A Ch'an̈ Schab'l Libro Samuel 11:15 - Chuj San Sebastian Bible

¹⁵ Tzyaln David 'a scarta 'ixtic: 'A'c 'och win Urías 'a 'aj caw ow ya'n owl cha. Tzeyi'n 'el e b'a 'a stz'ey, sec tzchami, xchi ch'an̈ carta cha.

Chuj San Mateo Bible

¹⁵ Ix yalanb'at vin̈ d'a ch'an̈ icha tic: Tzac'och vin̈aj Urías tic d'a yichan̈ b'aj te ov yac'an oval, tzex el d'a stz'ey vin̈ yic vach' scham vin̈, xchib'at vin̈.

A Ch'an̈ Schab'l Libro Samuel 11:15 ပူးပေါင်းရင်းမြစ်များ

A Ch'an̈ Schab'l Libro Samuel 11:16

Ax yic x'och oyn eb' soldado yuj Joab chi 'a jun chon̈b' cha, 'ix ya'n 'och Joab win Urías chi 'aj caw ow ya'n owl cha, yujto yojtac 'aj 'ay eb' soldado caw jeln cha.

A Ch'an̈ Schab'l Libro Samuel 11:17

At wal cha, 'ix 'elt eb' soldado tan̈wjnac jun chon̈b' cha. 'Ix ya'n eb' owl yet' Joab. Ax x'aji, 'ix cham jaywn̈ eb' soldado David, locn win Urías hitita 'ix cham yet' eb'.

A Ch'an̈ Schab'l Libro Samuel 12:9

¿Tas yuj ma'ix a yiclj in checnb'il an Jehová in? 'Ix a b'on wal tas maysch'olnil 'a in sat. 'Ix ac' milxoc win Urías hitita, ax eb' amonita 'ix miln win o'oj, 'ix e'nec' yistzil winac.

A Ch'an̈ B'ab'el Libro Yic Yab'ixal Eb' Rey 15:5

yujto a win David cha, caw tojl snab'en win 'a sat Jehová. May 'aj xyij 'el win snab'en 'a tas xyal Jehová 'a 'a, cojn wal smul 'ix 'ochi, yic xya'n milxoc win Urías hitita.

Salmos 51:14

Ach in Diosal milm in ton cham 'anma', palta coln 'el 'a yol sc'ab' jun tic. Caw 'ac' in colnb'il, sec 'oj wal-l a tojlal yet' in b'it.

Salmos 51:4

Caw 'ix 'och wal in mul 'ayach, 'ix in b'o tas tu 'a a sat. Yuj cha, smoj wal in a b'eyc'ojlani, matz tac' yalx tu paxti 'aych yuj jun a b'eyc'ojlal cha.

Ec 8:11

Yujto man̈ toc yajn̈ej tz'ajx 'och yailal 'a yib'n̈ eb' maysch'olnil, yuj cha cojxn maysch'olnil chi tzna eb'.

Jeremías 17:9

Toc 'ay junc tas yel xo tz'ixtw paxti 'icha snab'en eb' 'anma', a jun nab'en cha, may xon tz'aj sb'o'i. ¿Mach wal tztac' yojcan 'eli?

Jeremías 20:13

B'itnejec Jehová, alc e wach' paxti 'a 'a. A tzcoln eb' tz'ab'n syal yuj eb' 'ixtm 'anma'.

A Ch'an̈ B'ab'el Libro Samuel 18:17

Xlajw cha, xyaln cob' Saúl 'a David 'ixtic: —Tzwac' 'ix in b'ab'l 'isl tzcuch Merab estziloc, 'in caw wal jeln ach a'n owal, caw tzach sc'anlb'ej Jehová yic tzya'n owl cu'uj, xchi. Yujto sna Saúl, to wach' man̈oc tz'och smul smiln cham David, yel xo wach' to a eb' filisteo tzmiln chamoc.

A Ch'an̈ B'ab'el Libro Samuel 18:21

'Ix snan Saúl 'ixtic: 'Oj wac' 'ix wisl tic yistloc win David, sec yuj 'ix ax ya'x ganar David yuj eb' filisteo, xchi. Yuj cha, xyaln Saúl chi 'ixtc 'a David 'a scha'ejmal: —A ticnec b'i'an, 'oj och in n̈i'oc, xchi cob' winac.

A Ch'an̈ B'ab'el Libro Samuel 18:25

Yuj cha, xyaln Saúl 'ixtic: —'At alc 'a David, chajtlto matz tac' stojn win 'ix wisl tic 'a 'icha sb'eyb'al eb' 'anma'. Cojn jun tas tzin nib'j an reyn tic, to tzyij cot win junc ciente sjolm swincal eb' filisteo 'ayin, sec 'ixta tzwutj in pacn in b'a 'a eb' 'ajc'ojl yajch 'ayin, xchi cob'i'. 'Ixta xyutj yalni, sec tzcham David chi yuj eb' filisteo chi snani.