A Ch'an̈ Schab'il Libro Yic Yab'ixal Eb' Rey 9:27 - Chuj San Sebastian Bible

²⁷ A yic 'ix yiln 'och Ocozías sreyl Judá tas 'ix uji, 'ix 'at 'eloc, ata x'atcn 'a sb'el Bet-hagan. Palta ax Jehú 'ix 'atn̈j 'a spatquil, 'ix yaln 'ixtic: —¡Milc pax chamoc! xchi. 'Ix yamchj yuj eb' 'a lum switzl Gur 'a sla'nil Ibleam. Ata xlajw yuj eb' 'a yol scaruaje, palta 'ix 'at 'elc 'a Meguido, axta xchami.

Chuj San Mateo Bible

²⁷ Ayic ix yilan vin̈aj Ocozías sreyal Judá tas ix uji chi', ix el lemnaj vin̈, ix b'atcan vin̈ d'a sb'eal Bet-hagán, palta ix b'at vin̈aj Jehú chi' d'a spatic vin̈, ix yalan vin̈: —Milecpaxcham jun vin̈ tic, xchi vin̈. Ix yamchaj vin̈aj Ocozías chi' yuj eb' d'a svitzal Gur d'a slac'anil Ibleam. Ata' ix lajvi vin̈ d'a yol scarruaje chi' yuj eb', palta ixto yal yel vin̈, masanto ix c'och vin̈ d'a Meguido. Ata' ix cham vin̈.

A Ch'an̈ Schab'il Libro Yic Yab'ixal Eb' Rey 9:27 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:2

'Ay jun c'ual, 'ix yaln win Acab 'ixtc 'a win Nabot: —'Ac' jab' 'a lum 'ayin, sec ata tzwawj jac witaj, yujto stz'ey xon watut 'aj 'ay; ton̈j cab' tzin jel 'ayach, mto tzyal a c'ojl jun, tzin man 'ayach, xchi winac.

A Ch'an̈ B'ab'el Libro Yic Yab'ixal Eb' Rey 4:12

Baana yunnal Ahilud, a 'ajcuenta yi'n cot jun tzo'n̈ chi 'a Taanac, 'a Meguido yet' 'a smasnil yol yic Bet-seán. A jun cha, junn̈j yaj yet' Saretán 'a yaln̈ 'emt Jezreel, tzchaj cot 'a Bet-seán, masnto tzc'och 'a Abel-meholá, yet' 'a junx scaxpil yic Jocmeam.

A Ch'an̈ Schab'il Libro Yic Yab'ixal Eb' Rey 10:4

Palta caw 'ix xiw eb' si'mb'il, 'ix yaln eb' 'ixtic: 'Intax a chawn̈ eb' rey, man̈x 'ic stac' ste'wtzan sb'a eb' 'a yojltac winac, ocxo on̈c tic, ¿tas wal 'oj cutquec qui te'wtzanec qui b'a 'a yojltac? xchi eb'.

A Ch'an̈ Schab'il Libro Yic Yab'ixal Eb' Rey 11:1

A 'ix Atalía snun Ocozías, 'ix yab'i chajtlto tox 'ix cham win yune 'ix cha, yuj cha, smiln cham 'ix smasnil eb' yin̈tl win rey cha.

A Ch'an̈ Schab'il Libro Yic Yab'ixal Eb' Rey 12:1

A yic yucl ab'il xo yoch Jehú reyl 'a israel, 'ix 'och Joás reyl 'a Judá; chawinc ab'il 'ix yac' reyl 'a Jerusalén. A snun, Sibia sb'i, 'aj Beerseba.

A Ch'an̈ Schab'il Libro Yic Yab'ixal Eb' Rey 12:21

A Josacar yunnal Simeat, yet' Jozabad yunnal Somer, a eb' xmiln cham Joás, ata 'ix mucx 'a 'aj mucn eb' smam yichm 'a Schon̈b' David. Xlajw cha, ax jun yunnal tzcuch Amasías, a 'ix 'ochcn reyl sjeloc.

A Ch'an̈ Schab'il Libro Yic Yab'ixal Eb' Rey 14:19

'Ay jaywn̈ eb' 'aj Jerusalén 'ix 'och 'ajc'ojlal 'a Amasías, yuj cha, 'ix 'at 'elc 'a Laquis; palta 'ix 'at eb' 'ajc'ojl chi 'a spatquil, masnto 'a jun chon̈b' cha, ata 'ix smil cham eb'.

A Ch'an̈ Schab'il Libro Yic Yab'ixal Eb' Rey 21:23

Ax eb' 'aych yajlil yet' Amón cha, 'ix meltzj 'och eb' 'ajc'ojlal 'a 'a, 'ix smiln cham eb' 'a yol sdespacho.

A Ch'an̈ Schab'il Libro Yic Yab'ixal Eb' Rey 8:29

yuj cha, 'ix meltzj can rey Joram, 'ix jaw 'a Jezreel yuj yan̈tn sb'a. Yujto ya'ay win Joram cha, yuj cha, 'ix 'at Ocozías 'at yil 'a Jezreel cha.

Pr 13:20

Toto jun tzon̈ 'e'c yet' eb' wach' snab'en, caw 'oj qui jelnb'iec; ax toto a yet' eb' tu snab'en tzon̈ 'eq'uec, 'oj qui satc 'eli.

Nm 16:26

'Ix yaln 'ixtc 'a smasnil eb' 'anma cha: —'Ijec 'el e b'a 'a stz'ey smantiado jun tzo'n̈ 'anma maysch'olnil snab'en tic, man̈ eyam junc tas 'ay 'a eb', ax to laj x'aji, locn ex tzex cham yuj smul eb', xchi.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

Josué 17:11

'Ix yij pax eb' yin̈tl Manasés chi jun tzo'n̈ xo chon̈ab', atn eb' lum xcan 'a yol yic Isacar yet' 'a yic Aser, junjn eb' chon̈b' chi yet' yaldeail 'ay 'a stz'ey: Atn Bet-seán, Ibleam, Dor, Endor, Taanac, Meguido, yet' pax 'oxe xo chon̈b' yamn yaji.

Jueces 1:27

Eb' 'anma ma'ix techj spechn 'el eb' yin̈tl Manasés: atn eb' 'aj Bet-seán, eb' 'aj Taanac, eb' 'aj Dor, eb' 'aj Ibleam, eb' 'aj Meguido, yet' eb' 'ay 'a yaldeail jun tzo'n̈ chon̈b' cha. A eb' cananeo 'a jun tzo'n̈ chon̈b' cha 'ix ste'wtzej sb'a eb' 'a owal, yuj cha 'ix can cajn eb' ta'.

Jueces 5:19

Xlajw cha, xjaw eb' rey yac' owal. Xjaw eb' sreyl Canaán yac' owl 'a Taanac, 'a sti a a tzcuch Meguido, palta may tumin, may ricoal xyij eb'.