A Ch'an̈ Schab'l Libro Samuel 12:20 - Chuj San Sebastian Bible

²⁰ Xyab'n David to x'och chamel, yuj cha, 'ix q'ue wan 'a sat lu'um. 'Ix 'achni, xya'n 'och perjuma 'a 'a. Sjeln spichul, 'ix 'at ya'nc 'emmquilal 'a yol yatut Jehová. Xlajw cha, 'ix japx 'a yatut, sc'ann tas tzc'uxu, 'ix wa'i.

Chuj San Mateo Bible

²⁰ Ayic ix yab'an vin̈ icha chi', ix q'ue vaan vin̈ d'a sat luum chi', ix sb'icanel sb'a vin̈, ix yac'anq'ue yan̈al xil sjolom vin̈, ix sq'uexanel spichul vin̈, ix och vin̈ ejmelal d'a yol scajnub' Jehová. Ix lajvi chi', ix b'at sc'anan va sb'a vin̈ d'a yol spat.

A Ch'an̈ Schab'l Libro Samuel 12:20 ပူးပေါင်းရင်းမြစ်များ

A Ch'an̈ Schab'l Libro Samuel 12:19

Ax xyiln David, to tzlaj sajsni eb' schecb' cha; 'ix nachj 'el yu'uj, to chamnc xo win 'unn cha, 'ix sc'anb'n 'a eb' 'ixtic: —¿Tom xcham win 'unn cha? xchi. —'Ix cham winac, xchi eb'.

A Ch'an̈ Schab'l Libro Samuel 12:21

Ax eb' schecb' cha, xyaln eb' 'a 'ixtic: —¿Tas wal yuj 'ixta tzotj a b'a? A yic pitznto win 'unn tic, 'ix a'ch a b'a 'a c'ajb'c'ojlal, ach 'oc' yuj winac; ax yic xcham winac, ach q'ue wan 'a et'ul, xlajw cha, ach wa'i, xchi eb' 'a 'a.

A Ch'an̈ Schab'l Libro Samuel 14:2

Yuj cha, 'ix 'at ya'nc win Joab cot jun 'ix 'ix caw jeln snab'en 'a chon̈b' Tecoa. 'Ix yaln win 'ixtc 'a 'ix: —Tza tz'ac cus a b'a, tza'n 'och a pichl yic cusc'ojlal; man̈ a'ch pax perjuma 'ayach, 'icha wal junc 'ix to 'ayx tiempo yoch 'a cusc'ojlal yuj junc mach chamnc 'a 'a, 'ixta tzotj a b'a.

A Ch'an̈ Schab'l Libro Samuel 19:24

An̈jtona pax win Mefi-boset, win yixchicn Saúl, 'ix cot wul scha win rey. Yictax 'ix 'at win rey 'eloc, masnto yic xmeltzj 'a junc'ojlal, may jun 'ejmoc sb'ic Mefi-boset yoc, may jun 'ejmoc sjoxl xil sti', may pax jun 'ejmoc sju'l spichul.

A Ch'an̈ Schab'l Libro Samuel 6:17

Ax yic xjaw te scaxail strato Jehová chi yuj eb', 'ix sb'on 'och eb' 'a yet'l 'a yol jun Mantiado b'ob'il yuj David cha. Xlajw cha, xya'n David tz'a no xajmb'al, yet' no xajmb'al yic junc'ojlal 'a yojltac Jehová.

A Ch'an̈ Schab'l Libro Samuel 7:18

Yuj cha, 'ix 'och rey David, 'ix 'em wocn paxtinc 'a yojltac Jehová xyaln 'ixtic: Mamin Jehová Wajlil, ¿tas wal wilx tzela? An̈jtona', ¿tas pax yilx eb' in mam wicham, yuj cha, in a'n 'och 'a jun niwquil 'opiso tic?

Job 1:20

Yajn̈ej 'ix q'ue wan win Job, caw xcus win si'mb'il, stzilnjat win spichl yuj scusc'ojlal cha, sjoxn 'el win xil sjolom, 'ix 'em cumn win 'a sat lu'um yic tzyaln sb'a win 'a Dios.

Job 2:10

Yuj cha, xyaln win 'ixtic: —Ach 'ix, a wal tzwab'i, lajn a paxtin yet' eb' 'ix 'ix may xon jac snab'en. An̈ tic, tox xqui chaj smasnil syaxilal Dios. ¿Tom at wal yailal ma'oj qui cha'? xchi winac. Wach'xam 'aych syailal Job, palta may tas tu 'ix yal 'a spatc Dios.

Salmos 103:1

Wal 'a smasnil in c'ojol, 'oj wal in wach' paxti 'a Jehová.

Salmos 103:8

Caw wach' snab'en Jehová, c'un yo'ch sc'ojl 'ayn̈ec, man̈ comnoc tzcot yowal, yujto caw 'ay schamc'ojlal.

Salmos 39:9

'Icha to matz tac' in paxtini, 'ixta xwutj in b'a, may tas xwala, yujto ach xa'ch jun tzo'n̈ yailal tic 'ayin.

Salmos 95:6

Cotn̈ec, 'em coyc cuman yic tzon̈ 'ochc 'emmquilal 'a Jehová, 'em coyc cumn 'a 'a, yujto a b'ojnacn̈ec.

Pr 3:7

Man̈ a na', chajtlto caw yel xo jeln ach; 'ay cab' yel'ch Jehová 'a a sat, 'ij 'el a b'a 'a scal maysch'olnil.

Ec 9:8

Wach' cab' yilx qui pichlec tzca'c 'ochi, tzca'nec q'ue yan̈l qui jolom.

Mt 6:17

Palta ax xo tic, a yic tzex 'och 'a c'ajb'c'ojlal, tze b'icl e sat, tze quichn e jolom,

Lc 7:46

May jac yan̈l in jolm xac' q'ue'i. Ax jun 'ix tic, 'ix stob'ch 'ix jun yal su'q'ui sjab' 'a woc tic.

Rt 3:3

Yuj cha, 'oj a yiclj smasnil tastc 'oj wal 'aych tic: 'Achnan̈, tza'n 'och perjuma 'ayach, tza'n 'och a pichl caw wach', tzlajw cha, tzach 'at 'a 'aj 'ayc' win cha, palta man̈ a comn ch'oxc a b'a 'a yic mantzac lajw swa winac.

A Ch'an̈ B'ab'el Libro Samuel 15:25

A ticnec jun, tzin c'an 'ayach, to tzin ac' niwnc'ojlal yuj in mul x'och cha. Meltzjan̈ wet'oc, 'at cac' 'emmquilal 'a Jehová, xchi Saúl.

A Ch'an̈ B'ab'el Libro Samuel 15:31

Yuj cha, 'ix 'och tza'n Samuel yuj Saúl, 'ix 'at ya'nc eb' 'emmquilal 'a Jehová.