A Ch'an̈ Schab'il Libro Yic Yab'ixal Eb' Rey 9:7 - Chuj San Sebastian Bible

⁷ Ach 'oj a satl smasnil eb' yin̈tl ajlil Acab. 'Ixtnta 'oj wutc wa'n spac schamlil eb' in checab', yet' eb' yalmal 'el in paxti; yujto 'elnc schic'l eb' yuj 'ix Jezabel.

Chuj San Mateo Bible

⁷ A ach ol a satel masanil eb' yin̈tilal vin̈aj Acab, vin̈ ayach d'a yalan̈ smandar. Icha chi' ol aj in pacan schamel eb' vin̈ in checab' yed' eb' vin̈ tz'alanel in lolonel, yujto elnac schiq'uil eb' vin̈ yuj ix Jezabel.

A Ch'an̈ Schab'il Libro Yic Yab'ixal Eb' Rey 9:7 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:15

Ax yic xyab'n 'ix Jezabel to xcham win Nabot, 'ix yaln 'ix 'a win Acab 'ixtic: —A ticnec 'ixic, 'at maccn eco'oc lum slum win Nabot, win 'aj Jezreel, atn lum ma'ix schon̈ win 'ayach, yujto a ticnec, man̈x pitznoc winac, chamnc xo winac, xchi 'ix.

A Ch'an̈ B'ab'el Libro Yic Yab'ixal Eb' Rey 21:21

Yuj cha, xyal Jehová 'a eb'n̈ 'ixtic: 'Oj wi' cot cusc'ojlal 'a eb'an̈, 'oj in satl smasnil ewin en̈til. 'Oj in satl eb' winc to niwc yel'chi, yet' eb' 'aych checb'al 'a scal chon̈b' Israel.

A Ch'an̈ B'ab'el Libro Yic Yab'ixal Eb' Rey 21:25

(Wal yel, may junc rey 'ixta xyutj sb'a 'icha win Acab, yujto xmontchj win yuj yistzil yic ste'wtzan sb'a sb'on tas tu 'a sat Jehová.

A Ch'an̈ Schab'il Libro Yic Yab'ixal Eb' Rey 10:10

A ticnec, tzcham wal eyojcan 'eli, to a smasnil tas yaljnac can 'el Jehová 'a yib'n̈ eb' yin̈tl Acab, may junc tas ma'oj 'el'choc. Wan yel'ch smasnil tas yaljnac can Jehová 'a sti jun schecab', atn Elías, xchi Jehú.

A Ch'an̈ Schab'il Libro Yic Yab'ixal Eb' Rey 10:11

Xlajw cha, 'ix swach' miln cham Jehú jaywn̈ xo eb' yin̈tl Acab 'a Jezreel cha, eb' niwn yel'chi, eb' to caw swach'c'ojl sb'a yet'oc, yet' eb' 'aych ya'malc 'och sti eb' 'a sdioal yu'uj, man̈x 'a junc eb' xcan 'a spitznal.

2 Cr 22:7

Palta tox 'ix sna Dios, to a yic 'oj 'at Ocozías 'at yil Joram, ax schami. At wal sc'och cha, 'ix 'elt yet' Joram, yic tzwul schanoc eb' Jehú, yunnal Nimsi. Palta tox 'ix si'l Jehová Jehú, yic tzsatn 'el smasnil eb' yin̈tl Acab.

Jeremías 26:5

Ma'ix e chaj eyab' pax tas xwac' yal eb' in checab', caw niwn 'ejm yaljnac eb' 'ayex, atn jun tzo'n̈ an̈ja matz e chaj eyab' ticnec.

Mt 23:35

Yuj cha, a 'a eyib'n̈ 'oj jawc schaml smasnil eb' tojl snab'en 'ix milx cham 'a yolyib'n̈q'uinl tic, yictax xcham win Abel, jun tojl snab'en, masnto xc'och stiempoal xcham win Zacarías, win yunnal Berequías. Atn Zacarías chi chamnc yuj eb' e mam eyichm 'a snan̈l yatut Dios yet' jun yet'l xajmb'al.

Ro 12:19

Ex chamc'ojlb'il wu'uj, caw wal matz tac' qui pacnec qui b'a 'a junc mach. Yowlal tzqui tan̈wjec, sec mun a Dios 'oj 'a'nc syailal. Yujto yaljnac can Dios 'ixtc 'a Ch'an̈ U'un̈: An 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi Cajlilec.

Ro 13:4

'Ay yopiso eb' yuj Dios, yuj swach'loc eb' 'anma smasnil. Palta toto maysch'olnil tzcutjec qui b'a, smoj tzon̈ xiwc yuj eb', yujto caw yel 'ay yopiso eb' ya'n 'och yailal 'a quib'an̈. Yujto 'aych yopiso eb' yuj Dios ya'n 'och yailal 'a yib'n̈ eb' maysch'olnil tzyutj sb'a cha.

Dt 32:35

An 'ay waln wic wa'n 'och syailal eb', an 'oj wac' spac 'a eb', 'icha smoj schan eb'. 'Ay jun c'ual 'oj lajwc 'el eb', caw la'nxo yaj sc'ual yic 'oj lajwc 'el eb'. ¡Caw jab'xoj sc'och yorail schan eb' spac! xchi Dios.

Dt 32:43

Ex nacion̈ tzaljan̈c yet' jun schon̈b' Dios tic, yujto 'oj spactzoc Jehová schamlil eb' schecab'. 'Oj yac' spac 'a eb' 'ajc'ojl yajch 'a eb', ax ya'n lajwc smul eb' schon̈b' cha, xchi Moisés.

A Ch'an̈ Carta D'a Eb' Hebreo 10:30

Cojquec, 'ixtc yaj yaln Cajlilec: An ton tic 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi. Yaljnac can pax 'ixtic: An Yajl in tic, 'oj in b'eyc'ojloc eb' in chon̈ab', xchi Dios.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.

Apoc 2:20

Palta 'ay wal jab' in c'ojloc 'ayex. Yujto tze chaj 'och 'ix Jezabel 'a e cal. A jun 'ix cha, tzcob' yalch sb'a schecb'oc Dios, palta ton̈j tzyixtj paxti 'ix eb' tzin 'a'n servil. Yujto a tz'a'n sc'ojloc eb', sec tzb'o eb' 'ajmulal, tzchin pax eb' jun tzo'n̈ xajmb'al tz'ajx 'a jun tzo'n̈ tzalx 'och diosal.