A Ch'an̈ Schab'l Libro Samuel 11:25 - Chuj San Sebastian Bible

²⁵ 'Ix yaln David 'a win checb' chi 'ixtic: —Al 'a Joab to matz 'och st'uc yuj jun cha. 'Ixta xon ya'n owal, 'ay xon mach tzcham yuj owl cha. Ya' cab' 'ip ya'n owl 'a jun chon̈b' cha, masnto cab' tzlajw can eb' 'anma chi yu'uj. 'Ixta tzotj a'n ste'nal, xchi David cha.

Chuj San Mateo Bible

²⁵ Ix yalan vin̈ rey d'a jun vin̈ checab' chi': —Al d'a vin̈aj Joab chi' to max cuslaj vin̈ yuj jun chi'. Toxonton icha chi' d'a oval tic, ay mach schami. Yac'ocab' yip vin̈ yac'an oval d'a jun chon̈ab' chi', masanto syal satel eb' anima chi' yuj vin̈, xa chi d'a vin̈. Icha chi' tz'aj iptzitan vin̈aj Joab chi', xchi vin̈aj rey David chi' d'a jun vin̈ checab' chi'.

A Ch'an̈ Schab'l Libro Samuel 11:25 ပူးပေါင်းရင်းမြစ်များ

A Ch'an̈ Schab'l Libro Samuel 11:24

Ax eb' soldado 'ay q'ue 'a yib'n̈ smuroal jun chon̈b' cha, sjuln cot eb' sjul-lab' 'a yib'n̈ eb' a soldado. Ax x'aji, 'ay jaywn̈ eb' xchami, locn win Urías hitita 'ix cham yet' eb', xchi win 'a David.

A Ch'an̈ Schab'l Libro Samuel 11:26

A yic xyab'n sb'a 'ix yistzil win Urías cha, to xcham yichmil 'ix, 'ix 'och 'ix 'a cusc'ojlal yuj win yichmil cha.

A Ch'an̈ Schab'l Libro Samuel 12:26

Ya' sb'a cha, ax Joab 'ix yac' owl yet' eb' amonita cajn 'a chon̈b' Rabá. A yic wan xo yoch 'a yol chon̈b' cha,

Jueces 20:22

Yuj cha, 'ix 'at eb' israel 'a Bet-el, yic tz'oc' eb' yuj cusc'ojlal 'a yojltac Jehová masnto xq'uic'b'i. 'Ix sc'anb'n eb' 'ixtc 'a Jehová: —¿Tzam on̈ 'at cac' owl yet' eb' quit israelal, atn eb' yin̈tl Benjamín? xchi eb'. 'Ix yaln Jehová: —'Ixquec, xchi. Yuj cha, xyi'n pax eb' sniwnal sc'ojol. Ax 'a junx c'u 'ix 'atx eb' yac' owl yet' eb' yin̈tl Benjamín cha. An̈j 'ijnoc a 'aj 'ix 'och owl yuj eb' 'a b'ab'el, ata xcan eb' jun 'ejm xo.

A Ch'an̈ B'ab'el Libro Samuel 6:9

Si'mb'il wal tzeyila: Toto tojln̈ej s'at e no yet' te caruaje chi 'a sb'el Bet-semes yic tzpax te 'a slu'um, toto 'ixta', a Jehová a 'ixtc tzon̈ 'utnec yet' jun tzo'n̈ yailal tic. Toto ma'ay, tecn man̈oc tz'a'n 'och yailal tic 'a quib'n̈ec, comn yab'il tzon̈ 'ixtnec ama, xchi eb'.