A Ch'an̈ Schab'il Libro Yic Yab'ixal Eb' Rey 8:7 - Chuj San Sebastian Bible7 Xlajw cha, 'ix 'at Eliseo 'a Damasco scapitalil chon̈b' Siria. A yic jun tiempoal cha, caw wal ya'ay win Ben-adad sreyl chon̈b' cha. 'Ix alx 'a 'a chajtlto tox 'ix c'och win schecb' Dios 'a jun chon̈b' cha, အခန်းကိုကြည့်ပါ။Chuj San Mateo Bible7 Ay junel ix b'at vin̈aj Eliseo d'a Damasco. A d'a jun tiempoal chi', te penaay vin̈aj Ben-adad sreyal Siria. Ix alchaj d'a vin̈ to ix c'och vin̈ schecab' Jehová ta'. အခန်းကိုကြည့်ပါ။ |
A Ch'an̈ Schab'il Libro Yic Yab'ixal Eb' Rey 8:7
18 ပူးပေါင်းရင်းမြစ်များ
'A yaln̈taxi, yic xlajw smiln cham David smasnil eb' soldado 'aj Sobá, 'ix smolb'tzan Rezón chi jun tzo'n̈ eb' 'elc'um. Xlajw cha, x'och win syajlilc eb', yic tz'och eb' 'ajc'ojlal 'a Salomón cha. Xlajw cha, 'ix 'at eb' 'a Damasco, axta xcan cajn eb' ta'. 'Ix ya'n 'och eb' Rezón chi sreyloc chon̈b' Damasco cha.
Yuj cha, 'ix yi'n 'elt win Asa chi smasnil q'uen oro, yet' q'uen plata molb'il 'a yatut Jehová, yet' pax q'uen molb'il 'a yol sdespacho win rey cha. 'Ix ya'n win eb' q'uen 'a eb' schecab', yic tz'at ya'nc eb' 'a win Ben-adad sreyl Siria, ata cajn win 'a Damasco. (A Ben-adad cha, yunnal Tabrimón, yixchicn Hezión.) 'Ix ya'n win Asa chi alxoc 'a win Ben-adad 'ixtic:
Xlajw cha, xyaln Ben-adad chi 'ixtic: —A jun tzo'n̈ chon̈b' yijnac 'ec' in mam 'a yol sc'ab' a mam, ticnec tzwa'x can meltzjoc eb' 'ayach, tztac' pax s'at eb' a chon̈wjum 'a Damasco, 'icha ya'jnac in mam 'a Samaria, xchi. —An xo pax tic, tzach wa'l 'a libre yuj jun trato tic, xchi Acab. 'Ixta xyutj eb' sb'on jun strato cha, xlajw cha, 'ix pax Ben-adad.
Yujto a chon̈b' Damasco, a sat yaj yuj eb' 'aj Siria, ax win Rezín a win rey 'a Damasco cha; a Samaria, a sat yaj 'a schon̈b' eb' yic Efraín, ax win yunnal Remalías, a win rey yaj 'a Samaria cha. Palta yic wal 65 ab'il, ax slajw 'ejm schon̈b' eb' yic Efraín, man̈x nacion̈oc ta'. 'Ixta pax 'oj eyaji, toto ma'oj in eya'ch yipc e c'ojol, ma'oj e te'nb'i 'a yol e chon̈ab', xchi Dios, xchi Isaías.
Yic mantzac in ta'w 'a winac, 'ix yaln pax win comandante chi 'ixtc 'ayin: Toto tza nib'ej, meltzjan̈ 'a win Gedalías yunnal Ahicam yixchicn Safán, atn win chi xya'cn 'och win rey gobernadoral 'a chon̈b' Judá, yic wach' ata tzach 'aj cajn yet' win 'a scal eb' et chon̈ab'. Tzta'n̈j a 'at 'a 'ajtil tzchaj a c'ojol, xchi win 'a 'a. Xlajw cha, xya'n win comandante chi jun siylab', yet' pax tas tzin c'uxu, xlajw cha, xyaln can sb'a win 'ayin.
Palta may eb' 'ayc' 'a yol n̈a cha. Yuj cha, ax Jasón yet' jaywn̈ xo eb' creyente 'ix syam ewinac. 'Ix yi'n 'at ewin eb' 'a yojltac eb' syajlil chon̈ab'. Ata xyal chan̈ ewinac 'ixtic: —A Pablo yet' Silas, c'uxn tz'ec' eb' yac' somchjc 'el snab'en eb' 'anma 'a yolyib'n̈q'uinl tic. Al ticnec, tic xjaw ewin 'ayn̈ec.
ကြော်ငြာတွေ