A Ch'an̈ Schab'il Libro Yic Yab'ixal Eb' Rey 9:24 - Chuj San Sebastian Bible

²⁴ Palta ax Jehú tojl xyutj sjuln 'at sjul-lab' chi 'a rey Joram, ax wal 'a yich spatquil xc'ochi. 'Ix c'axw 'ec' 'a spixan, 'ix 'ec' telnjoc 'a yol scaruaje, 'ix chami.

Chuj San Mateo Bible

²⁴ Yuj chi' a vin̈aj Jehú chi' yed' val yip vin̈ ix sjulb'at sjul-lab' d'a vin̈aj Joram chi', aval d'a snan̈al yich spatic vin̈ ix ochi, ix c'axpaj d'a spixan vin̈. Yuj chi' ix telvi vin̈ d'a yol scarruaje chi', ix cham vin̈.

A Ch'an̈ Schab'il Libro Yic Yab'ixal Eb' Rey 9:24 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 19:17

A tas 'oj ujoc, toto 'ay mach 'oj 'at 'elc 'a yol sc'ab' Hazael, ax win Jehú chi 'oj milnoc, ax mach 'oj 'at 'elc 'a yol sc'ab' Jehú, ax Eliseo chi 'oj milnoc.

A Ch'an̈ B'ab'el Libro Yic Yab'ixal Eb' Rey 21:29

—¿Tzam ela tas tzyutj win Acab yi'n 'ejm sb'a 'ayin? Yujto xyij 'ejm sb'a win 'ayin, ma'oj wa' cot yailal 'a yib'n̈ winac yic pitzn to. At 'a yic 'aych junc yunnal chi reyl sjeloc, ata 'oj jawc cusc'ojlal wuj 'a yib'n̈ smasnil eb' yin̈til, xchi Jehová 'a Elías.

A Ch'an̈ B'ab'el Libro Yic Yab'ixal Eb' Rey 22:34

'Ay jun soldado scomn julj 'at sjul-lab' 'a scal ewin soldado 'aych 'a owl cha, ax x'aji, 'echb' wal 'a 'aj tzchaj sb'a sq'uen pichl win rey Acab 'ix 'och tz'ab'njoc sjul-lab' win cha. Yuj cha, xyaln win Acab chi 'ixtc 'a win yamjnac sti no chej to'jnac te caruaje cha: —Toc' meltzjoc sti no chej tic, 'ij in 'el 'a scal owl tic, yujto niwquil in 'aj in lajwi, xchi winac.

A Ch'an̈ B'ab'el Libro Yic Yab'ixal Eb' Rey 22:35

A 'a jun c'u cha, caw niwquil jun owl chi x'ochi, 'ix to syam chan̈ lin̈n eb' win rey Acab 'a yol scaruaje yic tzya'n to wal eb' owl yet' ewin 'aj Siria cha. Caw xb'ey schic'l win yel 'a yol scaruaje, ax 'a yemc'ul cha, 'ix cham winac.

A Ch'an̈ Schab'il Libro Yic Yab'ixal Eb' Rey 10:4

Palta caw 'ix xiw eb' si'mb'il, 'ix yaln eb' 'ixtic: 'Intax a chawn̈ eb' rey, man̈x 'ic stac' ste'wtzan sb'a eb' 'a yojltac winac, ocxo on̈c tic, ¿tas wal 'oj cutquec qui te'wtzanec qui b'a 'a yojltac? xchi eb'.

A Ch'an̈ Schab'il Libro Yic Yab'ixal Eb' Rey 10:9

Ax 'a junx c'u, 'ix 'elt Jehú, 'ix 'och lin̈n 'a sti puerta cha, 'ix yaln 'a smasnil eb' chon̈b' 'ixtic: —Ax tic may e mul. An xin mil cham qui reyal, yuj wi'n 'el 'a yopiso; palta ¿mach 'ix miln cham smasnil jun tzo'n̈ eb' tic?

Salmos 50:22

Toto tzin 'at satc'ojlal eyu'uj, wach' cab' tz'aj snachj 'el eyu'uj, to choc' 'oj ex wutc cani. Man̈x 'a mach 'oj e coln 'el 'ayin.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Zacarías 13:6

Toto 'ay mach tzc'anb'n 'a junc chi 'ixtic: ¿Tas yaj jun tzo'n̈ lajwel 'a a niwnal chi jun? toto xchi, ax spacn 'ixtc 'a 'a: In ma'x lajwc 'a yatut eb' in wach'c'ojol, 'oj xchioc, xchi Dios.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.