A Ch'an̈ Schab'il Libro Yic Yab'ixal Eb' Rey 9:22 - Chuj San Sebastian Bible

²² A yic schan sb'a rey Joram chi yet' Jehú, 'ix yaln 'a 'ixtic: —¿Junc'ojlal am tzach jaw Jehú? xchi. 'Ix ta'w Jehú 'ixtic: —¿'Aj 'oj ec' junc'ojlal, ya' sb'a a 'ix a nun Jezabel an̈j 'ijnoc yoch 'ix 'emmquilal 'a jun tzo'n̈ comn dios yet' sb'alwjumal? xchi Jehú.

Chuj San Mateo Bible

²² Ayic ix yilan vin̈aj Joram chi' to a vin̈aj Jehú sc'ochi, ix yalan vin̈: —Ach Jehú, ¿tom d'a ac'anc'olal tzach javi? xchi vin̈. Ix yalan vin̈aj Jehú chi': —Tom ijan ac'anc'olal tzin javi yacb'an a ix a nun ix Jezabel, an̈eja' yac'anem sb'a ix d'a juntzan̈ sdiosal yed' d'a yajb'aalil, xchi vin̈.

A Ch'an̈ Schab'il Libro Yic Yab'ixal Eb' Rey 9:22 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 18:19

A ticnec, checb't yi'mal cot smasnil eb' quit israelal, yet' eb' 450 schecb' Baal, yet' pax chan̈e ciente eb' schecb' Asera, atn eb' tz'ajx wa yuj 'ix Jezabel. Al 'a eb' to ata tzin chaj in b'a yet' eb' 'a lum jolm witz Carmelo, xchi Elías 'a Acab cha.

A Ch'an̈ B'ab'el Libro Yic Yab'ixal Eb' Rey 21:25

(Wal yel, may junc rey 'ixta xyutj sb'a 'icha win Acab, yujto xmontchj win yuj yistzil yic ste'wtzan sb'a sb'on tas tu 'a sat Jehová.

A Ch'an̈ Schab'il Libro Yic Yab'ixal Eb' Rey 9:18

'Ix 'at jun soldado yet' schej chi 'at yila', 'ix yaln 'a 'a: —A win rey tzin checn cot wul in c'anb'c 'ayach, man̈toc am 'a'j owl tzach jawi, xchi 'a winac. 'Ix ta'w Jehú, 'ix yalni: —Ach tic may aln ec 'a jun tic. ¡Cojn to tzach 'och tza'n wu'uj! xchi. Xlajw cha, 'ix yaln win stan̈mal chon̈b' 'ixtic: A win checb' cha, 'ix c'och 'a 'aj tzjaw eb' cha, palta mantzac 'ilx smeltzj winac, xchi winac.

2 Cr 21:13

palta a sb'eyb'al jun tzo'n̈ sreyl chon̈b' Israel tza b'eylb'ej, yujto a eb' 'aj Jerusalén yet' jun tzo'n̈ xo eb' 'aj Judá o'oj 'ix yaln sb'a eb' 'a jun tzo'n̈ comn dios, 'icha yutjnac sb'a eb' yin̈tl Acab. An̈jtona', 'ix a tzu'n cham pax eb' o'tac, atn eb' yunnal a mam. A eb' cha, yel xo wach' eb' 'a eb'an̈.

Ec 3:8

'Ay yorail 'ay chamc'ojlal, 'ay pax yorail chacjb'ail. 'Ay yorail yoch owal, 'ay pax yorail yoch junc'ojlal.

Nahúm 3:4

'Ixta 'ix 'aj sjaw 'a yib'n̈ chon̈b' Nínive, yujto caw x'ixtx jun tzo'n̈ xo chon̈b' yu'uj. A wal eb' yajl 'a jun chon̈b' cha, caw jeln eb' 'a 'ajchumal yic tzya'n ganar eb' yoch jun tzo'n̈ xo chon̈b' 'a yaln̈ schecnb'il. Lajn yaj schon̈b' eb' 'icha junc 'ix 'ajmul 'ix tzmontj 'och winc 'a 'a, caw wach' yilxi, caw nib'b'il 'ix, 'ixta jun chon̈b' cha.

Apoc 18:23

Man̈x 'a junc cantil 'oj yac' sacq'uinl ta', man̈x 'a b'a'n̈ 'oj 'ab'xoc yel 'aw yuj junc q'uin̈ nupnel. 'Ixta 'oj 'aj jun chon̈b' cha, yujto a eb' chon̈wjum 'ayc' ta', yel xo niwn yel'ch eb' 'a yib'n̈ smasnil eb' 'anma 'a yolyib'n̈q'uinal. An̈jtona', c'uxn xlaj 'ixtx paxti eb' 'anma 'a junjn nacion̈ yuj yajchumal, yet' ya'm 'esal jun chon̈b' cha, xchi jun ángel cha.

Apoc 18:3

Yujto smasnil nacion̈, x'och eb' 'u'm 'an̈il yuj yal yuva jawnc sti xyac' 'a eb', atn yajmulal. Ax eb' niwc yajl 'a yolyib'n̈q'uinal, sb'o eb' 'ajmulal yet'oc. Ax smasnil eb' chon̈wjum, x'och eb' ricoal yu'uj, yujto caw tzyac' sobra tas 'ay 'a 'a, xchi jun ángel cha.

A Ch'an̈ B'ab'el Libro Samuel 16:4

'Ix syiclni Samuel sb'on tas xyal Jehová. Ax yic xc'och 'a Belén, 'ix 'elt eb' yichmtac wincal chon̈b' chi scha sc'och yet' xiwc'ojlal, 'ix yaln eb' 'ixtic: —¿Tas tzwul a b'o'? ¿Tzaljc'ojlal mto cusc'ojlal? xchi eb' 'a 'a: