A Ch'an̈ Schab'l Libro Samuel 10:19 - Chuj San Sebastian Bible

¹⁹ Ax xyiln eb' rey 'aych colwjoc yet' win Hadad-ezer, to xlajw 'el eb' yuj eb' israel, 'ix yaln eb' to tz'och eb' 'a junc'ojlal yet' eb'. Yuj cha, xcan eb' 'a yaln̈ schecnb'il David. Ye'n̈j cha, man̈x 'a 'aj xcolwj eb' sirio chi 'a eb' amonita cha, yujto xiwcn 'el eb'.

Chuj San Mateo Bible

¹⁹ Ayic ix yilan masanil eb' rey ayoch yed' vin̈aj rey Hadad-ezer chi' to toxo ix ac'ji ganar eb' yuj eb' israel chi', ix yac'anoch sb'a eb' d'a junc'olal yed' eb' israel chi', yuj chi' ix canxon̈ej eb' d'a yalan̈ smandar vin̈aj rey David chi'. Atax ta' ix xivcanq'ue eb' sirio chi', majxo yac'xiochlaj sb'a eb' scolvaj yed' eb' amonita chi'.

A Ch'an̈ Schab'l Libro Samuel 10:19 ပူးပေါင်းရင်းမြစ်များ

A Ch'an̈ Schab'l Libro Samuel 8:3

Ya'jnar pax ganar David win Hadad-ezer, atn win yunnal Rehob, win sreyl Soba, yic wan s'at win Hadad-ezer chi 'at scha 'i'nc 'ec' slum macb'il yuj 'a sti a Éufrates.

A Ch'an̈ Schab'l Libro Samuel 8:6

Yajn̈j wal cha, xya'n 'och David eb' soldado yet' scamplamento 'a yol yic Damasco cha, 'ixta x'ajcn eb' sirio chi scan 'a yaln̈ schecnb'il David, syamn 'och eb' ya'n stojlb'al 'a 'a. Ax Jehová a tz'a'n yac' ganar David owal, yaln̈j 'ajtil tz'ati.

A Ch'an̈ B'ab'el Libro Yic Yab'ixal Eb' Rey 20:1

Ax Ben-adad sreyl Siria, 'ix yac' syam sb'a smasnil eb' soldado, yet' pax 32 eb' rey to swach'c'ojl sb'a yet'oc, yet' eb' schej, yet' eb' scaruaje yic owal, xlajw cha, 'ix 'at eb' yac' owl 'a chon̈b' Samaria, 'ix 'och oyn eb' 'a jun chon̈b' cha.

1 Cr 19:19

Ax xyiln eb' schecb' rey Hadad-ezer, chajtlto tox 'ix 'ajx ganar eb' yuj eb' israel, yuj cha, xya'n 'och sb'a eb' 'a junc'ojlal yet' David, 'ix 'ochcn eb' 'a yaln̈ schecnb'il. Ax eb' sirio cha, man̈x 'ic yal sc'ojl eb' xcolwj yet' eb' amonita cha.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Dn 2:37

Ach tic mamin rey, sat aj 'a smasnil eb' rey, yujto a Dios 'aj satcha'an̈, a ach 'a'n 'och reyal. Xya'n a jelnal, xya'n pax ep, yuj cha, caw niwn el'chi.

Josué 11:10

Xlajw cha, xmeltzj pax Josué yet' eb' soldado, 'ix jaw eb' 'a chon̈b' Hazor. 'Ix smiln can win sreyl jun chon̈b' cha, yet' smasnil eb' cajn ta', c'uxn satl smasnil yuj eb', sn̈usn can eb' jun chon̈b' cha. Atn jun chon̈b' tic caw niwn yel'ch 'a scal jun tzo'n̈ xo eb' chon̈b' cha.

Apoc 18:10

'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.