A Ch'an̈ Schab'l Libro Samuel 11:1 - Chuj San Sebastian Bible

¹ Ax 'a junx ab'il cha, yic stiempoal s'at eb' rey 'a owal, 'ix schecn 'at David win Joab syajlil eb' soldado, yet' pax smasnil eb' soldado israel. 'Ix schecn win eb' yac' owl 'a Amón. 'Ix lajw can 'el eb' amonita chi yuj eb', 'ix yoyn sb'a eb' 'a chon̈b' Rabá. Palta ax win rey David, 'ix can win 'a Jerusalén.

Chuj San Mateo Bible

¹ A d'a junxo ab'il, d'a stiempoal sb'at eb' rey d'a oval, ix checjib'at vin̈aj Joab yuj vin̈aj rey David yed' masanil eb' yajalil eb' soldado yed' masanil eb' soldado israel d'a oval. Ix satanel eb' amonita eb', ix yoyan sb'a eb' d'a spatic chon̈ab' Rabá. Maj b'atlaj vin̈ rey chi' yed' eb', ix can vin̈ d'a Jerusalén.

A Ch'an̈ Schab'l Libro Samuel 11:1 ပူးပေါင်းရင်းမြစ်များ

A Ch'an̈ Schab'l Libro Samuel 10:14

A yic xyiln eb' amonita cha, to x'at eb' sirio chi 'eloc, yuj cha, 'ix 'at pax eb' 'elc 'a yojltac Abisai. 'Ix 'och eb' sc'ub'c 'el sb'a 'a yol chon̈b' cha. Yuj cha, 'ix 'och wan Joab ya'n owl yet' eb' amonita, 'ix pax 'a Jerusalén.

A Ch'an̈ B'ab'el Libro Yic Yab'ixal Eb' Rey 20:22

Xlajw cha, 'ix japx win schecb' Dios 'a win rey cha, 'ix yaln win 'ixtic: —Tzcham wal a nani tas tzotj a b'a, tza'ch stz'acb' ewin a soldado tic, yujto yab'n 'ixtc junab', ax sjapx win sreyl Siria yac' owl et'oc, xchi.

A Ch'an̈ B'ab'el Libro Yic Yab'ixal Eb' Rey 20:26

Xlajw yec' jun ab'il cha, 'ix ya'n lista win Ben-adad eb' soldado sirio, ax 'a chon̈b' Afec, ata xc'och win yac' owl yet' eb' israel.

1 Cr 20:1

Ax 'a junx ab'il, atn 'a yic stiempoal s'at eb' rey 'a owal, a Joab 'ix smolb'tzan eb' soldado, 'ix 'at sjunc slum eb' amonita. 'Ix 'at yoync pax 'och sb'a eb' 'a spatquil chon̈b' Rabá, 'ix ya'n owl yet'oc, masnto xlajw can 'ejm yu'uj, ya' sb'a a David 'aycn 'a Jerusalén.

2 Cr 36:10

A 'a yic b'ab'l 'uj 'a yic junx ab'il, 'ix yaln rey Nabucodonosor to tz'ijx 'at Joaquín 'a Babilonia yet' jun tzo'n̈ yamc'ab' to chan̈ stojol yic yatut Jehová. Ax Sedequías yu'tac can smam Joaquín cha, a xya'cn 'och win sreyloc Judá yet' Jerusalén.

Salmos 60:9

¿Mach wal 'oj qui'n 'at 'a jun chon̈b' oyn 'och smuroal? ¿Mach 'oj qui'n 'at 'a Edom?

Ec 3:8

'Ay yorail 'ay chamc'ojlal, 'ay pax yorail chacjb'ail. 'Ay yorail yoch owal, 'ay pax yorail yoch junc'ojlal.

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Jeremías 49:3

'Ochn̈ec 'a cusc'ojlal ex 'aj chon̈b' Hesbón, yujto a chon̈b' Hai, tox 'ix lajw 'ejmi. Ex 'ix 'aj chon̈b' Rabá, 'ochn̈ec wal 'a cusc'ojlal. 'A'c 'och e pichl n̈achtac sat, 'o'n̈ec. 'Oyb'xan̈c 'ec' 'a yol e chon̈b' yuj e somc'ojlal. Ma'c lajwc e niwnal, yujto a jun e diosal tzcuch Milcom, 'oj 'ijxoc 'at 'icha presoal, yet' eb' ya'mal 'och e ti 'a 'a, yet' pax eb' 'anma to niwc yel'ch yopiso.

Ez 21:20

Tza'n 'och yechl junc b'e chi 'aj 'oj b'ey win sreyl Babilonia chi yet' yespada cha. Jun b'e chi tzc'och 'a chon̈b' Rabá 'a yol yic eb' amonita, ax junx tzc'och 'a Jerusalén 'a yol yic Judá, jun caw wach' yajch smuroal.

Am 1:14

Yuj cha, 'oj wac' n̈usxoc tz'a smuroal chon̈b' Rabá, ax jun c'ac' chi 'oj satnc 'el scuartel eb'. Caw 'oj 'el yaw eb' yuj owal. A jun owl cha, 'icha wal junc niwquil 'ic', 'ixta 'oj 'aj sjawi.

Zacarías 14:3

Palta yajn̈ej ax yelt Jehová yac' owl yet' jun tzo'n̈ nacion̈ cha, 'icha yutjnac ya'n owl 'a pecti'.

Dt 3:11

(Cojxn win Og chi yin̈tl eb' 'anma niwc stel 'aycn 'a jun lugar cha. A scaxail b'ob'il, q'uenn̈ej smasnil, chan̈e metro yoc, jab'xoj man̈toc chab' metro sat, checl to yaj jun chi 'a chon̈b' Rabá 'a yol slugar eb' amonita.)

A Ch'an̈ B'ab'el Libro Samuel 18:30

Ax eb' syajlil eb' filisteo, caw tz'eltn̈ej eb' yac' owl yet' eb' israel, palta 'a junjn 'ejem tzyac' ganar David owl yet' eb' soldado ajun yet'oc. Caw jeln 'a yib'n̈ jun tzo'n̈ xo eb' scapitan̈ win Saúl cha, yuj cha caw b'inab'il.