilai 'aj Rogelim 'a yol yic Galaad.

Salmos 60:9

¿Mach wal 'oj qui'n 'at 'a jun chon̈b' oyn 'och smuroal? ¿Mach 'oj qui'n 'at 'a Edom?

Ez 25:5

A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.

Dt 3:11

(Cojxn win Og chi yin̈tl eb' 'anma niwc stel 'aycn 'a jun lugar cha. A scaxail b'ob'il, q'uenn̈ej smasnil, chan̈e metro yoc, jab'xoj man̈toc chab' metro sat, checl to yaj jun chi 'a chon̈b' Rabá 'a yol slugar eb' amonita.)