A Ch'an̈ Schab'il Libro Yic Yab'ixal Eb' Rey 9:2 - Chuj San Sebastian Bible

² A yic 'oj a c'och ta', tza sayn 'ec' Jehú yunnal Josafat yixchicn Nimsi. Tzach 'och 'a 'aj 'ayq'ui, tze'n 'el 'a scal eb' yitb'eym 'ayc' yet' cha, tze'n 'at 'a junc xo cuarto.

Chuj San Mateo Bible

² Ayic tzach c'och ta', tza sayanec' vin̈aj Jehú yuninal vin̈aj Josafat yixchiquin vin̈aj Nimsi. Tzach och b'aj ayec' vin̈ chi', tzic'anelta vin̈ d'a scal eb' vin̈ ayec' yed' vin̈ ta', tzic'anb'at vin̈ d'a junocxo cuarto.

A Ch'an̈ Schab'il Libro Yic Yab'ixal Eb' Rey 9:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 20:30

Ax jun tzo'n̈ xo eb' soldado cha, 'ix 'at eb' 'eloc, axta xc'och eb' scol sb'a 'a chon̈b' Afec. Ax x'aji, 'ix cot lan̈njoc smuroal jun chon̈b' chi 'a yib'n̈ eb'. 'Ixta x'aj scham eb' uqueschawinc mil soldado xcob' yac' ganar s'at 'eloc. Ax win Ben-adad cha, x'at pax win 'eloc, tzol-li yec' win 'ec' sc'ub'c 'el sb'a 'a junjn n̈a.

A Ch'an̈ B'ab'el Libro Yic Yab'ixal Eb' Rey 22:25

—'Oj el tas 'oj aj 'a jun c'u cha, atn 'a yic 'oj cob' a c'ub'nc 'el a b'a 'a yojl jun tzo'n̈ cuarto caw c'ultac yaj 'a yoltc n̈a, xchi Micaías 'a winac.

A Ch'an̈ Schab'il Libro Yic Yab'ixal Eb' Rey 9:11

A yic 'ix 'elx c'ochx Jehú 'a 'aj yamn eb' yit capitan̈il yic win rey cha, 'ix sc'anb'n eb' 'ixtc 'a 'a: —¿Tas xchi, wach' ama? ¿Tas yuj tzach wul yil jun tzcot 'a sjolm cha? xchi eb'. —Ax tic eyojc winac, eyojc xon tas tzyaln̈j eb' schecb' Dios cha, xchi Jehú.

A Ch'an̈ Schab'il Libro Yic Yab'ixal Eb' Rey 9:14

A win Jehú yunnal Josafat yixchicn Nimsi, caw tu 'ix sna 'a spatquil win rey Joram. A win rey cha, xit'c yet' eb' yit israelal yic tzcolx 'el chon̈b' Ramot 'a yol yic Galaad 'a yol sc'ab' win Hazael sreyl chon̈b' Siria yalni.

A Ch'an̈ Schab'il Libro Yic Yab'ixal Eb' Rey 9:20

'Ix yaln pax win stan̈mal chon̈b' chi jun 'ejm xo: —An̈jtona junx win cha, 'ix c'och 'a 'aj tzjaw eb' cha, palta mantzac 'ilx smeltzji. A jun mach tzjaw 'a yol caruaje, coyn wal to 'a Jehú yixchicn Nimsi, yujto yet' smasnil yip tzjaw 'icha xon sb'eyb'al, xchi winac.

A Ch'an̈ Schab'il Libro Yic Yab'ixal Eb' Rey 9:5

A yic 'ix c'och ta', wocn 'ejm smasnil eb' scapitan̈il eb' soldado. Xlajw cha, 'ix yaln 'ixtic: —'Ay wal jab' tas tzin nib'j tzwal 'aych ach in capitan̈, xchi win quelm cha. —¿Mach junc on̈ 'aj 'oj a paxtin cha? xchi Jehú. Atn 'aych ach in capitan̈, xchi 'a Jehú cha.