A Ch'an̈ Schab'l Libro Samuel 11:17 - Chuj San Sebastian Bible

¹⁷ At wal cha, 'ix 'elt eb' soldado tan̈wjnac jun chon̈b' cha. 'Ix ya'n eb' owl yet' Joab. Ax x'aji, 'ix cham jaywn̈ eb' soldado David, locn win Urías hitita 'ix cham yet' eb'.

Chuj San Mateo Bible

¹⁷ Axo yic ix elta eb' ajc'ol chi' d'a yol schon̈ab', ix yac'an oval eb' yed' eb' soldado vin̈aj Joab chi'. Ay jayvan̈ eb' soldado vin̈aj David chi' ix chami, a d'a scal eb' ix cham vin̈aj Urías chi'.

A Ch'an̈ Schab'l Libro Samuel 11:17 ပူးပေါင်းရင်းမြစ်များ

A Ch'an̈ Schab'l Libro Samuel 11:16

Ax yic x'och oyn eb' soldado yuj Joab chi 'a jun chon̈b' cha, 'ix ya'n 'och Joab win Urías chi 'aj caw ow ya'n owl cha, yujto yojtac 'aj 'ay eb' soldado caw jeln cha.

A Ch'an̈ Schab'l Libro Samuel 11:18

Yuj cha, 'ix 'at ya'nc win Joab alxc 'a David, tas ya'n jun owl cha.

A Ch'an̈ Schab'l Libro Samuel 11:21

¿Mach miljnac win Abimelec tzeyab'i, win yunnal Gedeón, man̈oc am jun 'ix 'ix 'ay q'ue 'a yib'n̈ muro 'ix juln 'emt q'uen sc'ab' cha 'a sjolm win 'a chon̈b' Tebes? ¿Tas yuj ex 'ochch 'a stz'ey smuroal jun chon̈b' cha? toto xchi, tza pacn 'a 'ixtic: An̈jtona', 'ix cham pax win a checb' Urías win hitita, xa chi, xchi Joab chi 'a winac.

A Ch'an̈ Schab'l Libro Samuel 12:9

¿Tas yuj ma'ix a yiclj in checnb'il an Jehová in? 'Ix a b'on wal tas maysch'olnil 'a in sat. 'Ix ac' milxoc win Urías hitita, ax eb' amonita 'ix miln win o'oj, 'ix e'nec' yistzil winac.

Salmos 51:14

Ach in Diosal milm in ton cham 'anma', palta coln 'el 'a yol sc'ab' jun tic. Caw 'ac' in colnb'il, sec 'oj wal-l a tojlal yet' in b'it.