A Ch'an̈ Schab'l Libro Samuel 10:17 - Chuj San Sebastian Bible

¹⁷ Palta 'ix alx pax yab' David, chajtlto 'ay tas wan sb'on ewin 'a spatic. Yuj cha, 'ix ya'n pax syam sb'a smasnil eb' soldado israel, 'ix 'ec' eb' 'a yojl 'a Jordán, 'ix c'och eb' 'a chon̈b' Helam. Axta ste'wtzej sb'a eb' sirio chi ya'n owl yet' David.

Chuj San Mateo Bible

¹⁷ Palta ix alchajpax juntzan̈ tic d'a vin̈aj rey David, yuj chi' ix smolb'ej masanil eb' soldado yic Israel vin̈, ix ec' eb' d'a sc'axepal a' Jordán, ix c'och eb' d'a Helam. Ata' ix stec'b'ej sb'a eb' sirio chi' yac'an oval yed' eb' israel chi'.

A Ch'an̈ Schab'l Libro Samuel 10:17 ပူးပေါင်းရင်းမြစ်များ

A Ch'an̈ Schab'l Libro Samuel 10:16

Ax win Hadad-ezer, 'ix 'at ya'nc win cot eb' sirio cajn 'a sc'axpil 'ec' sti a niwn a Eufrates. 'Ix cot eb', axta xjaw eb' 'a chon̈b' Helam. A win Sobac, a win b'ab'l yuj eb', yujto syajlil eb' soldado win Hadad-ezer chi yaj winac.

A Ch'an̈ Schab'l Libro Samuel 10:18

Ax x'aji, 'ix 'atx eb' sirio chi 'elc 'a yojltac eb' israel cha. A eb' xcham yuj David 'a owl cha, uque ciente eb' 'aych 'a yol caruaje yic owal yet' chawinc mil eb' soldado sirio 'ay q'ue 'a yib'n̈ chej. 'Ix smiln pax David win Sobac, atn win syajlil eb' soldado cha, 'ix chamcn win ta'.

1 Cr 19:17

Yajn̈j wal cha, 'ix alx jun tzo'n̈ chi 'a David. Yuj cha, 'ix ya'n syam sb'a smasnil eb' israel jun 'ejm xo. 'Ix c'axw 'ec' eb' 'a a Jordán, 'ix c'och eb' 'a eb'. Ax David 'ix yac' lista sb'a yet' eb' soldado, 'ix 'och eb' 'a owl yet' eb' sirio cha.